Malakaus 13မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Txhua tug yuav ntxub mej vim mej yog cov kws ntseeg Kuv, tabsis tug kws ua sabntev tiv taug moog txug thaus kawg, tug ntawd yuav dlim.

Mej yuavtsum ceevfaaj hab zuv tog, ruaqhov mej tsi paub tas thaus twg lub sijhawm ntawd yuav lug txug.

Thaus luas nteg mej coj moog rua huv tej tsev has plaub, mej tsi xob txhawj tas mej yuav has lecaag; thaus txug lub sijhawm ntawd lawm, cale has lawvle Vaajtswv qha kuas mej has, ruaqhov tej lug kws mej yuav has ntawd tsi yog mej le lug tabsis yog Vaaj Ntsujplig tug Dlawbhuv le lug.

Lub ntuj hab lub nplajteb yuav pluj moog, tabsis Kuv tej lug qha yuav tsi pluj hlo le.

“Tsi muaj leejtwg paub tas yog nub ntawd lossis lub sijhawm ntawd, txawm yog cov timtswv ceebtsheej hab Leejtub los yeej tsi paub; tsuas yog Leejtxiv tuableeg txhaj paub xwb.

Thaus mej nov kev tsuv kev rog nyob ze mej hab nov moo txug tej tebchaws kws nyob dleb uatsuv uarog, mej tsi xob poobsab. Yeej yuav muaj tej ntawd, tabsis tsi tau txhais has tas tub txug lub sijhawm kawg lawm.

Yogle ntawd, mej yuavtsum zuv zoo-zoo, ruaqhov mej tsi paub tas thaus twg tug tswvtsev ntawd yuav rov lug. Tejzag nwg yuav lug thaus tsausntuj lossis thaus ib taagmo lossis thaus qab qua lossis thaus kaajntug. Yog nwg cale lug tshwm plawg taamsim, xob ca nwg tseem pum mej pw tsaugzug. Tej lug kws Kuv qha rua mej, Kuv has rua suavdlawg ib yaam nkaus tas: Ceevfaaj zuv tog!”

Ib lub tebchaws yuav sawv tawmtsaam ib lub tebchaws, hab ib tsaav tuabneeg yuav sawv tawmtsaam ib tsaav tuabneeg. Yuav muaj aav qeeg nyob rua txhua qhov, hab yuav muaj kev tshaib kev nqhes. Tej nuav zoo ib yaam le tug quaspuj kws nyavnyuas pib mob plaab yuav yug mivnyuas xwb.

Tabsis uantej lub sijhawm kawg, Txuj Moo Zoo yuavtsum raug muab qha rua txhua tsaav tuabneeg tsaiv.

Yuav muaj ntau leej tuaj ntawm Kuv lub npe tuaj has rua mej tas, ‘Kuv yog Nwg!’ Hab puab yuav ntxag ntau leej yuamkev.

“Mej yuavtsum ceevfaaj. Yuav muaj tuabneeg nteg mej hab coj moog rua huv tsev tu plaub, luas yuav muab mej ntaus huv tej tsev saablaaj. Mej yuav raug moog sawv taabmeeg tej numtswv hab tej vaajntxwv ntawm Kuv lub npe ua timkhawv rua puab txug Txuj Moo Zoo.

Ruaqhov yuav muaj tej Mexiyas cuav hab tej xwbfwb cevlug cuav kws tshwm tuaj. Puab yuav lug ua tej txujci tseemceeb ntxag Vaajtswv tsaav tuabneeg kws Nwg tub xaiv lawm, seb puab puas yuamkev tau.

“Thaus tej kev txomnyem ntawd dlhau lawm, lub nub yuav tsaus, lub hli yuav tsi ci, tej nubqub yuav poob sau ntuj lug, hab tej kws muaj fwjchim nyob sau nruabntug yuav uazug koog huv tuabsi.