Malakaus 12မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yexus teb tas, “Thawj nqai kws tseemceeb dlua ndlais yog nqai nuav: ‘Cov tuabneeg Yixalayees, mej ua tuabzoo noog! Tug Tswv kws yog peb tug Vaajtswv, Nwg tuableeg xwb txhaj yog tug Tswv. Koj yuavtsum hlub tug Tswv kws yog koj tug Vaajtswv, kuas kawg sab kawg ntsws, kawg plaab kawg plawv, kawg laajlim tswvyim, hab kawg dlaag kawg zug.’ Nqai kevcai kws tseemceeb thib ob has le nuav tas, ‘Koj yuavtsum hlub koj tug kwvtij zejzog ib yaam le koj hlub koj tugkheej.’ Yeej tsi muaj dlua lwm nqai kevcai kws yuav tseemceeb tshaaj ob nqai nuav lawm.”

Yexus txawm hu Nwg cov thwjtim lug hab has rua puab tas, “Kuv qha tseeb rua mej has tas, tug pujntsuag kws pluag-pluag nuav tseem tso nyaj rua huv lub thawv ntau dlua lwmtug huv tuabsi. Ruaqhov lwmtug muab tej nyuas kws seem ntawm puab txuj kev npluanuj tuaj tso xwb; tabsis tug puj nuav txawm yog nwg tub pluag npaum le ntawd los nwg tseem muab taagnrho tej kws nwg muaj, nwg muab hlo qhov nyaj kws yug nwg txujsa tuaj tso.”

Yexus nyob ze rua ntawm lub thawv tso nyaj huv lub Tuamtsev, Nwg saib cov tuabneeg kws coj puab tej nyaj tuaj tso. Muaj ntau tug tuabneeg npluanuj tso nyaj ntau kawg le; thaus ntawd muaj ib tug pujntsuag pluag-pluag tuaj hab muab ob lub nyuas txaj toog lab miv-miv kws raug nqe le ib lub nyuas npib lab tuaj tso rua huv.

Hab koj yuav tau hlub Vaajtswv kawg sab kawg ntsws, kawg laajlim tswvyim, hab kawg dlaag kawg zug; hab koj yuavtsum hlub koj tug kwvtij zejzog ib yaam le koj hlub koj tugkheej. Qhov kws ua lawvle ob nqai nuav kevcai nuav tseem tseemceeb dlua le muab tej tsaj tua theej txhoj, hab muab khoom hlawv fij rua Vaajtswv.”

Yexus txhaj has tas, “Yaam kws yog Xixas le cale muab rua Xixas, hab yaam kws yog Vaajtswv le cale muab rua Vaajtswv.” Thaus puab nov Yexus teb le ntawd, puab xaav tsi thoob le.