Mahte 28

Dum Dui Toq Lo É Hkyô

Mrk 16:1-8; Luk 24:1-12; Yhn 20:1-10

1Bánno Buìnyì lai jáng, rabàt é sânghi nyí maubó zó má, Magadalaq wà mâ é Mariq eq góyùq Mariq gi, lùp má ê wú râ ga, e ló akô.

2Haú hkûn, layàng mó nún lo ri; hkâsu mù gâ le, Yhûmsîng Garaî é maumang lagyo rayùq gi, mauhkûng mai gyó lé lô mù, lùp má ê luî, haû lùqlong lé tu lheng mù, hau ahtoq má zung tô ri. 3Yhâng é isâm gi, lhap su dùq bó mù, Yhâng é mèbu gi, gyo su hpyu zan tô ri. 4Zúng nyi é bang gi, yhang lé lûm wú gyùq kômù, pyik pyik nán luî, shî gùng su dùt bùm bekô nghut ri.

5Haû maumang lagyo gi, myiwe haú nhik lé, “Hkâgyùq kó! Haû tapzîng má jén sat huî é Yesuq lé, núngnhik ho nyì kô é lé, ngò sê lhê. 6Yhang gi, shí má a nyì lo; Yhang taî tô é eq rajung za, lhoqdui toq é hui bê nghut ri. Yhang lé lheq é jowò lé, lé wú keq. 7Haû mù, hân taû ló luî, Yhâng é chángzô pé lé, ‘Yhang, shi é mai lhoqdui toq é hui bê nghut ri; núngmòq é hí má, Galile mau shut ló láng berâ. Núngmòq, Yhang lé, haú má ló myâng kôrâ nghut lhê.’ nghû ló taî kyo keq. Núngnhik lé, ngò taî é lé xûm chûng keq.” ga taî kat ri.

8Haû mù luî, myiwe myhí haú nhik gi, gyùq kôlhang, gyai gabú é myìt èq lùp mai hân taû ló mù, Yhâng é chángzô pé lé ló taî kyo râ matú, din ló bê nghut ri. 9Haú hkûn, Yesuq gi, radá dâm yhángnhik lé lhom tê mù, “Wángzán nyî kó sháng gàq.” ga taî ri. Haû mù, yhángnhik gi, huî ê luî, Yhâng é hkyî má po zing to mù, Yhang lé noqkuq akô. 10Haú hkûn, Yesuq gi, yhángnhik lé, “Hkâgyùq kó. Ngá é gu-mang wuì lé, Galile mau shut e ló keq nghû ló taî kyo keq; haú má, yhángmòq, Ngo lé myàng kôrâ nghut lhê.” ga taî kat ri.

Zúng Nyi É Gyèzô Pé Taî É Danglù

11Myiwe haú nhik hkyô má ru nghut nyi ashî le, lùp zúng é gyèzô pé ra-am gi, wà mó hkaû má wang ló mù, dùt laî lo é hkyô bànshoq lé, haû hkyangjong agyi pé lé ló taî kyô akô nghut ri. 12Haû hkyangjong agyi pé gi, sûwún wuî eq huî lhum luî, hpyê lhûm é htâng má, haû gyèzô pé lé, ngùn myo myo tsup byi mù, 13“‘Myín lé, ngá-mòq yhup myhî tô é hkûn, Yhâng é chángzô pé lé lô mù, màng lé, lé hkaû yu ló bekô nghut ri.’ nghû taí keq. 14Shí hkyô lé, haû mau zau hpó wó gyô é nghut jáng, yhang myìt ngón shoq, ngá-mòq taí râ nghut lhê; haú hkûn, núngmòq gi, hai manghkáng a htoq râ nghut lhê.” ga taî kat ri. 15Haû mù, gyèzô pé gi, ngùn haú pé lé yù luî, yhángmòq lé taî kat é eq rajung za kut bekô nghut ri. Haû su mù, haú hkyô gi, Yudaq byu pé má taî pyo myhîn ló bê nghut mù, ahkuî jé shoq taî nyi bum akô nghut ri.

Chángzô Pé Kut Râ Sasana Múzó

Mrk 16:14-18; Luk 24:36-49; Yhn 20:19-23; Lagyo 1:6-8

16Hau htâng má, haû chángzo raxe rayùq gi, yhángmòq lé, Yesuq ê nhang tô é Galile mau mâ é bùm shut e ló bekô nghut ri. 17Yhángmòq gi, Yesuq lé myàng kôjáng, noqkuq akô; nghut kôlhang, ra-am gi, a dê jíng kó nghut ri. 18Hau htâng, Yesuq gi, yhángmòq chyáng lé lô mù, “Mauhkûng eq myigùng htoq mâ é ahkáng ayá bànshoq, Ngo lé byî to bê nghut lhê. 19Haû mù, núngmòq gi, htoq ê luî, byù myû chângjup lé, Ngá é chángzô pé dùt nhâng mù, haû Îwa, Yhang zo, Chyoiyúng Sô é myìng lang luî, wuìmyhup hkám byi mù, 20núngmòq lé, Ngò hkunmó hkyô tô é lhúnglháng lé châng kut râ matú, yhángmòq lé mhoqshit keq. Ngò gi, mingkan pyàt htûm é hkûn jé shoq lháng, núngmòq eq rahá ru nghut nyî râ nghut lhê.” ga pying tô ri.

Terpilih Sekarang Ini:

Mahte 28: znot

Highlight

Kongsi

Salin