Esta 7
7
1Su mfalumi na Hamani wagenda kwa malikiya Esta, kuliya shiboga. 2Pawaweriti wankulanda divayi mulishaka lya pili, mfalumi kamkosiya kayi Esta, “Gufira shishi Esta? Gung'ambili shagufira neni hanikupanani ata nusu ya ufalumi wa neni.”
3Shakapanu malikiya Esta kamwankula, “Gwee mfalumi handa paguwona ndo iherepa guntenderi shanikuluwa, nduwa neni nendeleyi kulikala, na wantu wangu viraa wendeleyi kulikala. 4Toziya, neni na wantu wangu tushuwuzwa na kulaguwa. Handa metushuwuzwi tuweri wamanda wapalu na wadala, menilikali jii, toziya ya shitwatira handa ashi meyiwezindiri kukugaziya mfalumi, kumbiti tufiruwa kulaguwa.”
5Shakapanu mfalumi Ahasuero kamkosiyiti malikiya Esta, “Ndo gaa ayu yakajera kutenda mlandu handa agu? Kakoshi muntu ayu?”
6Esta kankula, “Mnkondu gwetu mkulu na yakatutabisiya, ndo ayu mkontola Hamani!”
Panu Hamani kanjiti kutira kulongolu kwa mfalumi na malikiya.
7Mfalumi kagoloka kwa maya, kaleka divayi yakuyi na kugenda kunja kushiwunga sha liboma lya shifalumi. Kumbiti Hamani pakavimaniti handa mfalumi kafira kumkomanga, kasigala kumbeli su kamluwi malikiya Esta kawuponiziyi ukomu wakuyi. 8Shakapanu mfalumi pakawuyiti kulawa kushiwunga sha liboma lya shifalumi na kwingira pawukumbi wa msambu, kamwona Hamani kaliyasa pakwegera na shiti shakalivagiti Esta. Pakawoniti hangu, mfalumi katakuliti kwa kubota, “Hashi muntu ayu kafira kumkola kwa makakala malikiya kulongolu kwa neni, kayi mngati mwa liboma?”
Katepu mfalumi hakeni maliri kulonga, wantumintumi wa mfalumi wamgibikira Hamani kusheni. 9Shakapanu Haribona, yumu gwa ntumintumi walii yawamtendera mfalumi, kalonga, “Gwee mfalumi, Hamani kagunyawa mtera gwa kumlagira Modekai muntu yakaulopoliti ukomu waku, mtera agu gwana utali wa mita ishilini na mbili, gwankali gwa aku ukaya kwakuyi.”
Panu mfalumi kalagalira, “Mumukongeri Hamani mumtera agu.”
10Hangu Hamani kakongerwa kumtera gwa kulagira gwakaweriti kamtandira Modekai. Su maya ga mfalumi ganyamalira.
Terpilih Sekarang Ini:
Esta 7: PBV
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
The Bible version in the Pogoro Language. @The Word for The World International and Pogoro Language translation. All rights reserved.