लुका 4
4
येसुके आब
मत्ति ४:१-११; मर्कुस १:१२-१३
1जब येसु पबित्र आत्मालइक भरपुर होक यरदन लदियामहति लउटनें, तउके पबित्र आत्मा उनके उजार जगम लइगिनें। 2हुँवाँ सइतान#४:२ सइतान: सइतानकेहें अउरे सोरोतमे दियाबलस लिखल आहे। उनके चालिस रोज आबमे पारके पापमे फँसाइक खोजल। येसु चालिस रोजतक कुछ फेक नाइखइले रेहें, उहिकमारे उनके बहुत जोरति भुँख लागत रेहे।
3उहिबखत सइतान येसुकेहें कहल, “तुम परमेस्वरके लउँरा हुइबोत इ पथ्राकेहें रोटि बनजा कहो, आउर इ पथ्रा रोटि बनजाइ।”
4तउ येसु जबाफ दहति कहनें, “धरमसास्त्रमे अइसे लिखल आहे, ‘मनइ रोटिलइक केल जिति नाइरिहि।’”#बेबस ८:३
5ओहकापाछुक सइतान येसुकेहें डिङ्गम लइजाक अक्के घरिम सन्सारके सब राज्यभर दिखाइल। 6सइतान उनके कहल, “मइ इ सब अधिकार आउर ओहका गउरब तुम्हिन दहमु, काहिक्कि इ सब मोहके दहल आहे, आउर मइ जेहके चहमुँ, ओहके देहे सिक्मु। 7अगर तुम मोहके दन्डवत करबोत इ सब चिझ तुम्हर हुइजाइ।”
8येसु सइतानकेहें जबाफ दहति कहनें, “धरमसास्त्रमे अइसे लिखल आहे, ‘तइं परमपरभु, अपना परमेस्वरकेहें केल दन्डवत करिये, आउर उनका केल सेबा करिये।’”#बेबस ६:१४
9तउ सइतान येसुकेहें यरुसलेममे लइगेल आउर मन्दिरके टिपुन्निम लइजाक कहल, “अगर तुम सहिके परमेस्वरके लउँरा हुइबोत हिंयाँति तरे फाँदो। 10काहिक्कि धरमसास्त्रमे अइसे लिखल आहे, ‘परमेस्वर अपना स्वरगदुतभरिन आग्याँ करहें आउर ओइनें तुम्हर रछ्छा करहें,’#भज ९१:११ 11आउर ‘तुम्हर पउलिमे पथ्रालइक चोट नालागे कहिके, ओइनें तुम्हिन हाथे-हाथ थमहें।’”#भज ९१:१२
12पर येसु सइतानकेहें जबाफ दहनें, “धरमसास्त्रमे अइसे लिखल आहे, ‘तइं परमपरभु अपना परमेस्वरके आब नालिजिए।’”#बेबस ६:१६
13सइतान येसुकेहें सब ढार आब करसिकलपाछुक अउरे मउका नाइआइततक उनके छोरके चलगेल।
येसुके सेबा सुरु
मत्ति ४:१२-१७; मर्कुस १:१४-१५
14जब येसु पबित्र आत्मक सक्ति पाक गालिल छेतरम लउटगिनें, आउर उनका बारेम चारोघइन बखान होइ लागल। 15येसु मनइभरिन यहुदिभरिनके बइठक घरमे सिखामें, आउर सब जनें उनका परसन्सा करें।
नासरत सहरमे येसुकेहें इन्कार
मत्ति १३:५३-५८; मर्कुस ६:१-६
16येसु जहाँ बरहनें आउर जोंन हुइनें उहि नासरत सहरमे अइनें। सदा ढार येसु सहिंतइना रोजमे यहुदिभरिनके बइठक घरमे गिनें आउर धरमसास्त्र पर्हेक तहन उठनें। 17येसुकेहें यसइया अगम्जानिक लिखल किताब पर्हेक दहनें। किताब खोलके अइसन लिखल निकारके पर्हनें,
18“परमपरभुके आत्मा मोरउप्पर आहे,
काहिक्कि गरिब मनइभरिन खुसिक खबर सुनाइक तहन मोहके नियुक्त करले आहें।
कइदमे परल मनइभरिन छुटकारा देहेक तहन,
अन्धरा मनइभरिन दिखना बनाइक तहन,
अन्याय अत्याचारमे परल मनइभरिन मुक्ति देहेक तहन,
19आउर अपना मनइभरिन मुक्ति दहना बखत आइल आहे कहिके परचार करेक तहन
परमपरभु मोहके पठइले आहें।”#यसइ ६१:१-२
20ओहकापाछुक येसु किताब बन्द करनें, आउर एकठोर सेबककेहें दइक बइठगिनें। यहुदिभरिनके बइठक घरमे रहल सब मनइभरिन नजर उनका उप्पर रेहे। 21तउके येसु ओइन कहनें, “धरमसास्त्रमे लिखल इ बचन आज तोइन सुन्तिसुनत पुरा हुइगेल।”
22हुँवाँ रहल सब मनइभर येसुके परसन्सा करनें, उनका किरपालइक भरल बात सुनके ओइनें अचम परनें, आउर ओइनें कहनें, “इ योसेफके लउँरा नाआहें का?”
23तउ येसु ओइन कहनें, “तोइनें जरुर मोहके इ पखान कहबो, ‘ए बइदबा, पहिले तुम निक होउ।’ तोइनें मोहके ‘कफरनहुममे करल ढार अपनें सहरमे फेक अचमके काम करो’ कहबो।” 24पर येसु कहनें, “सहिके मइ तोइन कहत आहुँ, कुइ फेक अगम्जानिकेहें अपना गाउँक मनइ सुइकार नाइकरतियाँ।#युह ४:४४ 25मोर बचन सत्य आहे, एलिया अगम्जानिक बखतमे तिन बरस छे महिनातक सुखा परलके कारन सारा देसमे अकाल परल रेहे। उ बखत इस्राइलमे ढेरे बिधबाभर रेहें।#१ राजा १७:१; याकु ५:१७ 26परमेस्वर एलियाकेहें इस्राइलमे नाइ, पर सिदोन इलाकक् सारपत सहरके एक बिधबक तिरा केल पठइनें।#१ राजा १७:८-१६ 27उस्ते एलिसा अगम्जानिक बखत इस्राइलमे बहुते कोरहिरोगिभर रेहें तभुफेक सिरिया देसके नामान#४:२७ नामान नामान यहुदि नाइ रेहें, पर सिरियक अउरे जातके मनइ रेहें। केल निक हुइनें, अउरे कुइफेक निक नाइहुइनें।”#२ राजा ५:१-१४
28उ बात सुनके यहुदिभरिनके बइठक घरमे रहल सब मनइ बहुत जेदा दिक्कइनें। 29ओइनें झरफराक उठनें आउर येसुकेहें डम्मारामे रहल सहरमहति ढकेलत बाहिर निकरनें, आउर टिकरामे लइजाक गिराइक खुजनें। 30पर येसु मनइभरिनके बिचमहति निपुचके चलगिनें।
दुस्ट आत्मा लागल मनइ निक होइल
मर्कुस ४:२१-२८
31ओहकापाछुक येसु गालिल इलाकक् कफरनहुम सहरमे गिनें। सहिंतइना रोजमे येसु मनइभरिन सिछ्छा दहत रेहें। 32येसुके सिछ्छा सुनके ओइनें अचम परनें, काहिक्कि येसु ओइन अधिकारति सिछ्छा देहें।#मत्ति ७:२८-२९ 33यहुदिभरिनके बइठक घरमे एकठोर दुस्ट आत्मा लागल मनइ फेक रेहे, आउर उ मनइ बहुत जेदा चिल्लाक कहल, 34“हे नासरतके येसु, तुम हम्हिन का कराइत बाटो? का तुम हम्हिन नास करे आइल बाटो? तुम परमेस्वरन पठाइल पबित्र जन बाटो कहिके मइ चिन्हतुँ।”
35इ सुनके येसु उ दुस्ट आत्माकेहें डँटति कहनें, “चुप लाग, आउर इ मनइकमहति निकरजा।” सबका आगे उ मनइकेहें भुइंमे पटकके दुस्ट आत्मा निकरल पर उ मनइकेहें चोट नाइलागल।
36सब मनइभर अचम मन्ति केहे लगनें, “इ मनइक बोलिम कइसन अधिकार आउर सक्ति आहे? इ डँटति केल दुस्ट आत्माभर फेक निकरके भज्तियाँ।” 37ओहकापाछुक कफरनहुम सहरके चारोघइन येसुके बखान फइलल।
येसु ढेरे जन्हिन निक करनें
मत्ति ८:१४-१७; मर्कुस १:२९-३४
38यहुदिभरिनके बइठक घरमहति निकरके येसु सिमोनके घरे गिनें। उहिबखत सिमोनके सास जुरि आक बहुत जेदा बिमार परल रेहें, घरका मनइभर “यिनके निक करदेउ” कहिके येसुकेहें बिन्ति करनें। 39येसु उनका लिग्घे जाक जुरिकेहें “छोर” कहिके आग्याँ दहनें, आउर जुरि उनके छोरदहल आउर तुरन्ते उठके उ ओइन सेबा करनें।
40दिन बुरल तउ मनइभर ढेरे मेलक बिमरहियाभरिन येसुनतिरा लइनें। येसु ओइन उप्पर हाथ धरके सबके निक करनें। 41ढेरे मनइनमहति दुस्ट आत्माभर चिल्लाइत आउर अइसे कहति निकरनें, “तुम परमेस्वरके लउँरा बाटो।” पर येसु उ दुस्ट आत्माभरिन डँटति मन्के नाइदहनें, काहिक्कि ओइनें उहि खिरिस्ट आहें कहिके चिन्हें।
यहुदिया इलाकामे बचन परचार
मर्कुस १:३५-३९
42दुसरा रोज भिन्हिक येसु सुन्सान जगम गिनें। पर उनके मनइभर खोजत गिनें, उनके पाइलपाछुक ओइनें हम्हिन छोरके नाजाउ, कहिके रोकेक खुजनें। 43पर येसु ओइन कहनें, “मोहके परमेस्वरके राज्यक सुसमाचार आकुर सहरमे फेक सुनाइकपरि, काहिक्कि परमेस्वर मोहके यिहि कामके तहन पठइले आहें।”
44अइसे येसु सब यहुदिया इलाकक् यहुदिभरिनके बइठक घरमे जाक परचार करनें।
Terpilih Sekarang Ini:
लुका 4: KTHR
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 4
4
येसुके आब
मत्ति ४:१-११; मर्कुस १:१२-१३
1जब येसु पबित्र आत्मालइक भरपुर होक यरदन लदियामहति लउटनें, तउके पबित्र आत्मा उनके उजार जगम लइगिनें। 2हुँवाँ सइतान#४:२ सइतान: सइतानकेहें अउरे सोरोतमे दियाबलस लिखल आहे। उनके चालिस रोज आबमे पारके पापमे फँसाइक खोजल। येसु चालिस रोजतक कुछ फेक नाइखइले रेहें, उहिकमारे उनके बहुत जोरति भुँख लागत रेहे।
3उहिबखत सइतान येसुकेहें कहल, “तुम परमेस्वरके लउँरा हुइबोत इ पथ्राकेहें रोटि बनजा कहो, आउर इ पथ्रा रोटि बनजाइ।”
4तउ येसु जबाफ दहति कहनें, “धरमसास्त्रमे अइसे लिखल आहे, ‘मनइ रोटिलइक केल जिति नाइरिहि।’”#बेबस ८:३
5ओहकापाछुक सइतान येसुकेहें डिङ्गम लइजाक अक्के घरिम सन्सारके सब राज्यभर दिखाइल। 6सइतान उनके कहल, “मइ इ सब अधिकार आउर ओहका गउरब तुम्हिन दहमु, काहिक्कि इ सब मोहके दहल आहे, आउर मइ जेहके चहमुँ, ओहके देहे सिक्मु। 7अगर तुम मोहके दन्डवत करबोत इ सब चिझ तुम्हर हुइजाइ।”
8येसु सइतानकेहें जबाफ दहति कहनें, “धरमसास्त्रमे अइसे लिखल आहे, ‘तइं परमपरभु, अपना परमेस्वरकेहें केल दन्डवत करिये, आउर उनका केल सेबा करिये।’”#बेबस ६:१४
9तउ सइतान येसुकेहें यरुसलेममे लइगेल आउर मन्दिरके टिपुन्निम लइजाक कहल, “अगर तुम सहिके परमेस्वरके लउँरा हुइबोत हिंयाँति तरे फाँदो। 10काहिक्कि धरमसास्त्रमे अइसे लिखल आहे, ‘परमेस्वर अपना स्वरगदुतभरिन आग्याँ करहें आउर ओइनें तुम्हर रछ्छा करहें,’#भज ९१:११ 11आउर ‘तुम्हर पउलिमे पथ्रालइक चोट नालागे कहिके, ओइनें तुम्हिन हाथे-हाथ थमहें।’”#भज ९१:१२
12पर येसु सइतानकेहें जबाफ दहनें, “धरमसास्त्रमे अइसे लिखल आहे, ‘तइं परमपरभु अपना परमेस्वरके आब नालिजिए।’”#बेबस ६:१६
13सइतान येसुकेहें सब ढार आब करसिकलपाछुक अउरे मउका नाइआइततक उनके छोरके चलगेल।
येसुके सेबा सुरु
मत्ति ४:१२-१७; मर्कुस १:१४-१५
14जब येसु पबित्र आत्मक सक्ति पाक गालिल छेतरम लउटगिनें, आउर उनका बारेम चारोघइन बखान होइ लागल। 15येसु मनइभरिन यहुदिभरिनके बइठक घरमे सिखामें, आउर सब जनें उनका परसन्सा करें।
नासरत सहरमे येसुकेहें इन्कार
मत्ति १३:५३-५८; मर्कुस ६:१-६
16येसु जहाँ बरहनें आउर जोंन हुइनें उहि नासरत सहरमे अइनें। सदा ढार येसु सहिंतइना रोजमे यहुदिभरिनके बइठक घरमे गिनें आउर धरमसास्त्र पर्हेक तहन उठनें। 17येसुकेहें यसइया अगम्जानिक लिखल किताब पर्हेक दहनें। किताब खोलके अइसन लिखल निकारके पर्हनें,
18“परमपरभुके आत्मा मोरउप्पर आहे,
काहिक्कि गरिब मनइभरिन खुसिक खबर सुनाइक तहन मोहके नियुक्त करले आहें।
कइदमे परल मनइभरिन छुटकारा देहेक तहन,
अन्धरा मनइभरिन दिखना बनाइक तहन,
अन्याय अत्याचारमे परल मनइभरिन मुक्ति देहेक तहन,
19आउर अपना मनइभरिन मुक्ति दहना बखत आइल आहे कहिके परचार करेक तहन
परमपरभु मोहके पठइले आहें।”#यसइ ६१:१-२
20ओहकापाछुक येसु किताब बन्द करनें, आउर एकठोर सेबककेहें दइक बइठगिनें। यहुदिभरिनके बइठक घरमे रहल सब मनइभरिन नजर उनका उप्पर रेहे। 21तउके येसु ओइन कहनें, “धरमसास्त्रमे लिखल इ बचन आज तोइन सुन्तिसुनत पुरा हुइगेल।”
22हुँवाँ रहल सब मनइभर येसुके परसन्सा करनें, उनका किरपालइक भरल बात सुनके ओइनें अचम परनें, आउर ओइनें कहनें, “इ योसेफके लउँरा नाआहें का?”
23तउ येसु ओइन कहनें, “तोइनें जरुर मोहके इ पखान कहबो, ‘ए बइदबा, पहिले तुम निक होउ।’ तोइनें मोहके ‘कफरनहुममे करल ढार अपनें सहरमे फेक अचमके काम करो’ कहबो।” 24पर येसु कहनें, “सहिके मइ तोइन कहत आहुँ, कुइ फेक अगम्जानिकेहें अपना गाउँक मनइ सुइकार नाइकरतियाँ।#युह ४:४४ 25मोर बचन सत्य आहे, एलिया अगम्जानिक बखतमे तिन बरस छे महिनातक सुखा परलके कारन सारा देसमे अकाल परल रेहे। उ बखत इस्राइलमे ढेरे बिधबाभर रेहें।#१ राजा १७:१; याकु ५:१७ 26परमेस्वर एलियाकेहें इस्राइलमे नाइ, पर सिदोन इलाकक् सारपत सहरके एक बिधबक तिरा केल पठइनें।#१ राजा १७:८-१६ 27उस्ते एलिसा अगम्जानिक बखत इस्राइलमे बहुते कोरहिरोगिभर रेहें तभुफेक सिरिया देसके नामान#४:२७ नामान नामान यहुदि नाइ रेहें, पर सिरियक अउरे जातके मनइ रेहें। केल निक हुइनें, अउरे कुइफेक निक नाइहुइनें।”#२ राजा ५:१-१४
28उ बात सुनके यहुदिभरिनके बइठक घरमे रहल सब मनइ बहुत जेदा दिक्कइनें। 29ओइनें झरफराक उठनें आउर येसुकेहें डम्मारामे रहल सहरमहति ढकेलत बाहिर निकरनें, आउर टिकरामे लइजाक गिराइक खुजनें। 30पर येसु मनइभरिनके बिचमहति निपुचके चलगिनें।
दुस्ट आत्मा लागल मनइ निक होइल
मर्कुस ४:२१-२८
31ओहकापाछुक येसु गालिल इलाकक् कफरनहुम सहरमे गिनें। सहिंतइना रोजमे येसु मनइभरिन सिछ्छा दहत रेहें। 32येसुके सिछ्छा सुनके ओइनें अचम परनें, काहिक्कि येसु ओइन अधिकारति सिछ्छा देहें।#मत्ति ७:२८-२९ 33यहुदिभरिनके बइठक घरमे एकठोर दुस्ट आत्मा लागल मनइ फेक रेहे, आउर उ मनइ बहुत जेदा चिल्लाक कहल, 34“हे नासरतके येसु, तुम हम्हिन का कराइत बाटो? का तुम हम्हिन नास करे आइल बाटो? तुम परमेस्वरन पठाइल पबित्र जन बाटो कहिके मइ चिन्हतुँ।”
35इ सुनके येसु उ दुस्ट आत्माकेहें डँटति कहनें, “चुप लाग, आउर इ मनइकमहति निकरजा।” सबका आगे उ मनइकेहें भुइंमे पटकके दुस्ट आत्मा निकरल पर उ मनइकेहें चोट नाइलागल।
36सब मनइभर अचम मन्ति केहे लगनें, “इ मनइक बोलिम कइसन अधिकार आउर सक्ति आहे? इ डँटति केल दुस्ट आत्माभर फेक निकरके भज्तियाँ।” 37ओहकापाछुक कफरनहुम सहरके चारोघइन येसुके बखान फइलल।
येसु ढेरे जन्हिन निक करनें
मत्ति ८:१४-१७; मर्कुस १:२९-३४
38यहुदिभरिनके बइठक घरमहति निकरके येसु सिमोनके घरे गिनें। उहिबखत सिमोनके सास जुरि आक बहुत जेदा बिमार परल रेहें, घरका मनइभर “यिनके निक करदेउ” कहिके येसुकेहें बिन्ति करनें। 39येसु उनका लिग्घे जाक जुरिकेहें “छोर” कहिके आग्याँ दहनें, आउर जुरि उनके छोरदहल आउर तुरन्ते उठके उ ओइन सेबा करनें।
40दिन बुरल तउ मनइभर ढेरे मेलक बिमरहियाभरिन येसुनतिरा लइनें। येसु ओइन उप्पर हाथ धरके सबके निक करनें। 41ढेरे मनइनमहति दुस्ट आत्माभर चिल्लाइत आउर अइसे कहति निकरनें, “तुम परमेस्वरके लउँरा बाटो।” पर येसु उ दुस्ट आत्माभरिन डँटति मन्के नाइदहनें, काहिक्कि ओइनें उहि खिरिस्ट आहें कहिके चिन्हें।
यहुदिया इलाकामे बचन परचार
मर्कुस १:३५-३९
42दुसरा रोज भिन्हिक येसु सुन्सान जगम गिनें। पर उनके मनइभर खोजत गिनें, उनके पाइलपाछुक ओइनें हम्हिन छोरके नाजाउ, कहिके रोकेक खुजनें। 43पर येसु ओइन कहनें, “मोहके परमेस्वरके राज्यक सुसमाचार आकुर सहरमे फेक सुनाइकपरि, काहिक्कि परमेस्वर मोहके यिहि कामके तहन पठइले आहें।”
44अइसे येसु सब यहुदिया इलाकक् यहुदिभरिनके बइठक घरमे जाक परचार करनें।
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© 2024 (Active), Mother Tongue Translators Society and Wycliffe Bible Translators, Inc. All rights reserved.