Къанун 3
3
Башаналъул пача Огида тӀад бергьенлъи боси
(Тар. 21:33-35)
1Гьениса нилъ сверана ва Башаналде унеб нухккун ана. Башаналъул пача Ог вачӀана нилъеда данде тӀолабго жиндирго аскаргун ва Эдреи шагьаралда аскӀоб нилъгун рагъ гьабуна. 2БЕТӀЕРГЬАНАС дида абуна: „Мун гьесукьа хӀинкъуге, щайгурелъул Дица духъе кьолев вуго гьевги, гьесул аскарги, гьесул ракьги. Хешбоналъул пача Сихоние гьабураб гьабе гьесиеги“.
3Гьедин БЕТӀЕРГЬАН Аллагьас нилъер кверщаликье кьуна Башаналъул пача Огги гьесул тӀолабго аскарги – нилъеца киналго гъурана, гьезул цониги чи чӀаго течӀо. 4Добмехалда гьесул киналго шагьаралги кверде росана нилъеца: Башаналда букӀараб Огил улкаялда Арговалъул вилаяталъул лъабкъоябго шагьар бахъана. 5Гьел киналго шагьарал, сверун рорхатал къадалги ран, щула гьарун рукӀана ва шагьаразул кавабазда щулиял рахаялги ран рукӀана. Гьединго къадаз сверун кквечӀел росабиги гӀемерал рукӀана. 6Нилъеца тӀуран тӀагӀинаруна гьелги. Хешбоналъул пача Сихоние гьабурабго гьабун, щибаб шагьарги херем гьабуна – бихьинал, руччаби, лъималгун цадахъ. 7Амма тӀолабго гӀи-боцӀиги шагьараздаса щвараб давлаги нилъеего тана.
8ПалхӀасил, доб заманалда нилъеца, Иорданалъул бакъбаккул рахъалда, Арнон гӀурухъа бахъараб Хермон магӀарде щвезегӀан, амориязул кӀиявго пачаясул ракьал кверде росана. 9(Сидонияз Хермоналда абулаан Сирионилан, аморияз – Сенирилан.) 10Нилъеца гьезул тӀалъиялда рукӀарал Огил улкаялъул киналго шагьарал кверде росана – тӀолабго ГилгӀадги тӀолабго Башанги, ай Башаналъул шагьарал – Салхаялдеги Эдреиялдеги щвезегӀан. 11(Башаналъул пача Ог вукӀана рефаимазул цохӀого цо хутӀарав чи. Гьесул кьижулеб бакӀ букӀана маххул гьабураб, ичӀго рукь халалъухъеги ункъго рукь гӀеблъухъеги бугеб#3:11 ГӀага-шагарго 4,5 метр халалъи, 2 метр гӀеблъи бугеб роцен.. Гьеб гьанжеги Раббагьалда аммониязухъ буго.)
Иорданалъул бакъбаккул рахъалъул ракьал рикьи
(Тар. 32:1-42)
12Доб мехалда рахъарал ракьазул бутӀаби Рувимилги Гадилги наслабазе кьуна дица: Арнон расалъиялда бугеб АрогӀералдаса байбихьун бакӀалги, ГилгӀадалъул бащдаб тӀалъиги, гьенир ругел шагьаралги. 13ГилгӀадалъул хутӀараб ракьги Огил букӀараб тӀолабго Башанги дица Манассил бащдаб къавмалъе кьуна.
(Цебе Арговалъул вилаяталда абулаан рефаимазул ракьин. 14Манассил наслуялъул чи Яирица кверде босана тӀолабго Аргов вилаят, гешуриязулги магӀахиязулги гӀорхъабазде щвезегӀан. Гьес жиндирго цӀар кьуна гьелъие ва жакъа къоялъги Башаналда абула Яирил Росабиян.)
15ГилгӀад дица Махирил кьибилалъе кьуна. 16Рувимилазеги Гадилазеги кьуна ГилгӀадалдаса Арноналъул лъарамухъалде (гьеб лъарал бакьулъан букӀана гӀорхъи) ва аммониязул гӀорхъилъун кколеб Яббок лъарахъе щвезегӀан ракьал. 17Гьезул цогидаб рахъалъул гӀорхъилъун букӀана Иордан: Киннерет хӀоралдаса бахъараб Арава ралъдахъе (ЦӀамул ралъдахъе) ва бакътӀерхьул рахъалда Фасга мегӀералъул гъулдухъе щвезегӀан.
18Добмехалда дица нужеде амру гьабуна: „БЕТӀЕРГЬАН Аллагьас нужее гьаб ракь кьуна, нужеца бетӀергьанлъи гьабизе. Нужер киналго рагъде рахъун бажарулел бихьиназ, борчун ярагъгун, нужер вацал гӀизраилазда цере-цере рилълъун, гӀор бахине ккола. 19ГӀицӀго нужер лъудбиги, лъималги, гӀи-боцӀиги (дида лъала нужер гӀемераб гӀи-боцӀи бугеблъи) дица нужее кьурал шагьаразда чӀезе бегьула. 20БЕТӀЕРГЬАНАС нужер вацазеги нужеего гӀадин парахалъи кьураб мехалъ, ай Иорданалъул доб цояб рахъалда БЕТӀЕРГЬАНАС гьезие кьурал ракьал гьез мукӀур гьарураб мехалъ, нужги дица нужее кьурал ракьазде тӀад руссине бегьула“.
21Доб мехалъ дица Егьошуада абуна: „Дурго беразда бихьана БЕТӀЕРГЬАН Аллагьас дов кӀиявго пачаясе гьабураб жо. Гьебго гьабизе буго БЕТӀЕРГЬАНАС мун щваралщинал ракьазеги гьезул пачабазеги. 22Нуж гьезукьа хӀинкъуге. Нужер БЕТӀЕРГЬАН Аллагь вагъизе вуго нужер рахъалъан“.
Муса аварагасе Иордан бахине гьукъи
23Доб мехалда дица БЕТӀЕРГЬАНАСДА гьарана: 24„ХӀалкӀолев БЕТӀЕРГЬАН, Дуца дида, дур лагъасда, бихьизабуна Дурго хӀалкӀолъиги кӀудияб къуватги. Зобалаздаги ракьалдаги кив ватулев Дур гӀадинал хӀикматал ишал гьаризе бажарулев батӀияв Аллагь! 25Унго бегьиларищха дицаги гӀор бахине ва Иорданалъул добехун рахъалда бугеб гьайбатаб улка дидаги бихьизе: дол берцинал мугӀрулги тӀегьараб Ливанги?“
26Амма нуж сабаблъун дида ццин бахъана БЕТӀЕРГЬАНАСУЛ ва дир гьари къабул гьабичӀо. „ГӀела, – ян абуна БЕТӀЕРГЬАНАС, – тӀокӀалъ Дида гьелъул бицунге. 27Фасгаялъул тӀогьиве ваха ва гьенисан валагье бакътӀерхьулги, шималалъулги, бакъбаккулги, къилбаялъулги рахъазде. Дуда бихьила гьеб, амма Иордан бахун довехун мун ине гьечӀо. 28Егьошуада малъа-хъвайги гьабе, гьевги къвакӀизаве, щайгурелъул, халкъалъул бетӀерлъудаги вукӀун, гьес бахине бугелъул Иордан ва дуда бихьараб ракьги халкъалда гьоркьоб бикьизе бугелъул гьес“. 29Гьебмехалъ нилъ Бет-Пеоралда аскӀоб бугеб расалъиялда лъалхъана.
Terpilih Sekarang Ini:
Къанун 3: АварАК
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2005-2023
Къанун 3
3
Башаналъул пача Огида тӀад бергьенлъи боси
(Тар. 21:33-35)
1Гьениса нилъ сверана ва Башаналде унеб нухккун ана. Башаналъул пача Ог вачӀана нилъеда данде тӀолабго жиндирго аскаргун ва Эдреи шагьаралда аскӀоб нилъгун рагъ гьабуна. 2БЕТӀЕРГЬАНАС дида абуна: „Мун гьесукьа хӀинкъуге, щайгурелъул Дица духъе кьолев вуго гьевги, гьесул аскарги, гьесул ракьги. Хешбоналъул пача Сихоние гьабураб гьабе гьесиеги“.
3Гьедин БЕТӀЕРГЬАН Аллагьас нилъер кверщаликье кьуна Башаналъул пача Огги гьесул тӀолабго аскарги – нилъеца киналго гъурана, гьезул цониги чи чӀаго течӀо. 4Добмехалда гьесул киналго шагьаралги кверде росана нилъеца: Башаналда букӀараб Огил улкаялда Арговалъул вилаяталъул лъабкъоябго шагьар бахъана. 5Гьел киналго шагьарал, сверун рорхатал къадалги ран, щула гьарун рукӀана ва шагьаразул кавабазда щулиял рахаялги ран рукӀана. Гьединго къадаз сверун кквечӀел росабиги гӀемерал рукӀана. 6Нилъеца тӀуран тӀагӀинаруна гьелги. Хешбоналъул пача Сихоние гьабурабго гьабун, щибаб шагьарги херем гьабуна – бихьинал, руччаби, лъималгун цадахъ. 7Амма тӀолабго гӀи-боцӀиги шагьараздаса щвараб давлаги нилъеего тана.
8ПалхӀасил, доб заманалда нилъеца, Иорданалъул бакъбаккул рахъалда, Арнон гӀурухъа бахъараб Хермон магӀарде щвезегӀан, амориязул кӀиявго пачаясул ракьал кверде росана. 9(Сидонияз Хермоналда абулаан Сирионилан, аморияз – Сенирилан.) 10Нилъеца гьезул тӀалъиялда рукӀарал Огил улкаялъул киналго шагьарал кверде росана – тӀолабго ГилгӀадги тӀолабго Башанги, ай Башаналъул шагьарал – Салхаялдеги Эдреиялдеги щвезегӀан. 11(Башаналъул пача Ог вукӀана рефаимазул цохӀого цо хутӀарав чи. Гьесул кьижулеб бакӀ букӀана маххул гьабураб, ичӀго рукь халалъухъеги ункъго рукь гӀеблъухъеги бугеб#3:11 ГӀага-шагарго 4,5 метр халалъи, 2 метр гӀеблъи бугеб роцен.. Гьеб гьанжеги Раббагьалда аммониязухъ буго.)
Иорданалъул бакъбаккул рахъалъул ракьал рикьи
(Тар. 32:1-42)
12Доб мехалда рахъарал ракьазул бутӀаби Рувимилги Гадилги наслабазе кьуна дица: Арнон расалъиялда бугеб АрогӀералдаса байбихьун бакӀалги, ГилгӀадалъул бащдаб тӀалъиги, гьенир ругел шагьаралги. 13ГилгӀадалъул хутӀараб ракьги Огил букӀараб тӀолабго Башанги дица Манассил бащдаб къавмалъе кьуна.
(Цебе Арговалъул вилаяталда абулаан рефаимазул ракьин. 14Манассил наслуялъул чи Яирица кверде босана тӀолабго Аргов вилаят, гешуриязулги магӀахиязулги гӀорхъабазде щвезегӀан. Гьес жиндирго цӀар кьуна гьелъие ва жакъа къоялъги Башаналда абула Яирил Росабиян.)
15ГилгӀад дица Махирил кьибилалъе кьуна. 16Рувимилазеги Гадилазеги кьуна ГилгӀадалдаса Арноналъул лъарамухъалде (гьеб лъарал бакьулъан букӀана гӀорхъи) ва аммониязул гӀорхъилъун кколеб Яббок лъарахъе щвезегӀан ракьал. 17Гьезул цогидаб рахъалъул гӀорхъилъун букӀана Иордан: Киннерет хӀоралдаса бахъараб Арава ралъдахъе (ЦӀамул ралъдахъе) ва бакътӀерхьул рахъалда Фасга мегӀералъул гъулдухъе щвезегӀан.
18Добмехалда дица нужеде амру гьабуна: „БЕТӀЕРГЬАН Аллагьас нужее гьаб ракь кьуна, нужеца бетӀергьанлъи гьабизе. Нужер киналго рагъде рахъун бажарулел бихьиназ, борчун ярагъгун, нужер вацал гӀизраилазда цере-цере рилълъун, гӀор бахине ккола. 19ГӀицӀго нужер лъудбиги, лъималги, гӀи-боцӀиги (дида лъала нужер гӀемераб гӀи-боцӀи бугеблъи) дица нужее кьурал шагьаразда чӀезе бегьула. 20БЕТӀЕРГЬАНАС нужер вацазеги нужеего гӀадин парахалъи кьураб мехалъ, ай Иорданалъул доб цояб рахъалда БЕТӀЕРГЬАНАС гьезие кьурал ракьал гьез мукӀур гьарураб мехалъ, нужги дица нужее кьурал ракьазде тӀад руссине бегьула“.
21Доб мехалъ дица Егьошуада абуна: „Дурго беразда бихьана БЕТӀЕРГЬАН Аллагьас дов кӀиявго пачаясе гьабураб жо. Гьебго гьабизе буго БЕТӀЕРГЬАНАС мун щваралщинал ракьазеги гьезул пачабазеги. 22Нуж гьезукьа хӀинкъуге. Нужер БЕТӀЕРГЬАН Аллагь вагъизе вуго нужер рахъалъан“.
Муса аварагасе Иордан бахине гьукъи
23Доб мехалда дица БЕТӀЕРГЬАНАСДА гьарана: 24„ХӀалкӀолев БЕТӀЕРГЬАН, Дуца дида, дур лагъасда, бихьизабуна Дурго хӀалкӀолъиги кӀудияб къуватги. Зобалаздаги ракьалдаги кив ватулев Дур гӀадинал хӀикматал ишал гьаризе бажарулев батӀияв Аллагь! 25Унго бегьиларищха дицаги гӀор бахине ва Иорданалъул добехун рахъалда бугеб гьайбатаб улка дидаги бихьизе: дол берцинал мугӀрулги тӀегьараб Ливанги?“
26Амма нуж сабаблъун дида ццин бахъана БЕТӀЕРГЬАНАСУЛ ва дир гьари къабул гьабичӀо. „ГӀела, – ян абуна БЕТӀЕРГЬАНАС, – тӀокӀалъ Дида гьелъул бицунге. 27Фасгаялъул тӀогьиве ваха ва гьенисан валагье бакътӀерхьулги, шималалъулги, бакъбаккулги, къилбаялъулги рахъазде. Дуда бихьила гьеб, амма Иордан бахун довехун мун ине гьечӀо. 28Егьошуада малъа-хъвайги гьабе, гьевги къвакӀизаве, щайгурелъул, халкъалъул бетӀерлъудаги вукӀун, гьес бахине бугелъул Иордан ва дуда бихьараб ракьги халкъалда гьоркьоб бикьизе бугелъул гьес“. 29Гьебмехалъ нилъ Бет-Пеоралда аскӀоб бугеб расалъиялда лъалхъана.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2005-2023