Luka 9
9
Tiqcé Vnípè dvzá:rò we
Mat. 10:1-15; Mak. 6:7-13
1Yesuí Tiqcé Vnípè sv̀ng dvkø̀:mò nø̀, cáng shvngbe sv̀ng dv́ngkélv́m nv̀ng záyv̀ngrì dvbanlv́m dvpvt jórnònggùn nv̀ng vmíng vkv́ng àngmaq sv̀ng zíòe. 2Wedá:ngí Gvray móngdàn mvshǿl dvshvnglv́m nv̀ng zarì dvbanlv́m dvpvt àngmaq sv̀ng dvzá:ròe. 3À:ngí, “Tvrà dvpvt kapà gø mèlv́ngnø̀ngni. Dvrv̀ng, dv̀nggúng, v́mlv́m, gv̀msùng nv̀ng bèlaq tvle gø mèlv́ngnø̀ngni. 4Chø̀m sv̀ng ègòngv́mnø̀ng dvgvp, wemvrìng kèní mèbúngnø̀ng dv́ngte wechø̀m taq èv̀lnø̀ng. 5Nàmaq sv̀ng mènàtonø̀ng nìnø, wewamà kèní èbúng daqnø̀ng kvt, àngmaq sv̀ng vchaqlv́m shvkse ílv́m rvt, nàmaq hípà dvtø̀l nàchaqshì ránø̀ng,” a:lòe. #Luk. 10:10-11
6Wekvt tiqrvwá nø tiqrvwá sv̀ng àngmaq di sórí, Dvbùshv̀ngkà dvsha:ngò nø̀ kayv́ng màyv́ngø zarì dvba:nòe.
Herot nøt shok we
Mat. 14:1-12; Mak. 6:14-29
7Yesuí wàò we shvngbe sv̀ng móngwál øpshú Herotní tá bǿà kvt, àng nø gvzà vtiqe. Kadø íe wani vsv̀ng tiqmaqí, “Yohan nø shì yv́ngkèní zun lú:ngì we íe” wa shø̀:nòe. 8Tiqmaqí, “Eliya dvtánshì daqì,” wae. Vrá tiqmaqí nø, “Darì kàdvtutshúrì kèní tiqpè zun lú:ngì we íe,” wae.
9Herot nø, “Yohan sv̀ng nø ngàí vgo tut dvzv́rvpmà. Íni, ngàí tángò rì yadv́ng pv̀n wàò pè nø kagǿ íe má?” wa sórí Yesu sv̀ng yv́ng lúnlv́m tvrà lá manòe. #Luk. 23:8
Vsv̀ng 5,000 shvá:mò we
Mat. 14:13-21; Mak. 6:30-44; Yoh. 6:1-14
10Dvzv́rrì vtv́ng ráì nø̀ àngmaqí wàa:pmà rì Yesu sv̀ng dvtáòe. Wekvt À:ngí àngmaq sv̀ng wa shø:lò nø̀ Betseda lá:nò mvrìng sv̀ng yilshìá:mì. 11Íwe vsv̀ng loksokrìí shá bǿà kvt Àng sv̀ng cv̀na:tnà. Yesuí àngmaq sv̀ng vtoò nø̀, Gvray móngdàn mvshǿl shvngø:tnò sórí za rì sv̀ng gø dvba:nòe.
12Nv̀m vlelv́m zà:mí, Tiqcé Vnípè di ráì nø̀, “Yayv́ng nø rvgaq mvgung í rvtnø̀, gùrhøm mvrìngrì nv̀ng vtv́r rvgaq yv́ng, yøprà nv̀ng v́mlv́m lvlávm dø, vsv̀ng loksokrì sv̀ng dèka:ngò lè,” a:lòe.
13Íwe Yesuí, “Nàmaqí shèv́mnø̀ng,” a:lòe.
Wekvt coqcv́nrìí, “Yayv́ng zidòng pungwàchv̀ng nv̀ng nga vnígo wa vle. Nøngmaqí vsv̀ng yadv́ngte dvpvt v́mlv́m wvnaá:mì ni má?” a:lòe. 14(Kadø íe wani weyv́ngø lvngàré tétǿng rì wa pungwàkíng gǿ dv́ngte vle).
Yesuí Àng coqcv́nrì sv̀ng, “Tiqmvdò taqnø pungwàcè gǿ dv́ngte, àngmaq sv̀ng àngmvdò àngmvdò rúng dèzv́rnø̀ng,” a:lòe. 15Coqcv́nrìí wedø cà:nò nø̀ shvngbe sv̀ng rúng dvzá:ròe. 16Yesuí zidòng pungwàchv̀ng nv̀ng ngagoní lá:ngò nø̀, muqlàng kaq dvjaqò sórí Gvray kaq oqà wae. Wekvt zidòng vmø:tnò nø̀ vsv̀ng loksok kaq túnalv́m coqcv́nrì sv̀ng tvleòe. 17Wekvt àngmaq shvngbe vm nø̀ vgàá:mì. V́m vchéò we àngshirì coqcv́nrìí rvku:lò nìnø, tiqcé vníjvng íe.
Piterí Kristu vchà:ngò we
Mat. 16:13-23; Mak. 8:27-33
18Tiqkvt nø Yesu Àngwa vjúrøtshì dvgvp, Àng coqcv́nrì gø Àng nv̀ng tiqdø vle. À:ngí àngmaq sv̀ng, “Ngà nø kagǿ íe wa nø̀, vsv̀ng loksokrì shø̀ne má?” wa rø:tnòe.
19Coqcv́nrìí, “Tiqmaqí nø Tìløp Yohan íe. Vrá tiqmaqí nø Eliya íe. Dvgá tiqmaqí nø darì kàdvtutshúrì kèní tiqgǿ vrá zun lú:ngì we íe, wae,” wa vtá:nòe. #Luk. 9:7-8
20Yesuí, “Íni, nàmaqí nà? Ngà nø kagǿ íe èwànø̀nge má?” wa rø:tnòe. Wekvt Piterí, “Nà nø Gvrayò Kristu èíe,” wa vtá:nòe. #Yoh. 6:68-69
21Wekvt kagǿ sv̀ng gø yakà mvshø̀nlv́m rvt, Yesuí àngmaq sv̀ng mvgvmkaq dvká:mòe. 22Vrá À:ngí, “Vsv̀ng Àngcèpè nø dvshàlv́m mvme pv̀n tønshì rà longe. Shaqré shaqtvngrì, shvrúngshú vjìrì nv̀ng dvrá svrarìí ngá:lò nø̀ shvt bǿòe. Íwe, vshø̀m ni wa ni taq zun longe,” a:lòe. #Luk. 9:44; 18:31-33
Coqcv́n wáshì mvyǿ rì kaq shvngø:tnò we
Mat. 16:24-28; Mak. 8:34-9:1
23Vrá, À:ngí shvngbe sv̀ng, “Ngà mèpvng cv́n mvyǿ we kagǿ gø, vdè sv̀ng ngálshì nø̀, ni vrv̀m vdè wurgang baqshì sórí Ngà mèpvng cv́n ràe. 24Pàwá wani vdè gø̀nshaq chv́ngshì mvyǿ we kagǿ gø, dvciqlvpat gø̀nshaq vmvngvme. Íwe Ngà rvtnø̀ vdè gø̀nshaq vmvng we kagǿ gø dvciqlvpat gø̀nshaq lún lú:ngòe. #Mat. 10:39; Mak. 8:35; Luk. 17:33; Yoh. 12:25 25Vsv̀ng tiqgǿ nø mònggàng køp washì lú:nò nìgø, àng gø̀nshaq shvmvngshì, mø̀íni dvsǿmshì bø nìnø, à:ngí kapà vjú lú:nòe má? 26Ngà nv̀ng Ngà kàrì sv̀ng shvraqshì we kagǿ sv̀ng gø, Vsv̀ng Àngcèpè nø vdè ngø̀rdvgùng, Vpèò ngø̀rdvgùng nv̀ng, shànshér we muqlàng dvzv́rrìò ngø̀rdvgùng taq langshø̀ng dak dvgvp, Ngà gø wegǿ sv̀ng shvrakshø̀ng longe. #Mat. 10:33; Mak. 8:38 27Ngàí jø̀ngjǿng vla:tnìni, yayv́ng rip rì tiqmaqí, Gvray móngdàn mvyà:ngò dv́ngte àngmaq mvshì long,” a:lòe.
Yesu mv̀rshv̀m shø̀ngshang vmvtná:mì we
Mat. 17:1-9; Mak. 9:2-9
28Yesuí kà yarì shøn bǿà mèpvng tvné vshvt ni taq, À:ngí Piter, Yohan nv̀ng Yaku maq sv̀ng shø:lò nø̀, vjúrøtlv́m dvpvt shìgùng sv̀ng ngangá:mì. 29Àng vjúrøt dvgvp, Àng mv̀rshv̀m vlíngá:mì nø̀, Àng bèlaqrì gø múng dv̀ngwa kvlàng lú:ngì. 30-31Wekvt vsv̀ng vnípè nø ngø̀rdvgùng nv̀ng chvnvnv́n dvtánshì daqì nø̀ Yesu nv̀ng kà dvmv̀ne. Àngní nø Moshi nv̀ng Eliya íe. Àngmaq nø Yerusalemø Yesu shì weí Gvray gvcvt dvgømlv́m dang dvmv̀ne. 32Wedvgvp, Piter nv̀ng àng rv̀mnvngpèní nø yøp bøqe. Íwe, àngmaq pán vshat ráì nìnø, Yesu nø brìmbrìm shór nø̀ Àng nv̀ng tiqdø vsv̀ng vnípè rip we yv̀ng bǿà. #2Pt. 1:16-18
33Wepèní nø Yesu yv́ngkèní vtv́ng la:ngí, Piterí, “Kàngpèá, yayv́ng nø nøngmaq dvpvt v́l shvlá dá:rì. Shìyat, Nà dvpvt tiqlòng, Moshi dvpvt tiqlòng, Eliya dvpvt tiqlòng vshø̀m lòng nøngmaq sv̀ng wá dèzv́rshà,” a:lòe. (Íwe à:ngí pà shø̀:nò we mvdǿmshì).
34Piter yadø shø̀n la:ngí àngmaq sv̀ng rvmøt tiqpù bung daqì nø̀ dvkøq daqà rvt coqcv́npèla svree. 35Wekvt, rvmøt vdòng kèní, “Yapè nø Ngàí Rvcv́ngshaq Pè, Ngàcèpè íe. Àng kà ètánø̀ng,” wa shø̀n daqì. 36Kà shǿn nar bǿà kvt, Yesu wa vl we yà:ngòe. Coqcv́n wepèla nø àngmaqí yv̀ng bǿà rì wenila taq tiqgǿ sv̀ng gø màshǿnshaq, dø màwá vle.
Cáng dvchøp we lvngàsvré dvba:nò we
Mat. 17:14-23; Mak. 9:14-32
37Mèpvng ni taq, àngmaq nø shìgùng kèní shungshì daqì dvgvp, vsv̀ng loksok tiqmvdòí Yesu sv̀ng dvhømshì ráì. 38Vsv̀ng loksok taqkèní tiqpè nø, “Svrapèá, ngàcèpè sv̀ng èyv́ngangà, wvng nímshø̀nge. Pàwá wani àng nø ngàcè lòngzàpè íe. 39Èyà:ngò, àng nø cáng zv́ngshì ra dvgvp, ser wa vkiq nø̀, nonggøp kèní dvpup wa vshù høq tímkéòe. Wedø gvzà dvkiò dá:ngí, tiqlvngcè wa lúshì nø̀ vtv́ng rae. 40Cáng lúngalv́m rvt nà coqcv́nrì sv̀ng nímshø̀ng we, àngmaqí lúng mvdá:ngò,” wa vkiqe.
41Yesuí, “Kv́mnøt mèv̀lnø̀ng nø̀ mvgvm we mvrilcèrìé, Ngà nø kadvgvp høq nàmaq nv̀ng vl nø̀ tønaì ni má? Nvcèpè yayv́ng èshøla:tnò,” a:lòe.
42Lvngàsvrépè sv̀ng shøla:tnà la:ngí ni, cá:ngí àng kaq vbatø̀m sv̀ng vda:pmò nø̀ tímkéa:tnà. Íwe Yesuí cáng kaq nga:nò dá:ngí, lvngàsvrépè kaq dvbanò nø̀ àngpè sv̀ng tvleòe.
43Wekvt Gvray jórnònggùn sv̀ng àngmaq shvngbe dàe. Yesuí wà bǿà we bv̀nlì sv̀ng vsv̀ngrì dvdáshì dvgvp, À:ngí Àng coqcv́nrì sv̀ng, 44“Ngàí shø̀nlv́m kàrì sv̀ng shvlá wa ètánø̀ng. Vsv̀ng Àngcèpè nø vsv̀ng wur taq tvle bǿòe,” a:lòe. 45Íwe coqcv́nrìí yakà sv̀ng mvcíngò. Àngmaq dvpvt àng lvjøm vmáshaq í rvt, àngmaqí mvcíngò. Àng lvjøm røt gø mvka:mò.
Kagǿ nø ring vtvng í we
Mat. 18:1-5; Mak. 9:33-37; Luk. 22:24-26
46Coqcv́nrì nø àngmaq dvhø̀ taq kagǿ nø ring vtvng í we dang vzø̀ng lú:ngì. 47Àngmaqí dvda:mò rì sv̀ng Yesuí dǿ:mò rvt, cv̀mrécè tiqgǿ shøla:tnà nø̀, Àng shvnvngø shvri:pmòe. 48Wekvt Yesuí àngmaq sv̀ng, “Cv̀mré yagǿ sv̀ng Ngà bø̀ng taqkèní vtoò we kagǿ ínìgø, Ngà sv̀ng nàtong we íe. Ngà sv̀ng nàtong we kagǿ ínìgø, Ngà kaq dèzv́r dakngà pè sv̀ng vtoò we íe. Kadø íe wani nàmaq dvhø̀ taq cv́m vtvng gǿ nø, ring vtvng gǿ íe,” a:lòe.
49Yohaní, “Kàngpèá, Nà bø̀ng kèní cáng lù:ngò we tiqgǿ vhǿm bǿshà we, àng nø nøngmaq mèpvng mvcv̀n ra rvtnø̀, àng sv̀ng vgám bǿshà,” a:lòe.
50Íwe Yesuí, “Àng sv̀ng mènàgámnø̀ngni. Pàwá wani nàmaq sv̀ng màtù gǿ nø nàmaq lap wáshì vsv̀ng íe,” a:lòe.
Samari rìí màtoò we
51Yesu sv̀ng muqlàng kaq vbunlv́m àngni yùl ráì rvtnø̀, Àng nø Yerusalem sv̀ng dìlv́m nøt rvtshìe. 52Wervt Àng vzv̀ngzv̀ng kà ríshú dvzá:ròe. Werì nø Àng dvpvt rà pv̀nrì dvgǿalv́m rvt Samari mvrìng tiqmvrìng sv̀ng gòngá:mì. 53Íwe Yesu nø Yerusalem sv̀ng di we í rvtnø̀, wemvrìngrìí Àng sv̀ng màtoò. 54Àng coqcv́n Yaku nv̀ng Yohan níí welòng yv̀ng bǿà kvt, “Kàngpèá,#9:54 Àngké kà tiqmaq taq “Eliyaí wà yà:ngà dø” wae. nøngmaqí muqlàng kèní svmi dvjálv́m goì nø̀ àngmaq sv̀ng kìgi wv́rlv́m èshònge má?” a:lòe. #2Kk. 1:10-12 55Àng wv́l poshì nø̀ àngní sv̀ng nga:nòe. 56#9:55-56 Àngké kà tiqmaq taq, “Nàní nøt nø kadø í we mèsháshìshì. Kadø íe wani Vsv̀ng Àngcèpè nø, vsv̀ng gø̀nshaq shvmv́nglv́m dì daqì we mø̀í, vsv̀ng gø̀nshaq shvlutlv́m dvpvt lè dì daqì,” wa Yesu shø̀n kà vbáe. Weyv́ng kèní àngmaq nø dvgá tiqmvrìng sv̀ng dìá:mì.
Coqcv́n wáshì mvyǿ we vshø̀m gǿ kaq vlø:tnò we
Mat. 8:19-22
57Àngmaq tvrà di dvgvp, vsv̀ng tiqpèí, “Nà kayv́ng èdi nìnø, Nà mèpvng ngà gø cv̀nlv́m íe,” a:lòe.
58Yesuí, “Vyitrì nø àngdùng vdáe, carì gø àngdv̀ng vdáe. Íwe Vsv̀ng Àngcèpè nø vgo mvkømrà gø màdá,” a:lòe.
59À:ngí dvgá tiqpè sv̀ng, “Ngà mèpvng ècv̀n ra,” a:lòe.
Wepèí, “Kàngpèá, vpè sv̀ng vzv̀ng kǿm dèzv́rà lè,” a:lòe.
60Yesuí, “Shìrì sv̀ng nø shìrìí laq kǿ:mò. Nàí nø Gvray móngdàn dèshvng bǿò,” a:lòe.
61Dvgá tiqpèí, “Kàngpèá, ngà gø Nà mèpvng cv̀nvtnø̀ng. Íwe, ngà chø̀msv̀ngrì kaq vzv̀ng pàmvrà vl dèzv́rà,” a:lòe. #1Kk. 19:20
62Yesuí, “Rvmá màlv́m shǿng dvgoq zø̀:mò sórí, mèpvng kaq dvjaq vsv̀ng kagǿ gø Gvray móngdàn dvpvt zǿm mvdv̀ng,” a:lòe.
Terpilih Sekarang Ini:
Luka 9: GSM
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Luka 9
9
Tiqcé Vnípè dvzá:rò we
Mat. 10:1-15; Mak. 6:7-13
1Yesuí Tiqcé Vnípè sv̀ng dvkø̀:mò nø̀, cáng shvngbe sv̀ng dv́ngkélv́m nv̀ng záyv̀ngrì dvbanlv́m dvpvt jórnònggùn nv̀ng vmíng vkv́ng àngmaq sv̀ng zíòe. 2Wedá:ngí Gvray móngdàn mvshǿl dvshvnglv́m nv̀ng zarì dvbanlv́m dvpvt àngmaq sv̀ng dvzá:ròe. 3À:ngí, “Tvrà dvpvt kapà gø mèlv́ngnø̀ngni. Dvrv̀ng, dv̀nggúng, v́mlv́m, gv̀msùng nv̀ng bèlaq tvle gø mèlv́ngnø̀ngni. 4Chø̀m sv̀ng ègòngv́mnø̀ng dvgvp, wemvrìng kèní mèbúngnø̀ng dv́ngte wechø̀m taq èv̀lnø̀ng. 5Nàmaq sv̀ng mènàtonø̀ng nìnø, wewamà kèní èbúng daqnø̀ng kvt, àngmaq sv̀ng vchaqlv́m shvkse ílv́m rvt, nàmaq hípà dvtø̀l nàchaqshì ránø̀ng,” a:lòe. #Luk. 10:10-11
6Wekvt tiqrvwá nø tiqrvwá sv̀ng àngmaq di sórí, Dvbùshv̀ngkà dvsha:ngò nø̀ kayv́ng màyv́ngø zarì dvba:nòe.
Herot nøt shok we
Mat. 14:1-12; Mak. 6:14-29
7Yesuí wàò we shvngbe sv̀ng móngwál øpshú Herotní tá bǿà kvt, àng nø gvzà vtiqe. Kadø íe wani vsv̀ng tiqmaqí, “Yohan nø shì yv́ngkèní zun lú:ngì we íe” wa shø̀:nòe. 8Tiqmaqí, “Eliya dvtánshì daqì,” wae. Vrá tiqmaqí nø, “Darì kàdvtutshúrì kèní tiqpè zun lú:ngì we íe,” wae.
9Herot nø, “Yohan sv̀ng nø ngàí vgo tut dvzv́rvpmà. Íni, ngàí tángò rì yadv́ng pv̀n wàò pè nø kagǿ íe má?” wa sórí Yesu sv̀ng yv́ng lúnlv́m tvrà lá manòe. #Luk. 23:8
Vsv̀ng 5,000 shvá:mò we
Mat. 14:13-21; Mak. 6:30-44; Yoh. 6:1-14
10Dvzv́rrì vtv́ng ráì nø̀ àngmaqí wàa:pmà rì Yesu sv̀ng dvtáòe. Wekvt À:ngí àngmaq sv̀ng wa shø:lò nø̀ Betseda lá:nò mvrìng sv̀ng yilshìá:mì. 11Íwe vsv̀ng loksokrìí shá bǿà kvt Àng sv̀ng cv̀na:tnà. Yesuí àngmaq sv̀ng vtoò nø̀, Gvray móngdàn mvshǿl shvngø:tnò sórí za rì sv̀ng gø dvba:nòe.
12Nv̀m vlelv́m zà:mí, Tiqcé Vnípè di ráì nø̀, “Yayv́ng nø rvgaq mvgung í rvtnø̀, gùrhøm mvrìngrì nv̀ng vtv́r rvgaq yv́ng, yøprà nv̀ng v́mlv́m lvlávm dø, vsv̀ng loksokrì sv̀ng dèka:ngò lè,” a:lòe.
13Íwe Yesuí, “Nàmaqí shèv́mnø̀ng,” a:lòe.
Wekvt coqcv́nrìí, “Yayv́ng zidòng pungwàchv̀ng nv̀ng nga vnígo wa vle. Nøngmaqí vsv̀ng yadv́ngte dvpvt v́mlv́m wvnaá:mì ni má?” a:lòe. 14(Kadø íe wani weyv́ngø lvngàré tétǿng rì wa pungwàkíng gǿ dv́ngte vle).
Yesuí Àng coqcv́nrì sv̀ng, “Tiqmvdò taqnø pungwàcè gǿ dv́ngte, àngmaq sv̀ng àngmvdò àngmvdò rúng dèzv́rnø̀ng,” a:lòe. 15Coqcv́nrìí wedø cà:nò nø̀ shvngbe sv̀ng rúng dvzá:ròe. 16Yesuí zidòng pungwàchv̀ng nv̀ng ngagoní lá:ngò nø̀, muqlàng kaq dvjaqò sórí Gvray kaq oqà wae. Wekvt zidòng vmø:tnò nø̀ vsv̀ng loksok kaq túnalv́m coqcv́nrì sv̀ng tvleòe. 17Wekvt àngmaq shvngbe vm nø̀ vgàá:mì. V́m vchéò we àngshirì coqcv́nrìí rvku:lò nìnø, tiqcé vníjvng íe.
Piterí Kristu vchà:ngò we
Mat. 16:13-23; Mak. 8:27-33
18Tiqkvt nø Yesu Àngwa vjúrøtshì dvgvp, Àng coqcv́nrì gø Àng nv̀ng tiqdø vle. À:ngí àngmaq sv̀ng, “Ngà nø kagǿ íe wa nø̀, vsv̀ng loksokrì shø̀ne má?” wa rø:tnòe.
19Coqcv́nrìí, “Tiqmaqí nø Tìløp Yohan íe. Vrá tiqmaqí nø Eliya íe. Dvgá tiqmaqí nø darì kàdvtutshúrì kèní tiqgǿ vrá zun lú:ngì we íe, wae,” wa vtá:nòe. #Luk. 9:7-8
20Yesuí, “Íni, nàmaqí nà? Ngà nø kagǿ íe èwànø̀nge má?” wa rø:tnòe. Wekvt Piterí, “Nà nø Gvrayò Kristu èíe,” wa vtá:nòe. #Yoh. 6:68-69
21Wekvt kagǿ sv̀ng gø yakà mvshø̀nlv́m rvt, Yesuí àngmaq sv̀ng mvgvmkaq dvká:mòe. 22Vrá À:ngí, “Vsv̀ng Àngcèpè nø dvshàlv́m mvme pv̀n tønshì rà longe. Shaqré shaqtvngrì, shvrúngshú vjìrì nv̀ng dvrá svrarìí ngá:lò nø̀ shvt bǿòe. Íwe, vshø̀m ni wa ni taq zun longe,” a:lòe. #Luk. 9:44; 18:31-33
Coqcv́n wáshì mvyǿ rì kaq shvngø:tnò we
Mat. 16:24-28; Mak. 8:34-9:1
23Vrá, À:ngí shvngbe sv̀ng, “Ngà mèpvng cv́n mvyǿ we kagǿ gø, vdè sv̀ng ngálshì nø̀, ni vrv̀m vdè wurgang baqshì sórí Ngà mèpvng cv́n ràe. 24Pàwá wani vdè gø̀nshaq chv́ngshì mvyǿ we kagǿ gø, dvciqlvpat gø̀nshaq vmvngvme. Íwe Ngà rvtnø̀ vdè gø̀nshaq vmvng we kagǿ gø dvciqlvpat gø̀nshaq lún lú:ngòe. #Mat. 10:39; Mak. 8:35; Luk. 17:33; Yoh. 12:25 25Vsv̀ng tiqgǿ nø mònggàng køp washì lú:nò nìgø, àng gø̀nshaq shvmvngshì, mø̀íni dvsǿmshì bø nìnø, à:ngí kapà vjú lú:nòe má? 26Ngà nv̀ng Ngà kàrì sv̀ng shvraqshì we kagǿ sv̀ng gø, Vsv̀ng Àngcèpè nø vdè ngø̀rdvgùng, Vpèò ngø̀rdvgùng nv̀ng, shànshér we muqlàng dvzv́rrìò ngø̀rdvgùng taq langshø̀ng dak dvgvp, Ngà gø wegǿ sv̀ng shvrakshø̀ng longe. #Mat. 10:33; Mak. 8:38 27Ngàí jø̀ngjǿng vla:tnìni, yayv́ng rip rì tiqmaqí, Gvray móngdàn mvyà:ngò dv́ngte àngmaq mvshì long,” a:lòe.
Yesu mv̀rshv̀m shø̀ngshang vmvtná:mì we
Mat. 17:1-9; Mak. 9:2-9
28Yesuí kà yarì shøn bǿà mèpvng tvné vshvt ni taq, À:ngí Piter, Yohan nv̀ng Yaku maq sv̀ng shø:lò nø̀, vjúrøtlv́m dvpvt shìgùng sv̀ng ngangá:mì. 29Àng vjúrøt dvgvp, Àng mv̀rshv̀m vlíngá:mì nø̀, Àng bèlaqrì gø múng dv̀ngwa kvlàng lú:ngì. 30-31Wekvt vsv̀ng vnípè nø ngø̀rdvgùng nv̀ng chvnvnv́n dvtánshì daqì nø̀ Yesu nv̀ng kà dvmv̀ne. Àngní nø Moshi nv̀ng Eliya íe. Àngmaq nø Yerusalemø Yesu shì weí Gvray gvcvt dvgømlv́m dang dvmv̀ne. 32Wedvgvp, Piter nv̀ng àng rv̀mnvngpèní nø yøp bøqe. Íwe, àngmaq pán vshat ráì nìnø, Yesu nø brìmbrìm shór nø̀ Àng nv̀ng tiqdø vsv̀ng vnípè rip we yv̀ng bǿà. #2Pt. 1:16-18
33Wepèní nø Yesu yv́ngkèní vtv́ng la:ngí, Piterí, “Kàngpèá, yayv́ng nø nøngmaq dvpvt v́l shvlá dá:rì. Shìyat, Nà dvpvt tiqlòng, Moshi dvpvt tiqlòng, Eliya dvpvt tiqlòng vshø̀m lòng nøngmaq sv̀ng wá dèzv́rshà,” a:lòe. (Íwe à:ngí pà shø̀:nò we mvdǿmshì).
34Piter yadø shø̀n la:ngí àngmaq sv̀ng rvmøt tiqpù bung daqì nø̀ dvkøq daqà rvt coqcv́npèla svree. 35Wekvt, rvmøt vdòng kèní, “Yapè nø Ngàí Rvcv́ngshaq Pè, Ngàcèpè íe. Àng kà ètánø̀ng,” wa shø̀n daqì. 36Kà shǿn nar bǿà kvt, Yesu wa vl we yà:ngòe. Coqcv́n wepèla nø àngmaqí yv̀ng bǿà rì wenila taq tiqgǿ sv̀ng gø màshǿnshaq, dø màwá vle.
Cáng dvchøp we lvngàsvré dvba:nò we
Mat. 17:14-23; Mak. 9:14-32
37Mèpvng ni taq, àngmaq nø shìgùng kèní shungshì daqì dvgvp, vsv̀ng loksok tiqmvdòí Yesu sv̀ng dvhømshì ráì. 38Vsv̀ng loksok taqkèní tiqpè nø, “Svrapèá, ngàcèpè sv̀ng èyv́ngangà, wvng nímshø̀nge. Pàwá wani àng nø ngàcè lòngzàpè íe. 39Èyà:ngò, àng nø cáng zv́ngshì ra dvgvp, ser wa vkiq nø̀, nonggøp kèní dvpup wa vshù høq tímkéòe. Wedø gvzà dvkiò dá:ngí, tiqlvngcè wa lúshì nø̀ vtv́ng rae. 40Cáng lúngalv́m rvt nà coqcv́nrì sv̀ng nímshø̀ng we, àngmaqí lúng mvdá:ngò,” wa vkiqe.
41Yesuí, “Kv́mnøt mèv̀lnø̀ng nø̀ mvgvm we mvrilcèrìé, Ngà nø kadvgvp høq nàmaq nv̀ng vl nø̀ tønaì ni má? Nvcèpè yayv́ng èshøla:tnò,” a:lòe.
42Lvngàsvrépè sv̀ng shøla:tnà la:ngí ni, cá:ngí àng kaq vbatø̀m sv̀ng vda:pmò nø̀ tímkéa:tnà. Íwe Yesuí cáng kaq nga:nò dá:ngí, lvngàsvrépè kaq dvbanò nø̀ àngpè sv̀ng tvleòe.
43Wekvt Gvray jórnònggùn sv̀ng àngmaq shvngbe dàe. Yesuí wà bǿà we bv̀nlì sv̀ng vsv̀ngrì dvdáshì dvgvp, À:ngí Àng coqcv́nrì sv̀ng, 44“Ngàí shø̀nlv́m kàrì sv̀ng shvlá wa ètánø̀ng. Vsv̀ng Àngcèpè nø vsv̀ng wur taq tvle bǿòe,” a:lòe. 45Íwe coqcv́nrìí yakà sv̀ng mvcíngò. Àngmaq dvpvt àng lvjøm vmáshaq í rvt, àngmaqí mvcíngò. Àng lvjøm røt gø mvka:mò.
Kagǿ nø ring vtvng í we
Mat. 18:1-5; Mak. 9:33-37; Luk. 22:24-26
46Coqcv́nrì nø àngmaq dvhø̀ taq kagǿ nø ring vtvng í we dang vzø̀ng lú:ngì. 47Àngmaqí dvda:mò rì sv̀ng Yesuí dǿ:mò rvt, cv̀mrécè tiqgǿ shøla:tnà nø̀, Àng shvnvngø shvri:pmòe. 48Wekvt Yesuí àngmaq sv̀ng, “Cv̀mré yagǿ sv̀ng Ngà bø̀ng taqkèní vtoò we kagǿ ínìgø, Ngà sv̀ng nàtong we íe. Ngà sv̀ng nàtong we kagǿ ínìgø, Ngà kaq dèzv́r dakngà pè sv̀ng vtoò we íe. Kadø íe wani nàmaq dvhø̀ taq cv́m vtvng gǿ nø, ring vtvng gǿ íe,” a:lòe.
49Yohaní, “Kàngpèá, Nà bø̀ng kèní cáng lù:ngò we tiqgǿ vhǿm bǿshà we, àng nø nøngmaq mèpvng mvcv̀n ra rvtnø̀, àng sv̀ng vgám bǿshà,” a:lòe.
50Íwe Yesuí, “Àng sv̀ng mènàgámnø̀ngni. Pàwá wani nàmaq sv̀ng màtù gǿ nø nàmaq lap wáshì vsv̀ng íe,” a:lòe.
Samari rìí màtoò we
51Yesu sv̀ng muqlàng kaq vbunlv́m àngni yùl ráì rvtnø̀, Àng nø Yerusalem sv̀ng dìlv́m nøt rvtshìe. 52Wervt Àng vzv̀ngzv̀ng kà ríshú dvzá:ròe. Werì nø Àng dvpvt rà pv̀nrì dvgǿalv́m rvt Samari mvrìng tiqmvrìng sv̀ng gòngá:mì. 53Íwe Yesu nø Yerusalem sv̀ng di we í rvtnø̀, wemvrìngrìí Àng sv̀ng màtoò. 54Àng coqcv́n Yaku nv̀ng Yohan níí welòng yv̀ng bǿà kvt, “Kàngpèá,#9:54 Àngké kà tiqmaq taq “Eliyaí wà yà:ngà dø” wae. nøngmaqí muqlàng kèní svmi dvjálv́m goì nø̀ àngmaq sv̀ng kìgi wv́rlv́m èshònge má?” a:lòe. #2Kk. 1:10-12 55Àng wv́l poshì nø̀ àngní sv̀ng nga:nòe. 56#9:55-56 Àngké kà tiqmaq taq, “Nàní nøt nø kadø í we mèsháshìshì. Kadø íe wani Vsv̀ng Àngcèpè nø, vsv̀ng gø̀nshaq shvmv́nglv́m dì daqì we mø̀í, vsv̀ng gø̀nshaq shvlutlv́m dvpvt lè dì daqì,” wa Yesu shø̀n kà vbáe. Weyv́ng kèní àngmaq nø dvgá tiqmvrìng sv̀ng dìá:mì.
Coqcv́n wáshì mvyǿ we vshø̀m gǿ kaq vlø:tnò we
Mat. 8:19-22
57Àngmaq tvrà di dvgvp, vsv̀ng tiqpèí, “Nà kayv́ng èdi nìnø, Nà mèpvng ngà gø cv̀nlv́m íe,” a:lòe.
58Yesuí, “Vyitrì nø àngdùng vdáe, carì gø àngdv̀ng vdáe. Íwe Vsv̀ng Àngcèpè nø vgo mvkømrà gø màdá,” a:lòe.
59À:ngí dvgá tiqpè sv̀ng, “Ngà mèpvng ècv̀n ra,” a:lòe.
Wepèí, “Kàngpèá, vpè sv̀ng vzv̀ng kǿm dèzv́rà lè,” a:lòe.
60Yesuí, “Shìrì sv̀ng nø shìrìí laq kǿ:mò. Nàí nø Gvray móngdàn dèshvng bǿò,” a:lòe.
61Dvgá tiqpèí, “Kàngpèá, ngà gø Nà mèpvng cv̀nvtnø̀ng. Íwe, ngà chø̀msv̀ngrì kaq vzv̀ng pàmvrà vl dèzv́rà,” a:lòe. #1Kk. 19:20
62Yesuí, “Rvmá màlv́m shǿng dvgoq zø̀:mò sórí, mèpvng kaq dvjaq vsv̀ng kagǿ gø Gvray móngdàn dvpvt zǿm mvdv̀ng,” a:lòe.
Terpilih Sekarang Ini:
:
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.