Luka 4
4
Sataní Yesu dvlø:tnò we
Mat. 4:1-11; Mak. 1:12-13
1Yesu nø Shànshér Pvlàcè dv̀nzø̀ng taqsórí Yordan Tìwàng kèní vtv́ng ráì ke, Pvlàcèí Àng kaq rvgaq mvgung sv̀ng shøl bǿà. 2Weyv́ng Sataní Àng sv̀ng vbìcéni dvlø:tnòe. Wenila taq pàgø màv́m vle. Wervtø̀ vleá:mì mèpvng Àng nø svrí ba:nge. 3Wekvt Sataní Yesu sv̀ng, “Nà nø Gvray Àngcèpè èí nìnø, lóng yachv̀ng sv̀ng zidòng lví long dø dèká:mò,” a:lòe.
4Yesuí, “‘Vsv̀ng nø zidù:ngí wa cúnshì we mø̀í,’ wa vrushaq íe,” wa vtá:nòe. #Drd. 8:3
5Sataní rá Yesu sv̀ng vháng ram yv́ng shø:lò nø̀, rvgaq móngdànrì shvngbe tiqlvngcè shvya:ngò sórí, 6“Móngdàn yarì øplv́m vmíng vkv́ng nv̀ng ngø̀rdvgùng shvngbe ngàí Nà sv̀ng zílv́m íe. Kadø íe wani yarì nø ngà sv̀ng tvleshaq í rvtnø̀, ngà zí mvyǿng gǿ sv̀ng zǿngòe. 7Wervt ngà sv̀ng ènokngà nø̀ngnø, yarì shvngbe Nàò èía longe,” a:lòe.
8Vrá, Yesuí, “‘Kàngpè nà Gvray kaq noq rae. Àng sv̀ng wa dvzøm ràe,’ wa vrushaq íe,” wa vtá:nòe. #Drd. 6:13
9-11Wekvt Sataní Yesu kaq Yerusalem sv̀ng shøl bǿà nø̀, Shànshér Tø̀ngnø zòngmuq yv́ng shvri:pmò dá:ngí,
“‘Nà sv̀ng roq garlv́m rvt,
Kàngpèí Àng muqlàng dvzv́rrì sv̀ng
dvkv́m daqòe.
Lóng taq nà hí màtøplv́m,
àngmaq wu:rí nà sv̀ng
nàbun daqe,’ #Shz. 91:11-12
wa vrushaq íe. Wervt, Nà nø Gvray Àngcèpè èí nìnø, yayv́ng kèní dègupshì,” a:lòe.
12Yesuí, “‘Kàngpè nà Gvray kaq nàí vløt mvdaq,’ wa vrushaq íe,” wa vtá:nòe. #Drd. 6:16 13Sataní dvløtlv́m rì shvngbe dvbé bǿà kvt, Yesu yv́ngkèní sarshìá:mì nø̀ yuqyà we rvtø̀ caòe.
Galili rvgaq taq bv̀nlì wá pv́ngshì we
Mat. 4:12-17; Mak. 1:14-15
14Yesu nø Shànshér Pvlàcè jórnònggùn dv̀nzø̀ng sórí, Galili rvgaq sv̀ng vtv́ngá:mì. Àng dang shv̀ngkà nø wervgaq gùrhøm dvshvng bǿà. 15À:ngí àngmaq júrøt chø̀mrì taq shvngø:tnò yv́ngkèní, shvngbebeí Àng sv̀ng shvri:ngòe.
Nazaret mvrìng rìí Yesu sv̀ng màtoò we
Mat. 13:53-58; Mak. 6:1-6
16Yesu nø Àng té lú:ngì we Nazaret mvrìng sv̀ng tuq ráì nø̀, Àng wá yà dø tiqdvchá, Narni taq júrøt chø̀m sv̀ng gòngá:mì. Kàru rølv́m rip lú:ngì kvt, 17kàdvtutshú Esaya kàru rvdul Àng sv̀ng tvleòe. À:ngí poqò nìnø, #Esa. 61:1-2
18“Kàngpèò Pvlàcè nø Ngà mvdv̀mø tapshìe.
Kadø íe wani dvshà vsv̀ngrì kaq Dvbùshv̀ngkà dvshvnglv́m dvpvt,
À:ngí Ngà sv̀ng yøtìí nàdør bǿngà.
Vróngshaq rì sv̀ng shvlànglv́m,
nemànrì vrá yvngshìlv́m shv̀ngkà dvshvnglv́m dvpvt À:ngí dèzv́r dakngà.
Shvnvlshaq rì sv̀ng shvlutlv́m nv̀ng
19Kàngpèí Àng bashàrì kaq chutchv́ng we rvtø̀ dang dvshvnglv́m dvpvt gø, Ngà sv̀ng dèzv́r dakngà,”
wa vru zàng lá lún bǿà. 20À:ngí kàru lòng rvdu:lò nø̀ júrøt chø̀m dvzømshú sv̀ng vtà:ngò dá:ngí runge. Júrøt chø̀mø vl rì shvngbeí Àng sv̀ng dvjaqdv̀ng wàòe. 21Yesuí, “Shànshér Kàru yaciq nø nàmaqí ètá bǿshà dø dèni vhømá:mì,” a:lòe.
22Shvngbeí Yesu sv̀ng shvgù:nò nø̀, Àng nònggøp kèní shø̀n lú:ngà we vdu vbúng kàrì rvt dà sórí, “Yapè nø Yosep àngcè mø̀í má?” wae.
23Wekvt Yesuí, “‘Cìsvrapèá, nà nø nà dèbanshì lè!’ wa we kàshvgøp yakà èshø̀nnø̀ng nø̀ ‘Kapernum mvrìng taq Nàí èwà bǿà rì nøngmaqí táì dø vdè mvrìng yv́ng gø èwàò lè!’ wa Ngà sv̀ng nàmaq dèshø̀n lóngnø̀ngni,” a:lòe.
24À:ngí rá, “Ngàí nàmaq sv̀ng kàdøng vla:tnìni, kàdvtutshú kagǿ sv̀ng gø vdè mvrìng taq vtoò we màvl. #Yoh. 4:44 25Ngàí jø̀ngjǿng vla:tnìni, Eliya àngni taq, vshø̀m nǿng vchuq shvlá shø mvzaqá:mì nø̀, móngkøp dvkø wàngrø̀mmè vtit dvgvp, Israel móngø memàrì gvzà v̀l yà:ngì. 26Íwe Sidon móng Zarepta rvwáø vl we memà tiqmè yv́ng wa mø̀í nìnø, dvgá kagǿ yv́ng gø Eliya sv̀ng màdvzv́r yà:ngò. #4:26 1Kk. 17:1-16; Yak. 5:17 27Vrá, kàdvtutshú Elisha àngni taq gø, Israel móng taq mvnggvng zarì gvzà v̀l yà:ngì. Íwe Siria móng vsv̀ng Naman tiqpè wa mø̀í nìnø, dvgá tiqgǿ gø dvshér mvlún yà:ngò,” a:lòe. #2Kk. 5:1-14
28Júrøt chø̀m taq vl rì shvngbeí kà yarì tá bǿà kvt, shv̀mná vcor lú:ngì weí, 29àngmaq tv̀m búng nø̀, mvrìng nv̀mshv̀ng sv̀ng Àng kaq lùngò dá:ngí, caqgàng dangdang dvjálv́m dvpvt, mvrìng vrvng yà:ngà mvrùl vngv̀m høq Àng sv̀ng shvlum bǿà. 30Ínìgø Yesu nø àngmaq dvhø̀ kèní léshì nø̀ loá:mì.
Kapernum júrøt chø̀m taq cáng lù:ngò we
Mak. 1:21-28
31Yesu nø Galili rvgaq, Kapernum mvrìng sv̀ng yøtshìá:mì. Narni taq àngmaq sv̀ng À:ngí shvngø:tnòe. 32À:ngí shvngø:tnò kàrì nø vmíng vkv́ng vl rvt àngmaq gvzà dàe. #4:32 Mat. 7:28-29; Yoh. 7:46
33Júrøt chø̀m vdòngø cáng dvchøp we vsv̀ng tiqpè vle. À:ngí, 34“É! Nazaretpè Yesu, Nà nv̀ng nøngmaq pà singlv́m vle má? Nà nø nøngmaq sv̀ng shvmv́nglv́m èdì daqì má? Nà kagǿ èí we ngàí shánge. Gvrayò Shànshérpè lèíni!” wa shaqmèí vkiq lú:ngì.
35Wekvt Yesuí, “Dø màwá èvl. Àng yv́ngkèní èlúshì,” wa nga:nòe. Cá:ngí wepè sv̀ng shvngbe dvhø̀ø vdapmò dá:ngí, màdvláshaq àng yv́ngkèní lúshiá:mì.
36Shvngbe rìràá:mì nø̀, “Yalòng nø kadø í we kà í ráì? À:ngí vmíng vkv́ng nv̀ng jórnònggù:ní cángrì kaq dvká:mò kvt, àngmaq lvlúshì nìnø!” wa tasv̀ng dvmv̀ne. 37Weyv́ng kèní wervgaq gùrhøm kayv́ng màyv́ng sv̀ng Àng dang shv̀ngkà dvshvng bǿà.
Záyv̀ng àngpv̀npà:ní za rì dvba:nò nø̀ cáng lù:ngò we
Mat. 8:14-17; Mak. 1:29-39
38Júrøt chø̀m kèní Yesu búng nø̀, Simon chø̀m sv̀ng gòngá:mì. Simon àngnìmè nø góng gvzà vkatshì nø̀ za dae. Wervt àng sv̀ng dvbanlv́m àngmaqí Yesu kaq rø:tnòe. 39Yesu nø svmarémè shvnvngø rip nø̀, góng vkatshì lòng sv̀ng ngvn bǿà kvt, àng baná:mì. Wekvt chàng, àng kungshì lú:ngì weí àngmaq sv̀ng dvzø:mòe.
40Nv̀m vle daqì dvgvp, záyv̀ng àngpv̀npà:ní za rì sv̀ng Yesu yv́ng shøla:tnà. Àngmaq tiqgǿ nø tiqgǿ mvdv̀m Àng wur hapshì nø̀ dvba:nòe. 41Vrá, “Nà nø Gvray Àngcèpè èíe!” wa cángrì vkiq sórí, vsv̀ng mvme kèní lúshìe. Àng nø Kristu í we cángrìí sháò rvt, À:ngí àngmaq sv̀ng nga:nò nø̀, kà shǿn màdvzá:rò. #Mak. 3:11-12
42Sháng gá daqì dvgvp Àng nø vsv̀ng màvl we tiqyv́ng dìá:mì. Vsv̀ng loksokrìí nø Àng sv̀ng láò nø̀ lá lún bǿà kvt, àngmaq yv́ngkèní lamvlovm dø, Àng sv̀ng vgá:ròe. 43Íwe À:ngí, “Dvgá mvrìngrì sv̀ng gø Gvray móngdàn Dvbùshv̀ngkà dvshvng rànge. Wedø dvshvnglv́m rvt dèzv́r dakngà,” a:lòe. 44Weyv́ng kèní, Yesuí Yuda móng júrøt chø̀mrì taq mvshǿl dvshvng ma:nòe. #Mat. 4:23
Terpilih Sekarang Ini:
Luka 4: GSM
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.
Luka 4
4
Sataní Yesu dvlø:tnò we
Mat. 4:1-11; Mak. 1:12-13
1Yesu nø Shànshér Pvlàcè dv̀nzø̀ng taqsórí Yordan Tìwàng kèní vtv́ng ráì ke, Pvlàcèí Àng kaq rvgaq mvgung sv̀ng shøl bǿà. 2Weyv́ng Sataní Àng sv̀ng vbìcéni dvlø:tnòe. Wenila taq pàgø màv́m vle. Wervtø̀ vleá:mì mèpvng Àng nø svrí ba:nge. 3Wekvt Sataní Yesu sv̀ng, “Nà nø Gvray Àngcèpè èí nìnø, lóng yachv̀ng sv̀ng zidòng lví long dø dèká:mò,” a:lòe.
4Yesuí, “‘Vsv̀ng nø zidù:ngí wa cúnshì we mø̀í,’ wa vrushaq íe,” wa vtá:nòe. #Drd. 8:3
5Sataní rá Yesu sv̀ng vháng ram yv́ng shø:lò nø̀, rvgaq móngdànrì shvngbe tiqlvngcè shvya:ngò sórí, 6“Móngdàn yarì øplv́m vmíng vkv́ng nv̀ng ngø̀rdvgùng shvngbe ngàí Nà sv̀ng zílv́m íe. Kadø íe wani yarì nø ngà sv̀ng tvleshaq í rvtnø̀, ngà zí mvyǿng gǿ sv̀ng zǿngòe. 7Wervt ngà sv̀ng ènokngà nø̀ngnø, yarì shvngbe Nàò èía longe,” a:lòe.
8Vrá, Yesuí, “‘Kàngpè nà Gvray kaq noq rae. Àng sv̀ng wa dvzøm ràe,’ wa vrushaq íe,” wa vtá:nòe. #Drd. 6:13
9-11Wekvt Sataní Yesu kaq Yerusalem sv̀ng shøl bǿà nø̀, Shànshér Tø̀ngnø zòngmuq yv́ng shvri:pmò dá:ngí,
“‘Nà sv̀ng roq garlv́m rvt,
Kàngpèí Àng muqlàng dvzv́rrì sv̀ng
dvkv́m daqòe.
Lóng taq nà hí màtøplv́m,
àngmaq wu:rí nà sv̀ng
nàbun daqe,’ #Shz. 91:11-12
wa vrushaq íe. Wervt, Nà nø Gvray Àngcèpè èí nìnø, yayv́ng kèní dègupshì,” a:lòe.
12Yesuí, “‘Kàngpè nà Gvray kaq nàí vløt mvdaq,’ wa vrushaq íe,” wa vtá:nòe. #Drd. 6:16 13Sataní dvløtlv́m rì shvngbe dvbé bǿà kvt, Yesu yv́ngkèní sarshìá:mì nø̀ yuqyà we rvtø̀ caòe.
Galili rvgaq taq bv̀nlì wá pv́ngshì we
Mat. 4:12-17; Mak. 1:14-15
14Yesu nø Shànshér Pvlàcè jórnònggùn dv̀nzø̀ng sórí, Galili rvgaq sv̀ng vtv́ngá:mì. Àng dang shv̀ngkà nø wervgaq gùrhøm dvshvng bǿà. 15À:ngí àngmaq júrøt chø̀mrì taq shvngø:tnò yv́ngkèní, shvngbebeí Àng sv̀ng shvri:ngòe.
Nazaret mvrìng rìí Yesu sv̀ng màtoò we
Mat. 13:53-58; Mak. 6:1-6
16Yesu nø Àng té lú:ngì we Nazaret mvrìng sv̀ng tuq ráì nø̀, Àng wá yà dø tiqdvchá, Narni taq júrøt chø̀m sv̀ng gòngá:mì. Kàru rølv́m rip lú:ngì kvt, 17kàdvtutshú Esaya kàru rvdul Àng sv̀ng tvleòe. À:ngí poqò nìnø, #Esa. 61:1-2
18“Kàngpèò Pvlàcè nø Ngà mvdv̀mø tapshìe.
Kadø íe wani dvshà vsv̀ngrì kaq Dvbùshv̀ngkà dvshvnglv́m dvpvt,
À:ngí Ngà sv̀ng yøtìí nàdør bǿngà.
Vróngshaq rì sv̀ng shvlànglv́m,
nemànrì vrá yvngshìlv́m shv̀ngkà dvshvnglv́m dvpvt À:ngí dèzv́r dakngà.
Shvnvlshaq rì sv̀ng shvlutlv́m nv̀ng
19Kàngpèí Àng bashàrì kaq chutchv́ng we rvtø̀ dang dvshvnglv́m dvpvt gø, Ngà sv̀ng dèzv́r dakngà,”
wa vru zàng lá lún bǿà. 20À:ngí kàru lòng rvdu:lò nø̀ júrøt chø̀m dvzømshú sv̀ng vtà:ngò dá:ngí runge. Júrøt chø̀mø vl rì shvngbeí Àng sv̀ng dvjaqdv̀ng wàòe. 21Yesuí, “Shànshér Kàru yaciq nø nàmaqí ètá bǿshà dø dèni vhømá:mì,” a:lòe.
22Shvngbeí Yesu sv̀ng shvgù:nò nø̀, Àng nònggøp kèní shø̀n lú:ngà we vdu vbúng kàrì rvt dà sórí, “Yapè nø Yosep àngcè mø̀í má?” wae.
23Wekvt Yesuí, “‘Cìsvrapèá, nà nø nà dèbanshì lè!’ wa we kàshvgøp yakà èshø̀nnø̀ng nø̀ ‘Kapernum mvrìng taq Nàí èwà bǿà rì nøngmaqí táì dø vdè mvrìng yv́ng gø èwàò lè!’ wa Ngà sv̀ng nàmaq dèshø̀n lóngnø̀ngni,” a:lòe.
24À:ngí rá, “Ngàí nàmaq sv̀ng kàdøng vla:tnìni, kàdvtutshú kagǿ sv̀ng gø vdè mvrìng taq vtoò we màvl. #Yoh. 4:44 25Ngàí jø̀ngjǿng vla:tnìni, Eliya àngni taq, vshø̀m nǿng vchuq shvlá shø mvzaqá:mì nø̀, móngkøp dvkø wàngrø̀mmè vtit dvgvp, Israel móngø memàrì gvzà v̀l yà:ngì. 26Íwe Sidon móng Zarepta rvwáø vl we memà tiqmè yv́ng wa mø̀í nìnø, dvgá kagǿ yv́ng gø Eliya sv̀ng màdvzv́r yà:ngò. #4:26 1Kk. 17:1-16; Yak. 5:17 27Vrá, kàdvtutshú Elisha àngni taq gø, Israel móng taq mvnggvng zarì gvzà v̀l yà:ngì. Íwe Siria móng vsv̀ng Naman tiqpè wa mø̀í nìnø, dvgá tiqgǿ gø dvshér mvlún yà:ngò,” a:lòe. #2Kk. 5:1-14
28Júrøt chø̀m taq vl rì shvngbeí kà yarì tá bǿà kvt, shv̀mná vcor lú:ngì weí, 29àngmaq tv̀m búng nø̀, mvrìng nv̀mshv̀ng sv̀ng Àng kaq lùngò dá:ngí, caqgàng dangdang dvjálv́m dvpvt, mvrìng vrvng yà:ngà mvrùl vngv̀m høq Àng sv̀ng shvlum bǿà. 30Ínìgø Yesu nø àngmaq dvhø̀ kèní léshì nø̀ loá:mì.
Kapernum júrøt chø̀m taq cáng lù:ngò we
Mak. 1:21-28
31Yesu nø Galili rvgaq, Kapernum mvrìng sv̀ng yøtshìá:mì. Narni taq àngmaq sv̀ng À:ngí shvngø:tnòe. 32À:ngí shvngø:tnò kàrì nø vmíng vkv́ng vl rvt àngmaq gvzà dàe. #4:32 Mat. 7:28-29; Yoh. 7:46
33Júrøt chø̀m vdòngø cáng dvchøp we vsv̀ng tiqpè vle. À:ngí, 34“É! Nazaretpè Yesu, Nà nv̀ng nøngmaq pà singlv́m vle má? Nà nø nøngmaq sv̀ng shvmv́nglv́m èdì daqì má? Nà kagǿ èí we ngàí shánge. Gvrayò Shànshérpè lèíni!” wa shaqmèí vkiq lú:ngì.
35Wekvt Yesuí, “Dø màwá èvl. Àng yv́ngkèní èlúshì,” wa nga:nòe. Cá:ngí wepè sv̀ng shvngbe dvhø̀ø vdapmò dá:ngí, màdvláshaq àng yv́ngkèní lúshiá:mì.
36Shvngbe rìràá:mì nø̀, “Yalòng nø kadø í we kà í ráì? À:ngí vmíng vkv́ng nv̀ng jórnònggù:ní cángrì kaq dvká:mò kvt, àngmaq lvlúshì nìnø!” wa tasv̀ng dvmv̀ne. 37Weyv́ng kèní wervgaq gùrhøm kayv́ng màyv́ng sv̀ng Àng dang shv̀ngkà dvshvng bǿà.
Záyv̀ng àngpv̀npà:ní za rì dvba:nò nø̀ cáng lù:ngò we
Mat. 8:14-17; Mak. 1:29-39
38Júrøt chø̀m kèní Yesu búng nø̀, Simon chø̀m sv̀ng gòngá:mì. Simon àngnìmè nø góng gvzà vkatshì nø̀ za dae. Wervt àng sv̀ng dvbanlv́m àngmaqí Yesu kaq rø:tnòe. 39Yesu nø svmarémè shvnvngø rip nø̀, góng vkatshì lòng sv̀ng ngvn bǿà kvt, àng baná:mì. Wekvt chàng, àng kungshì lú:ngì weí àngmaq sv̀ng dvzø:mòe.
40Nv̀m vle daqì dvgvp, záyv̀ng àngpv̀npà:ní za rì sv̀ng Yesu yv́ng shøla:tnà. Àngmaq tiqgǿ nø tiqgǿ mvdv̀m Àng wur hapshì nø̀ dvba:nòe. 41Vrá, “Nà nø Gvray Àngcèpè èíe!” wa cángrì vkiq sórí, vsv̀ng mvme kèní lúshìe. Àng nø Kristu í we cángrìí sháò rvt, À:ngí àngmaq sv̀ng nga:nò nø̀, kà shǿn màdvzá:rò. #Mak. 3:11-12
42Sháng gá daqì dvgvp Àng nø vsv̀ng màvl we tiqyv́ng dìá:mì. Vsv̀ng loksokrìí nø Àng sv̀ng láò nø̀ lá lún bǿà kvt, àngmaq yv́ngkèní lamvlovm dø, Àng sv̀ng vgá:ròe. 43Íwe À:ngí, “Dvgá mvrìngrì sv̀ng gø Gvray móngdàn Dvbùshv̀ngkà dvshvng rànge. Wedø dvshvnglv́m rvt dèzv́r dakngà,” a:lòe. 44Weyv́ng kèní, Yesuí Yuda móng júrøt chø̀mrì taq mvshǿl dvshvng ma:nòe. #Mat. 4:23
Terpilih Sekarang Ini:
:
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
© 2025 Rvcv́ngcè Kàru Gomidi Kristu Shvngø̀mré. All Rights Reserved.