Matthew Lefi 2
2
1-6Gwedi genedigaeth Iesu, yn Methlehem Iuwdëa, yn nheyrnasiad Herod frenin, rhai o’r magiaid dwyreiniol á ddaethant i Gaersalem, ac á ymofynasant, Pa le y mae Brenin yr Iuddewon sy newydd ei eni; canys gwelsom ei seren ef yn ngwlad y dwyrain, ac yr ydym wedi dyfod i warogaethu iddo? Herod frenin wedi clywed hyn, á gythruddwyd, a holl Gaersalem gydag ef. A gwedi cynnull yn nghyd yr holl archoffeiriaid ac ysgrifenyddion y bobl, efe á ymofynodd â hwynt pa le y genid y Messia. Hwythau á atebasant, yn Methlehem Iuwdëa, canys fel hyn yr ysgrifenwyd gàn y Proffwyd, “A thithau Fethlehem, yn nghantref Iuwda, nid y leiaf enwog wyt yn mhlith dinasoedd Iuwda; canys o honot y daw llywydd, yr hwn á lywodraetha fy mhobl Israel.”
7-12Yna Herod wedi galw y magiaid yn ddirgel, á ’u holodd hwynt yn fanwl yn nghylch amser ymddangosiad y seren. A chàn eu hanfon hwynt i Fethlehem, efe á ddywedodd, Ewch, gwnewch ymofyniad manwl yn nghylch y plentyn, a gwedi i chwi ei gael ef, dygwch air i mi, fel yr elwyf finnau hefyd, a gwarogaethu iddo. Gwedi clywed y brenin, hwy á ymadawsant; ac wele! y seren à ymddangosasai iddynt yn ngwlad y dwyrain, á symudai o’u blaen hwynt, hyd oni ddaeth, a sefyll uwch y fan, lle yr oedd y plentyn. Pan welsant y seren eilwaith, hwy á lawenychasant yn ddirfawr. A gwedi eu dyfod i’r tŷ, hwy á ganfuant y plentyn gyda Mair ei fam; a chàn ymgrymu à warogaethasant iddo. Yna, gwedi agor eu cistanau, hwy á offrymasant yn anrhegion iddo, aur, thus, a mỳr. A gwedi eu rhybyddio mewn breuddwyd i beidio dychwelyd at Herod, hwy á aethant adref ffordd arall.
13-15Gwedi iddynt fyned, wele! cènad i’r Arglwydd á ymddangosodd i Ioseph mewn breuddwyd, ac á ddywedodd, Cyfod, cỳmer y plentyn gyda’ i fam, a ffo i’r Aifft; ac aros yno hyd oni orchymynwyf i ti’; canys Herod á geisia y plentyn iddei ddyfetha ef. Yn ganlynol, efe á gyfododd, á gymerodd y plentyn, gyda’ i fam, ac á giliodd o hyd nos i’r Aifft, lle yr arosodd efe hyd farwolaeth Herod; fel y gwireddid yr hyn à ddywedasai yr Arglwydd drwy y Proffwyd, “O’r Aifft y gelwais fy Mab.”
16-18Yna Herod, pan welodd ei dwyllo gàn y magiaid, á ddigllonodd yn ddirfawr, ac á ddanfonodd guddgènadau, y rhai á laddasant, wrth ei orchymyn, yr holl blant gwryw yn Methlehem, ac yn ei holl diriogaeth, o’r rhai yn cychwyn àr eu dwyflwydd oed, i lawr hyd yr amser am yr hwn yr ymofynasai efe yn fanwl â’r magiaid. Yna y gwireddwyd gair Ieremia y Proffwyd, “Gwaedd á glybuwyd yn Rama, galar, ac wylofedd, a chwynfan chwerw; Rahel yn wylo am ei phlant, ac yn gwrthod ei chysuro, am nad ydynt mwy.”
19-23Gwedi marw Herod, angel i’r Arglwydd á ymddangosodd mewn breuddwyd i Ioseph yn yr Aifft, ac á ddywedodd, Cyfod, cymer y plentyn gyda’ i fam, a dos i dir Israel; canys meirw ynt y sawl à geisient ei einioes ef. Yn ganlynol, efe á gyfododd, á gymerodd y plentyn gyda’ i fam, ac a ddaeth i dir Israel; ond wedi clywed bod Archeläus yn teyrnasu àr Iuwdëa yn lle ei dad Herod, efe á ofnai ddychwelyd yno; a gwedi ei rybyddio mewn breuddwyd, efe á giliodd i dalaeth Galilëa, ac á drigodd mewn dinas a’i henw Nasareth; yn hyn yn gwireddu mynegiad y Proffwyd am Iesu, y gelwid ef yn Nasarethiad.
Terpilih Sekarang Ini:
Matthew Lefi 2: CJW
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.
Matthew Lefi 2
2
1-6Gwedi genedigaeth Iesu, yn Methlehem Iuwdëa, yn nheyrnasiad Herod frenin, rhai o’r magiaid dwyreiniol á ddaethant i Gaersalem, ac á ymofynasant, Pa le y mae Brenin yr Iuddewon sy newydd ei eni; canys gwelsom ei seren ef yn ngwlad y dwyrain, ac yr ydym wedi dyfod i warogaethu iddo? Herod frenin wedi clywed hyn, á gythruddwyd, a holl Gaersalem gydag ef. A gwedi cynnull yn nghyd yr holl archoffeiriaid ac ysgrifenyddion y bobl, efe á ymofynodd â hwynt pa le y genid y Messia. Hwythau á atebasant, yn Methlehem Iuwdëa, canys fel hyn yr ysgrifenwyd gàn y Proffwyd, “A thithau Fethlehem, yn nghantref Iuwda, nid y leiaf enwog wyt yn mhlith dinasoedd Iuwda; canys o honot y daw llywydd, yr hwn á lywodraetha fy mhobl Israel.”
7-12Yna Herod wedi galw y magiaid yn ddirgel, á ’u holodd hwynt yn fanwl yn nghylch amser ymddangosiad y seren. A chàn eu hanfon hwynt i Fethlehem, efe á ddywedodd, Ewch, gwnewch ymofyniad manwl yn nghylch y plentyn, a gwedi i chwi ei gael ef, dygwch air i mi, fel yr elwyf finnau hefyd, a gwarogaethu iddo. Gwedi clywed y brenin, hwy á ymadawsant; ac wele! y seren à ymddangosasai iddynt yn ngwlad y dwyrain, á symudai o’u blaen hwynt, hyd oni ddaeth, a sefyll uwch y fan, lle yr oedd y plentyn. Pan welsant y seren eilwaith, hwy á lawenychasant yn ddirfawr. A gwedi eu dyfod i’r tŷ, hwy á ganfuant y plentyn gyda Mair ei fam; a chàn ymgrymu à warogaethasant iddo. Yna, gwedi agor eu cistanau, hwy á offrymasant yn anrhegion iddo, aur, thus, a mỳr. A gwedi eu rhybyddio mewn breuddwyd i beidio dychwelyd at Herod, hwy á aethant adref ffordd arall.
13-15Gwedi iddynt fyned, wele! cènad i’r Arglwydd á ymddangosodd i Ioseph mewn breuddwyd, ac á ddywedodd, Cyfod, cỳmer y plentyn gyda’ i fam, a ffo i’r Aifft; ac aros yno hyd oni orchymynwyf i ti’; canys Herod á geisia y plentyn iddei ddyfetha ef. Yn ganlynol, efe á gyfododd, á gymerodd y plentyn, gyda’ i fam, ac á giliodd o hyd nos i’r Aifft, lle yr arosodd efe hyd farwolaeth Herod; fel y gwireddid yr hyn à ddywedasai yr Arglwydd drwy y Proffwyd, “O’r Aifft y gelwais fy Mab.”
16-18Yna Herod, pan welodd ei dwyllo gàn y magiaid, á ddigllonodd yn ddirfawr, ac á ddanfonodd guddgènadau, y rhai á laddasant, wrth ei orchymyn, yr holl blant gwryw yn Methlehem, ac yn ei holl diriogaeth, o’r rhai yn cychwyn àr eu dwyflwydd oed, i lawr hyd yr amser am yr hwn yr ymofynasai efe yn fanwl â’r magiaid. Yna y gwireddwyd gair Ieremia y Proffwyd, “Gwaedd á glybuwyd yn Rama, galar, ac wylofedd, a chwynfan chwerw; Rahel yn wylo am ei phlant, ac yn gwrthod ei chysuro, am nad ydynt mwy.”
19-23Gwedi marw Herod, angel i’r Arglwydd á ymddangosodd mewn breuddwyd i Ioseph yn yr Aifft, ac á ddywedodd, Cyfod, cymer y plentyn gyda’ i fam, a dos i dir Israel; canys meirw ynt y sawl à geisient ei einioes ef. Yn ganlynol, efe á gyfododd, á gymerodd y plentyn gyda’ i fam, ac a ddaeth i dir Israel; ond wedi clywed bod Archeläus yn teyrnasu àr Iuwdëa yn lle ei dad Herod, efe á ofnai ddychwelyd yno; a gwedi ei rybyddio mewn breuddwyd, efe á giliodd i dalaeth Galilëa, ac á drigodd mewn dinas a’i henw Nasareth; yn hyn yn gwireddu mynegiad y Proffwyd am Iesu, y gelwid ef yn Nasarethiad.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.