ZAKARIA 5
5
Amalola gi Liburuka lie Likaratasi Lilingiywi
1Ndahenza kandi, na ing'inga yiyi ndaalora likaratasi lilingiywi ni liburukaa mwigulu. 2Engelosi yandeva chandalolaa. Ndavoora, “Ndolaa likaratasi lilingiywi niliburukaa mwigulu; liveeye zimita 9 uvutambi kandi zimita 4.5 vuvambalaru.”
3Maku engelosi uyu yambolera, “Ku likaratasi yili vaang'odaku kilaamo keveeye ku kivala choosi. Kolovega lulala mang'oda gavoora ndi: mundu woosi oveeye mwivi aladivizwa; kolovega lundu amang'oda gavoora ndi; vuli mundu woosi ovola vovehi ku liesuuha kandi aladivizwa. 4Yahova Wuvunyali avoora ndi, alaleeta kilaamo yiki ku vuli inyumba yu mundu woosi oveeye mwivi, kandi ku vuli inyumba yu mundu woosi ovola vovehi ku liesuuha. Kilaamo yiki kilava mu zinyumba yizi kuduuka lwazidivizwa na zitigale amang'anye.”
Amalola gu Mukali mu Kihinda
5Engelosi yaza ku inzi kandi nevoola, “Henza! Kindu kindi kiiza kandi!”
6Ndateeva, “Kindiki chene yiki?” Engelosi yativura, “Yiki ni kihinda kimanyaa uvwoni vwa vandu mu kivala choosi.”
7Kihinda yiki chaali ni kikuniku chalombwa ni lisasi. Lwa ndahenza ku kihinda yiki, kikuniku chakunulwa, na ndaalora mukali niyikaye mu!
8Engelosi yavoola, “Mukali uyu aveeye mu vogono vwu vuchamu.” Maku engelosi yamulumba mu kihinda ma namukunikila mu. 9Ndahenza ma nindora vakali vaviri nivaveeye ni zimbaha zie zinguru kuli zie ling'oani; vaburuka nivaaza wa ndaali. Vaavugura kihinda ma nivaburuka nacho.
10Maku ndateeva engelosi, “Vakihilaa hayi?”
11Engelosi yativura, “Vahiraa mu kivala cha Babiloni, wa navachumbakiri litembeli. Lwi litembeli nalive ni limaliriki, kihinda nakivikwi mu, ma navakisigamiri.”
Terpilih Sekarang Ini:
ZAKARIA 5: LOGOOLI
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019
ZAKARIA 5
5
Amalola gi Liburuka lie Likaratasi Lilingiywi
1Ndahenza kandi, na ing'inga yiyi ndaalora likaratasi lilingiywi ni liburukaa mwigulu. 2Engelosi yandeva chandalolaa. Ndavoora, “Ndolaa likaratasi lilingiywi niliburukaa mwigulu; liveeye zimita 9 uvutambi kandi zimita 4.5 vuvambalaru.”
3Maku engelosi uyu yambolera, “Ku likaratasi yili vaang'odaku kilaamo keveeye ku kivala choosi. Kolovega lulala mang'oda gavoora ndi: mundu woosi oveeye mwivi aladivizwa; kolovega lundu amang'oda gavoora ndi; vuli mundu woosi ovola vovehi ku liesuuha kandi aladivizwa. 4Yahova Wuvunyali avoora ndi, alaleeta kilaamo yiki ku vuli inyumba yu mundu woosi oveeye mwivi, kandi ku vuli inyumba yu mundu woosi ovola vovehi ku liesuuha. Kilaamo yiki kilava mu zinyumba yizi kuduuka lwazidivizwa na zitigale amang'anye.”
Amalola gu Mukali mu Kihinda
5Engelosi yaza ku inzi kandi nevoola, “Henza! Kindu kindi kiiza kandi!”
6Ndateeva, “Kindiki chene yiki?” Engelosi yativura, “Yiki ni kihinda kimanyaa uvwoni vwa vandu mu kivala choosi.”
7Kihinda yiki chaali ni kikuniku chalombwa ni lisasi. Lwa ndahenza ku kihinda yiki, kikuniku chakunulwa, na ndaalora mukali niyikaye mu!
8Engelosi yavoola, “Mukali uyu aveeye mu vogono vwu vuchamu.” Maku engelosi yamulumba mu kihinda ma namukunikila mu. 9Ndahenza ma nindora vakali vaviri nivaveeye ni zimbaha zie zinguru kuli zie ling'oani; vaburuka nivaaza wa ndaali. Vaavugura kihinda ma nivaburuka nacho.
10Maku ndateeva engelosi, “Vakihilaa hayi?”
11Engelosi yativura, “Vahiraa mu kivala cha Babiloni, wa navachumbakiri litembeli. Lwi litembeli nalive ni limaliriki, kihinda nakivikwi mu, ma navakisigamiri.”
Terpilih Sekarang Ini:
:
Highlight
Salin
Bandingkan
Kongsi
Ingin menyimpan sorotan merentas semua peranti anda? Mendaftar atau log masuk
©Bible Society of Kenya, 2019