Márcos 12:41-42

Enga chise deréjnarique uje Jesús chacája Dupade iguíjna cuchábi ga cháji ajé uñai uje jecucha ore na Dupade gajnenie ore iplátai aja pírigo iji. Mu chidójningapísa ayoréode ore isocade ome deranéringui daplátai iji uté. Uje chajire ore mu chimo uje jnani atade a ca ore cájnaru deranenie iji daplátadie uje ore nája píode udore. Mu diga chequé jmatágueraque di to uje chequé eca. Uaté chijnime dapláta gárabidie ga násija píode udore uñeque to. Mu chequé eca uaté iplátabidie sudire ca oréraque cuse to go.