ᑎᐱᑦ ᐅᓂᑭᒧᐅᓇ 98
98
Psalm 98 (Christmas Year A; Easter-6 Year B; Proper-28 Year C)
1ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ᒪᒥᔅᑲᒡ-ᐃᑐᐤ:
ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ᐅᔅᐱᑐᓂᒡ ᒋ ᐅᒋ ᐱᐧᑯᐃᐛᐤ᙮
2ᑎᐸᔨᒋᒐᓱᐤ ᒧᓴ ᒋ ᐛᐸᑎᔨᐛᐤ ᐎᔾ ᐊᒋ ᐱᒪᒋᐃᐛᑦ;
ᐎᔾ ᐊ ᑯᐃᔅᑯᑕᑎᓯᑦ ᓇᐃᔪᐤ ᒋ ᓄᑯᑐᐛᐤ ᐸᐱᑐᔅ ᐃᔅ ᐃᔪᐛ᙮
3ᓇᒪ ᐅᒋ ᐅᓂᒋᔅᒍᐤ ᒐ ᒋᓴᐛᑐᑐᐛᑦ ᑭᔭ ᒐ ᑕᑈᐅᓯᔅᑐᐛᑦ ᐃᔅᕋᐃᓚ ᒥᓯᐛ ᐊᑎᓯᔨᒋ;
ᒥᓯᐛ ᐊ ᐊᑎ ᐃᔎᔭᔨᒡ ᐊᔅᒋᔪᐤ ᒋ ᐛᐸᑕᑭᓄᐎᔪᐤ ᐅᐱᒪᒋᐃᐛᐅᓐ ᒋᒋᓴᒪᓂᑐᒥᓄᐤ᙮
4ᒧᒋᒐᔨᑎᒧᒄ ᒋᔨᐛᐤ ᐊᔅᒋᒡ ᑎᐸᔨᒋᒐᓱᐤ ᐅᒋ;
ᐅᒋ ᐸᒋ ᒋᔄᐛᒄ ᐊ ᓂᑭᒧᔭᒄ ᐊᔅᐱᔅ ᐛᐛᓂᒥᔽᔨᑎᒪᒄ, ᓂᐦᐃ, ᑕᑈ ᓂᑭᒧᒄ ᐊ ᒋᔅᑕᒋᒪᒄ᙮
5ᓂᑭᒧᔅᑐᐛᐧᒄ ᑎᐸᔨᒋᒐᓱᐤ ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᔭᒄ;
ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ᒋᔍᐛᑲᐸᐃᒐᓄᐅᒡ ᑭᔭ ᐊ ᓂᑭᒧᓇᓄᐅᒡ᙮
6ᐳᑕᒋᑭᓐ ᑭᔭ ᐸᑕᒋᑭᓂᔅᒐ ᐊ ᐊᐱᑎᔨᒋ,
ᐸᒋ ᒋᔄᐛᑎᒧᒄ ᐊ ᒧᒋᑕᑯᓯᔭᒄ ᐅᑎᔅᑯᐤ ᐊ ᑕᑦ ᒋᓴᐅᒋᒪᐤ, ᑲ ᑎᐸᔨᒋᒐᓱᐅᑦ᙮
7ᐊᑯᔅ ᒋᑭ ᒋᔄᐛᒪᑭᓐ ᐎᓂᐸᒄ, ᑭᔭ ᒥᓯᐛ ᐊᓐᑕ ᒐᒂᓐ ᐊ ᑎᒂᒡ;
ᐊᔅᒋᔾ, ᐊᓐᒡ ᒪᒃ ᐊᓐᑕ ᐊ ᑕᒡ᙮
8ᐊᑯᔅ ᓯᐱᔭ ᐊ ᑎᒥᒂᑕᑯᐱᔨᒋ ᒋᑭ ᐱᐸᓯᑎᒐᐅᒥᑭᓇ,
ᐊᑯᔅ ᐱᔅᑯᑎᓇᐛ ᒋᑭ ᒪᒧᐛᑎᒧᒥᑭᓇ ᐊ ᓂᑭᒧᒥᑲᒋ᙮
9ᐅᑎᔅᑯᐤ ᑎᐸᔨᒋᒐᓱᐛ;
ᐛᔅ ᒋᑭ ᐸᒋ ᑎᑯᓯᓂᔪᐛ ᒐ ᑎᐸᔅᑯᓂᒥᔨᒋ ᐊᔅᒋᔪᐤ:
ᑯᐃᔅᒄ ᒋᑭ ᐃᓯ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ᑕᔨᒋ,
ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮
Terpilih Sekarang Ini:
ᑎᐱᑦ ᐅᓂᑭᒧᐅᓇ 98: ᓇᔅᑲᐱ
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada