ᑎᐱᑦ ᐅᓂᑭᒧᐅᓇ 97

Psalm 97 (Christmas Year B; Easter-7 Year C)

1ᑎᐸᔨᒋᒐᓱᐤ ᑎᐸᔨᒋᒐᐤ;

ᐊᑯᔅ ᐊᔅᒋᔾ ᒋᑭ ᒧᒋᒐᔨᑎᒧᒪᑭᓐ;

ᐊᑯᔅ ᑲ ᒪᒥᒐᒋ ᒥᓂᔅᑎᒂ ᒋᑭ ᓯᒋᔭᓯᒥᑭᓇ᙮

2ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ:

ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

3ᐃᔅᑯᑕᔪᐤ ᓂᑲᓂᐸᔨᔅᑕᑯᐤ,

ᑭᔭ ᐃᔎᓱᔪᐛ ᑲ ᐛᐧᑲᑎᑯᑦ ᒥᓯᐛ ᐛᔅᑲ᙮

4ᐅ ᐛᔅᑕᐱᔨᒪ ᒋ ᐛᔅᑕᓂᒪᑯᔪᐛ ᐊᔅᒋᒡ ᐊ ᑕᔨᒋ:

ᐊᔅᒋᔾ ᒋ ᐛᐸᑎᒧᒪᑭᓐ ᑭᔭ ᓇᓇᒥᐱᔪᐤ᙮

5ᐱᔅᑯᑎᓇᐛ ᒋ ᑎᒋᑕᐛ ᒧᔭᒻ ᐱᓴᒂᐃᑭᓐ ᐅᑎᔅᑯᐤ ᑕᐸᔨᒋᒐᑦ,

ᐅᑎᔅᑯᐤ ᑲ ᑎᐸᔨᑕᐧᒃ ᒥᓯᐛ ᐊᔅᒋᔪᐤ᙮

6ᒋᓯᒂ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ,

ᑭᔭ ᒥᓯᐛ ᐃᔪᐛ ᐛᐸᑎᒥᔪᐛ ᐅᒋᔅᑕᔨᑕᑯᓱᐅᓐ᙮

7ᒋᑭ ᐛᐛᓇᔨᑎᒧᒡ ᒥᓯᐛ ᐊᓐᒡ ᑲ ᐊᑐᔅᑯᐛᒡ ᒥᓂᑐᐧᑲᓇ,

ᑲ ᐅᒋ ᒪᒪᑕᑯᒧᒡ ᒥᓂᑐᐧᑲᓇ:

ᐸᑕᐱᔅᑕᐧᒄ, ᒥᓯᐛ ᒋᔨᐛᐤ ᒥᓂᑐᐅᒡ᙮

8ᓴᐃᔭᓐ ᒋ ᐸᑎᒻ, ᑭᔭ ᒋ ᓯᒋᔭᓱᐤ;

ᒍᑕ ᐅᑕᓂᓯᒪᐅᒡ ᑭᔭ ᒋ ᒧᒋᒐᔨᑎᒧᒡ,

ᒋᑎᐸᔅᑯᓂᒐᐅᓇ ᐅᒋ, ᐅ ᑎᐸᔨᒋᒐᓱᐤ᙮

9ᐛᔅ ᒋᔾ, ᑎᐸᔨᒋᒐᓱᐤ, ᓇᔅᒡ ᒋ ᒋᔅᑎᓯᓐ ᐊᔅᒋᒡ:

ᓇᔅᒡ ᒋᑦ ᐊᔪᐛᒋᔅᑯᐛᐅᒡ ᒥᓯᐛ ᒥᓂᑐᐅᒡ᙮

10ᒋᔨᐛᐤ ᑲ ᓴᒋᐊᒃ ᑎᐸᔨᒋᒐᓱᐤ, ᐛᐧᑲᑎᒧᒄ ᑲ ᒪᔭᑎᒡ:

ᑭᓄᐛᔨᒥᒪᐤ ᐅᑦ ᐊᒐᐧᑯᔪᐛ ᐅᐸᔭᒋᓯᒪ;

ᐎᒂᒋᐊᐤ ᐅᑎᒋᔨᒡ ᐅᒋ ᐅᒥᒋᑥᐛ᙮

11ᐛᓴᔭᓯᐅᓂᔪᐤ ᓂᑕᐅᒋᑕᒪᐛᑭᓄᐅᒡ ᐅᑯᐃᔅᑯᑕᑎᓯᐅᒡ,

ᑭᔭ ᓯᒋᔭᓯᐅᓂᔪᐤ ᐊᓐᒡ ᑲ ᑯᐃᔅᑯᑕᐊᒡ᙮

12ᒥᔽᔨᑎᒧᒄ ᑎᐸᔨᒋᒐᓱᐤ ᐅᒋ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ;

ᑭᔭ ᓂᓇᔅᑯᒥᐧᒄ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮

Terpilih Sekarang Ini:

ᑎᐱᑦ ᐅᓂᑭᒧᐅᓇ 97: ᓇᔅᑲᐱ

Highlight

Kongsi

Salin

Ingin menyimpan sorotan merentas semua peranti anda? Mendaftar atau log masuk

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Ketahui Lebih Lanjut tentang ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ