ᑎᐱᑦ ᐅᓂᑭᒧᐅᓇ 104
104
1ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ !
ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᓇᔅᒡ ᒋ ᒋᔅᑎᓯᓐ:
ᒋ ᒋᔅᑲᓐ ᒋᔅᑕᔨᑕᑯᓱᐅᓐ ᑭᔭ ᒋᓴᐅᒋᒪᐛᔨᑕᑯᓯᐅᓐ᙮
2ᑲ ᐊᒂᓇᐅᓱᔨᓐ ᐛᓴᔭᐅᓐ ᐅᒋ ᒧᔭᒻ ᐊᐱᒋᑕᐅᓐ:
ᑲ ᐅᐛᔨᑯᑕᔨᓐ ᒋᓯᒂ ᒧᔭᒻ ᐊᑯᐛᑲᐃᑭᓐ:
3ᓂᐱᒡ ᑲ ᐱᒪᔅᑯᐊᑦ ᐅᑕᑕᐃᑭᓇ ᒐ ᐎᒋᑦ:
ᑲ ᐅᑎᑎᐱᑕᐸᓇᔅᑯᑦ ᑭᔅᑯᐅᓇ:
ᑲ ᐱᒧᑕᑦ ᐊ ᐅᑎᑎᐧᑯᓄᐎᔨᒡ ᐊ ᔪᑎᓂᔨᒡ:
4ᑲ ᐊᒐᐧᑯᐎᐊᑦ ᐅᑦ ᐊᓐᒋᓂᒪ;
ᐅᑦ ᐊᔭᒥᐊᐅ ᐊᑐᔅᒐᔭᑭᓇ ᐊ ᐛᔭᑕᔨᒡ ᐃᔅᑯᑕᔪᐤ᙮
5ᑲ ᐊᔨᑎᔅᑕᑦ ᐊᔅᒋᔪᐤ,
ᒐ ᐊᑲ ᓂᑕ ᐊᒋᐱᔨᒡ᙮
6ᔅᒋ ᐊᒂᓇᐊᓐ ᐊ ᒋᔅᑲᔨᐛᒡ ᒧᔭᒻ ᐊᐱᒋᑕᐅᓐ:
ᓂᐱᔭ ᒋ ᐊᔅᑕᐛ ᑕᐧᑯᒡ ᐱᔅᑯᑎᓇᐛ᙮
7ᐊ ᒋᔅᑐᑎᒥᓐ ᒋᒋᑎᓯᒧᒥᑭᓇ;
ᐊ ᐸᑕᑯᓯᒡ ᒋᑦ ᓂᒥᔅᒋᒥᒡ ᒋ ᐛᐸᐱᔪᐛ᙮
8ᓴᑭᒋᐛᐱᔨᐛ ᐱᔅᑯᑎᓇᒡ,
ᓂᑎᒋᐛᐱᔨᐛ ᐊᓐᑕ ᐱᓯᑎᓇᒡ,
ᐊᓐᑕ ᑲ ᐅᓯᑕᔨᓐ ᒐᒋ ᐊᔅᑕᒡ᙮
9ᔅᒋ ᐎᔨᔅᑕᓐ ᒐ ᐊᑲ ᐸᔅᑎᐸᒡ;
ᒐ ᐊᑲ ᒋ ᒋᐛᐱᔨᒡ ᒐᒋ ᐅᒡ ᐊᒂᓇᐊᒧᒥᑲᒡ ᐊᔅᒋᔾ᙮
10ᐃᑎᓴᐊᒻ ᒧᔅᒋᐅᓂᐸᒂ ᐊ ᐱᓴᔨᒡ,
ᑲ ᐱᒥᐱᔨᒡ ᐱᔅᑯᑎᓇᔨᒡ᙮
11ᒥᓇᐃᑯᐅᒡ ᒥᓯᐛ ᐊᐛᓯᓯᒡ ᐊᔅᒋᒡ:
ᐸᒂᒋ ᑲᓂᐧᑲᑎᓯᒡ ᑲᐸᐃᑭᔎᐅᒡ ᐊᑯᑕ ᒪᓂᒡ᙮
12ᒥᒋᒪ ᐅᑕ ᐊᑯᑕ ᒐ ᐎᒋᒡ ᒋᓯᑯᒡ ᐱᔭᓱᐅᒡ,
ᑲ ᓂᑭᒧᒡ ᐊ ᐅᑎᐧᑯᓄᐎᒡ᙮
13ᓱᒋᔅᑕᐤ ᐱᔅᑯᑎᓇᐛ ᐅᑲᐱᔅᒋᒐᔭᒥᒡ ᐅᒡ᙮
ᐊᔅᒋᒡ ᓴᑭᔅᒋᓇᐤ ᐊ ᐃᓯ ᒥᓂᓱᐅᒡ ᒋᑦ ᐊᑐᔅᒐᐅᓇ᙮
14ᒥᔅᑯᓯᔭ ᓂᑕᐅᒋᑎᒧᐛᐤ ᐅᐧᑲᓇ,
ᑭᔭ ᓂᑕᐅᒋᑕᑭᓂᓴ ᒐ ᐊᐱᒋᑕᔨᒋ ᐃᔪᐛ:
ᒐᒋ ᓂᑕᐅᒋᑕᔨᒋ ᒥᒋᒥᔪᐤ ᐊᔅᒋᒡ᙮
15ᑭᔭ ᓱᒥᓇᐳᔪᐤ ᑲ ᓯᒋᔭᐃᑕᔅᑲᑯᑦ ᐃᔪᐤ;
ᑭᔭ ᐱᒥᔪᐤ ᑲ ᐛᓯᒂᔅᑲᑯᑦ,
ᑭᔭ ᐸᒂᓯᑭᓇ ᑲ ᒥᔅᑯᐅᑕᐊᔅᑲᑯᑦ ᐃᔪᐤ᙮
16ᐅᒥᔅᑎᑯᒪ ᑎᐸᔨᒋᒐᓱᐤ ᓴᑭᔅᒋᓇᐸᒋᓯᔨᐛ ᐊᐱᑯᓂᔨᒡ:
ᒪᔅᒋᔅᑲᑎᒂ ᓚᐸᓇᓂᒡ ᑲᒋ ᓂᑕᐅᒋᐊᑦ;
17ᐊᓐᑕ ᐱᔭᓱᐅᒡ ᑲ ᐃᓯ ᐛᒋᔅᑐᓂᐧᑲᓱᒡ:
ᐎᔾ ᒪᒃ ᑲᒋᓄᑯᑕᑦ ᐱᔭᓱᐤ ᐅᔅᒋᔅᑲᑎᒂ ᐊᔪᐅᒄ ᐎᒡ᙮
18ᑲ ᐃᔅᐸᑎᓇᔨᒋ ᐱᔅᑯᑎᓇᐛ ᐊᐅᑯᓂ ᐅᓇᑕᓯᒧᐅᓄᐛᐛ ᑲ ᐅᑦ ᐊᔅᑭᓂᓯᒡ ᑲ ᐊᐱᓯᓯᒡ ᐊᐛᓯᓯᒡ,
ᑭᔭ ᒋᔅᑕᐱᔎ ᐎᔨᐛᐤ ᐎᓂᔅᑯᒡ᙮
19ᒋ ᐅᔭᒋᒪᐤ ᑎᐱᔅᑲᐤ ᐱᓯᒺ ᓇᓇᐧᑯ ᐊ ᐊᔨᔅᐱᑕᔪᔨᒡ;
ᒋᓯᑲᐤ ᐱᓯᒻ ᒋᔅᒐᔨᑎᒻ ᒐ ᐃᔅᐱ ᐸᒋᓯᒧᑦ᙮
20ᒋ ᐅᓯᑕᓐ ᑎᐱᔅᑲᐅᓐ, ᑎᐱᔅᑲᐤ ᒪᒃ:
ᐃᔅᐱ ᒥᓯᐛ ᐊᐛᓯᓯᒡ ᓄᒋᒥᒡ ᑲ ᐃᓯ ᐎᐎᑕᒋᒧᒡ᙮
21ᒥᓯᐱᓯᓯᒡ ᐎᔪᐛᒡ ᐊ ᐎ ᒥᒋᓱᒡ,
ᑭᔭ ᐅᒥᒋᒥᒧᐛᐤ ᐱᑯᓴᔨᑎᒧᐛᐅᒡ ᒋᓴᒪᓂᑐᐛ᙮
22ᐱᓯᒻ ᓴᑲᔅᑐᐛᐤ; ᒪᒧᐤ ᒪᐅᒋᐃᑐᐅᒡ,
ᓇᐃᓯᓄᐅᒡ ᒪᒃ ᐅᐛᑎᑯᐛᒡ᙮
23ᐃᔪᐤ ᓇᑎᒻ ᐅᑦ ᐊᑐᔅᒐᐅᓐ,
ᑭᔭ ᐅᑦ ᐊᐸᑎᓯᐅᓐ ᐃᔅᐱᔅ ᐊᑎ ᐅᑕᑯᓯᔨᒋ᙮
Psalm 104:24-34, 35b (Pentecost Year A, B, C)
24ᐅ ᑎᐸᔨᒋᒐᔨᓐ ᑕᑈ ᒥᒐᓇ ᒋᑦ ᐊᑐᔅᒐᐅᓇ !
ᑭᒐᑕᐛᔨᑎᒧᐅᓂᒡ ᒥᓯᐛ ᔅᒋ ᐅᓯᑕᓐ:
ᐊᔅᒋᔾ ᓴᑭᔅᒋᓇᐤ ᒋᐛᔪᑎᓯᐅᓇ ᐅᒡ᙮
25ᒧᔭᒻ ᑭᔭ ᐅ ᑲᒥᓴᒡ ᑭᔭ ᑲ ᐃᔨᑭᔅᑲᒡ ᐎᓂᐸᒄ,
ᐊᓐᑕ ᑲ ᑕᒡ ᑲ ᐱᐸᒥᑕᒋᒧᒡ, ᒐ ᐊᑲ ᒋ ᐊᒋᒪᑭᓄᐎᒡ,
ᐊ ᐃᔭᐱᓯᓯᒡ, ᑭᔭ ᐊ ᒪᒥᓯᑎᒡ ᐊᐛᓐᒋ᙮
26ᐊᑯᑕ ᐊᔅᐱᔨᒋ ᑲ ᐱᒪᔅᑎᒋ ᐅᐤᑕ;
ᐊᑯᑕ ᑭᔭ ᐊ ᑕᑦ ᓚᐸᐃᔭᑕᓐ ᑲ ᐅᓯᐊᑦ ᐊᓐᑕ ᒐᒋ ᒪᑐᐛᑦ᙮
27ᒥᓯᐛ ᐅᒋ ᒋ ᐱᑯᓴᔨᒥᑯᒡ;
ᒐᒋ ᒥᔨᑥᐤ ᐅᒥᒋᒧᐛᐤ ᐛᑎᒋᐱᔨᒋ᙮
28ᒪᐅᒋᑕᐅᒡ ᑲ ᐃᓯ ᒥᔨᑥᐤ:
ᒋ ᓴᑐᐱᔨᑕᓐ ᔅᑎᒋᔾ, ᓴᑭᔅᒋᓇᔅᑲᑯᐅᒡ ᑲ ᒥᔽᓯᔨᒡ᙮
29ᒋ ᑲᓱᓐ, ᒥᑯᔅᑲᑎᓯᐅᒡ,
ᒋ ᐅᑎᓇᒺᓐ ᐅᔭᔭᐅᓄᐛᐤ, ᓂᐳᐅᒡ,
ᑭᔭ ᐅᑦ ᐊᓯᔅᒋᐅᓄᐛᒡ ᐃᓯ ᒋᐛᐅᒡ᙮
30ᒋ ᒋᑎᓴᐛᐤ ᒋᑦ ᐊᒐᐧᒄ, ᐅᓯᐊᑭᓄᐎᒡ;
ᒋᑦ ᐅᔅᒋᓇᑯᑕᓐ ᒪᒃ ᐊᔅᒋᔾ᙮
31ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ ᑲᒋᒡ ᒋᑭ ᑎᒂᓂᔪᐤ:
ᑎᐸᔨᒋᒐᓱᐤ ᒋᑭ ᒥᔽᔨᑎᒻ ᐅᑦ ᐊᑐᔅᒐᐅᓂᒡ ᐅᒋ᙮
32ᑭᓄᐛᐸᑎᒻ ᐊᔅᒋᔪᐤ, ᐊᑯ ᓂᔭᓇᒥᐱᔨᒡ,
ᑕᒋᓂᒻ ᐱᔅᑯᑎᓇᐛ, ᐊᑯ ᐸᐳᑕᐱᔨᒋ᙮
33ᓂᑭ ᓂᑭᒧᔅᑐᐛᐤ ᑎᐸᔨᒋᒐᓱᐤ ᒥᒄ ᒐ ᐃᔅᐱᔅ ᐱᒪᑎᓯᔭᓐ:
ᐊ ᓂᑭᒧᔭᓐ ᓂᑭ ᒪᒥᒋᒪᐤ ᓂᒋᓴᒪᓂᑐᒻ ᒪᒂᒡ ᐊ ᑕᔭᓐ᙮
34ᒋᑭ ᐎᐧᑭᓐ ᐊ ᒪᒥᑐᓇᔨᒥᒃ:
ᓂᑭ ᓯᒋᔭᓯᓐ ᑎᐸᔨᒋᒐᓱᐤ ᐅᒋ᙮
35ᐊᑯᔅ ᐅᒥᒋᑥᐅᒡ ᒋᑭ ᓂᓱᐅᓇᑎᓯᐅᒡ ᐊᔅᒋᒡ ᐅᒡ,
ᑭᔭ ᑲ ᒥᒋᑐᑎᒥᔨᒋ ᒋᑭ ᐳᓂᑕᐅᒡ᙮
ᒪᒥᒋᒻ ᑎᐸᔨᒋᒐᓱᐤ ᐅ ᓂᑦ ᐊᒐᐧᒄ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Terpilih Sekarang Ini:
ᑎᐱᑦ ᐅᓂᑭᒧᐅᓇ 104: ᓇᔅᑲᐱ
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑎᐱᑦ ᐅᓂᑭᒧᐅᓇ 104
104
1ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ !
ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᓇᔅᒡ ᒋ ᒋᔅᑎᓯᓐ:
ᒋ ᒋᔅᑲᓐ ᒋᔅᑕᔨᑕᑯᓱᐅᓐ ᑭᔭ ᒋᓴᐅᒋᒪᐛᔨᑕᑯᓯᐅᓐ᙮
2ᑲ ᐊᒂᓇᐅᓱᔨᓐ ᐛᓴᔭᐅᓐ ᐅᒋ ᒧᔭᒻ ᐊᐱᒋᑕᐅᓐ:
ᑲ ᐅᐛᔨᑯᑕᔨᓐ ᒋᓯᒂ ᒧᔭᒻ ᐊᑯᐛᑲᐃᑭᓐ:
3ᓂᐱᒡ ᑲ ᐱᒪᔅᑯᐊᑦ ᐅᑕᑕᐃᑭᓇ ᒐ ᐎᒋᑦ:
ᑲ ᐅᑎᑎᐱᑕᐸᓇᔅᑯᑦ ᑭᔅᑯᐅᓇ:
ᑲ ᐱᒧᑕᑦ ᐊ ᐅᑎᑎᐧᑯᓄᐎᔨᒡ ᐊ ᔪᑎᓂᔨᒡ:
4ᑲ ᐊᒐᐧᑯᐎᐊᑦ ᐅᑦ ᐊᓐᒋᓂᒪ;
ᐅᑦ ᐊᔭᒥᐊᐅ ᐊᑐᔅᒐᔭᑭᓇ ᐊ ᐛᔭᑕᔨᒡ ᐃᔅᑯᑕᔪᐤ᙮
5ᑲ ᐊᔨᑎᔅᑕᑦ ᐊᔅᒋᔪᐤ,
ᒐ ᐊᑲ ᓂᑕ ᐊᒋᐱᔨᒡ᙮
6ᔅᒋ ᐊᒂᓇᐊᓐ ᐊ ᒋᔅᑲᔨᐛᒡ ᒧᔭᒻ ᐊᐱᒋᑕᐅᓐ:
ᓂᐱᔭ ᒋ ᐊᔅᑕᐛ ᑕᐧᑯᒡ ᐱᔅᑯᑎᓇᐛ᙮
7ᐊ ᒋᔅᑐᑎᒥᓐ ᒋᒋᑎᓯᒧᒥᑭᓇ;
ᐊ ᐸᑕᑯᓯᒡ ᒋᑦ ᓂᒥᔅᒋᒥᒡ ᒋ ᐛᐸᐱᔪᐛ᙮
8ᓴᑭᒋᐛᐱᔨᐛ ᐱᔅᑯᑎᓇᒡ,
ᓂᑎᒋᐛᐱᔨᐛ ᐊᓐᑕ ᐱᓯᑎᓇᒡ,
ᐊᓐᑕ ᑲ ᐅᓯᑕᔨᓐ ᒐᒋ ᐊᔅᑕᒡ᙮
9ᔅᒋ ᐎᔨᔅᑕᓐ ᒐ ᐊᑲ ᐸᔅᑎᐸᒡ;
ᒐ ᐊᑲ ᒋ ᒋᐛᐱᔨᒡ ᒐᒋ ᐅᒡ ᐊᒂᓇᐊᒧᒥᑲᒡ ᐊᔅᒋᔾ᙮
10ᐃᑎᓴᐊᒻ ᒧᔅᒋᐅᓂᐸᒂ ᐊ ᐱᓴᔨᒡ,
ᑲ ᐱᒥᐱᔨᒡ ᐱᔅᑯᑎᓇᔨᒡ᙮
11ᒥᓇᐃᑯᐅᒡ ᒥᓯᐛ ᐊᐛᓯᓯᒡ ᐊᔅᒋᒡ:
ᐸᒂᒋ ᑲᓂᐧᑲᑎᓯᒡ ᑲᐸᐃᑭᔎᐅᒡ ᐊᑯᑕ ᒪᓂᒡ᙮
12ᒥᒋᒪ ᐅᑕ ᐊᑯᑕ ᒐ ᐎᒋᒡ ᒋᓯᑯᒡ ᐱᔭᓱᐅᒡ,
ᑲ ᓂᑭᒧᒡ ᐊ ᐅᑎᐧᑯᓄᐎᒡ᙮
13ᓱᒋᔅᑕᐤ ᐱᔅᑯᑎᓇᐛ ᐅᑲᐱᔅᒋᒐᔭᒥᒡ ᐅᒡ᙮
ᐊᔅᒋᒡ ᓴᑭᔅᒋᓇᐤ ᐊ ᐃᓯ ᒥᓂᓱᐅᒡ ᒋᑦ ᐊᑐᔅᒐᐅᓇ᙮
14ᒥᔅᑯᓯᔭ ᓂᑕᐅᒋᑎᒧᐛᐤ ᐅᐧᑲᓇ,
ᑭᔭ ᓂᑕᐅᒋᑕᑭᓂᓴ ᒐ ᐊᐱᒋᑕᔨᒋ ᐃᔪᐛ:
ᒐᒋ ᓂᑕᐅᒋᑕᔨᒋ ᒥᒋᒥᔪᐤ ᐊᔅᒋᒡ᙮
15ᑭᔭ ᓱᒥᓇᐳᔪᐤ ᑲ ᓯᒋᔭᐃᑕᔅᑲᑯᑦ ᐃᔪᐤ;
ᑭᔭ ᐱᒥᔪᐤ ᑲ ᐛᓯᒂᔅᑲᑯᑦ,
ᑭᔭ ᐸᒂᓯᑭᓇ ᑲ ᒥᔅᑯᐅᑕᐊᔅᑲᑯᑦ ᐃᔪᐤ᙮
16ᐅᒥᔅᑎᑯᒪ ᑎᐸᔨᒋᒐᓱᐤ ᓴᑭᔅᒋᓇᐸᒋᓯᔨᐛ ᐊᐱᑯᓂᔨᒡ:
ᒪᔅᒋᔅᑲᑎᒂ ᓚᐸᓇᓂᒡ ᑲᒋ ᓂᑕᐅᒋᐊᑦ;
17ᐊᓐᑕ ᐱᔭᓱᐅᒡ ᑲ ᐃᓯ ᐛᒋᔅᑐᓂᐧᑲᓱᒡ:
ᐎᔾ ᒪᒃ ᑲᒋᓄᑯᑕᑦ ᐱᔭᓱᐤ ᐅᔅᒋᔅᑲᑎᒂ ᐊᔪᐅᒄ ᐎᒡ᙮
18ᑲ ᐃᔅᐸᑎᓇᔨᒋ ᐱᔅᑯᑎᓇᐛ ᐊᐅᑯᓂ ᐅᓇᑕᓯᒧᐅᓄᐛᐛ ᑲ ᐅᑦ ᐊᔅᑭᓂᓯᒡ ᑲ ᐊᐱᓯᓯᒡ ᐊᐛᓯᓯᒡ,
ᑭᔭ ᒋᔅᑕᐱᔎ ᐎᔨᐛᐤ ᐎᓂᔅᑯᒡ᙮
19ᒋ ᐅᔭᒋᒪᐤ ᑎᐱᔅᑲᐤ ᐱᓯᒺ ᓇᓇᐧᑯ ᐊ ᐊᔨᔅᐱᑕᔪᔨᒡ;
ᒋᓯᑲᐤ ᐱᓯᒻ ᒋᔅᒐᔨᑎᒻ ᒐ ᐃᔅᐱ ᐸᒋᓯᒧᑦ᙮
20ᒋ ᐅᓯᑕᓐ ᑎᐱᔅᑲᐅᓐ, ᑎᐱᔅᑲᐤ ᒪᒃ:
ᐃᔅᐱ ᒥᓯᐛ ᐊᐛᓯᓯᒡ ᓄᒋᒥᒡ ᑲ ᐃᓯ ᐎᐎᑕᒋᒧᒡ᙮
21ᒥᓯᐱᓯᓯᒡ ᐎᔪᐛᒡ ᐊ ᐎ ᒥᒋᓱᒡ,
ᑭᔭ ᐅᒥᒋᒥᒧᐛᐤ ᐱᑯᓴᔨᑎᒧᐛᐅᒡ ᒋᓴᒪᓂᑐᐛ᙮
22ᐱᓯᒻ ᓴᑲᔅᑐᐛᐤ; ᒪᒧᐤ ᒪᐅᒋᐃᑐᐅᒡ,
ᓇᐃᓯᓄᐅᒡ ᒪᒃ ᐅᐛᑎᑯᐛᒡ᙮
23ᐃᔪᐤ ᓇᑎᒻ ᐅᑦ ᐊᑐᔅᒐᐅᓐ,
ᑭᔭ ᐅᑦ ᐊᐸᑎᓯᐅᓐ ᐃᔅᐱᔅ ᐊᑎ ᐅᑕᑯᓯᔨᒋ᙮
Psalm 104:24-34, 35b (Pentecost Year A, B, C)
24ᐅ ᑎᐸᔨᒋᒐᔨᓐ ᑕᑈ ᒥᒐᓇ ᒋᑦ ᐊᑐᔅᒐᐅᓇ !
ᑭᒐᑕᐛᔨᑎᒧᐅᓂᒡ ᒥᓯᐛ ᔅᒋ ᐅᓯᑕᓐ:
ᐊᔅᒋᔾ ᓴᑭᔅᒋᓇᐤ ᒋᐛᔪᑎᓯᐅᓇ ᐅᒡ᙮
25ᒧᔭᒻ ᑭᔭ ᐅ ᑲᒥᓴᒡ ᑭᔭ ᑲ ᐃᔨᑭᔅᑲᒡ ᐎᓂᐸᒄ,
ᐊᓐᑕ ᑲ ᑕᒡ ᑲ ᐱᐸᒥᑕᒋᒧᒡ, ᒐ ᐊᑲ ᒋ ᐊᒋᒪᑭᓄᐎᒡ,
ᐊ ᐃᔭᐱᓯᓯᒡ, ᑭᔭ ᐊ ᒪᒥᓯᑎᒡ ᐊᐛᓐᒋ᙮
26ᐊᑯᑕ ᐊᔅᐱᔨᒋ ᑲ ᐱᒪᔅᑎᒋ ᐅᐤᑕ;
ᐊᑯᑕ ᑭᔭ ᐊ ᑕᑦ ᓚᐸᐃᔭᑕᓐ ᑲ ᐅᓯᐊᑦ ᐊᓐᑕ ᒐᒋ ᒪᑐᐛᑦ᙮
27ᒥᓯᐛ ᐅᒋ ᒋ ᐱᑯᓴᔨᒥᑯᒡ;
ᒐᒋ ᒥᔨᑥᐤ ᐅᒥᒋᒧᐛᐤ ᐛᑎᒋᐱᔨᒋ᙮
28ᒪᐅᒋᑕᐅᒡ ᑲ ᐃᓯ ᒥᔨᑥᐤ:
ᒋ ᓴᑐᐱᔨᑕᓐ ᔅᑎᒋᔾ, ᓴᑭᔅᒋᓇᔅᑲᑯᐅᒡ ᑲ ᒥᔽᓯᔨᒡ᙮
29ᒋ ᑲᓱᓐ, ᒥᑯᔅᑲᑎᓯᐅᒡ,
ᒋ ᐅᑎᓇᒺᓐ ᐅᔭᔭᐅᓄᐛᐤ, ᓂᐳᐅᒡ,
ᑭᔭ ᐅᑦ ᐊᓯᔅᒋᐅᓄᐛᒡ ᐃᓯ ᒋᐛᐅᒡ᙮
30ᒋ ᒋᑎᓴᐛᐤ ᒋᑦ ᐊᒐᐧᒄ, ᐅᓯᐊᑭᓄᐎᒡ;
ᒋᑦ ᐅᔅᒋᓇᑯᑕᓐ ᒪᒃ ᐊᔅᒋᔾ᙮
31ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ ᑲᒋᒡ ᒋᑭ ᑎᒂᓂᔪᐤ:
ᑎᐸᔨᒋᒐᓱᐤ ᒋᑭ ᒥᔽᔨᑎᒻ ᐅᑦ ᐊᑐᔅᒐᐅᓂᒡ ᐅᒋ᙮
32ᑭᓄᐛᐸᑎᒻ ᐊᔅᒋᔪᐤ, ᐊᑯ ᓂᔭᓇᒥᐱᔨᒡ,
ᑕᒋᓂᒻ ᐱᔅᑯᑎᓇᐛ, ᐊᑯ ᐸᐳᑕᐱᔨᒋ᙮
33ᓂᑭ ᓂᑭᒧᔅᑐᐛᐤ ᑎᐸᔨᒋᒐᓱᐤ ᒥᒄ ᒐ ᐃᔅᐱᔅ ᐱᒪᑎᓯᔭᓐ:
ᐊ ᓂᑭᒧᔭᓐ ᓂᑭ ᒪᒥᒋᒪᐤ ᓂᒋᓴᒪᓂᑐᒻ ᒪᒂᒡ ᐊ ᑕᔭᓐ᙮
34ᒋᑭ ᐎᐧᑭᓐ ᐊ ᒪᒥᑐᓇᔨᒥᒃ:
ᓂᑭ ᓯᒋᔭᓯᓐ ᑎᐸᔨᒋᒐᓱᐤ ᐅᒋ᙮
35ᐊᑯᔅ ᐅᒥᒋᑥᐅᒡ ᒋᑭ ᓂᓱᐅᓇᑎᓯᐅᒡ ᐊᔅᒋᒡ ᐅᒡ,
ᑭᔭ ᑲ ᒥᒋᑐᑎᒥᔨᒋ ᒋᑭ ᐳᓂᑕᐅᒡ᙮
ᒪᒥᒋᒻ ᑎᐸᔨᒋᒐᓱᐤ ᐅ ᓂᑦ ᐊᒐᐧᒄ᙮
ᒪᒥᒋᒥᐧᒄ ᑎᐸᔨᒋᒐᓱᐤ !
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada