Apocalipsis 7:15-16

Jalla niz̈tiquiztan tinacaqui Yooz mantiz puestu yujcquiz z̈ejlc̈ha. Tinacac̈ha majiñami weenami Yooz kjuyquiz sirwiñinacaqui. Niz̈aza nii chawc mantiz puestuquiz julzñiqui tinaca cwitaquic̈ha. Niiz̈tan tinacz̈tan watay wata chica z̈elaquic̈ha. Tinacaqui ana iya c̈hjeri eecskataquic̈ha, niz̈aza anaz̈ iya kjaz kjara pasnaquic̈ha. Niz̈aza sii kjakimi ana tinaca laacjiskataquic̈ha, niz̈aza c̈hjul kjakimi.