Apocalipsis 11:4-5

Pizc olivo cjita muntinacami, niz̈aza pizc cantilirunacami tii yok mantiñi Yooz yujcquiz z̈ejlc̈ha. Jalla nii muntinacami, niz̈aza cantilirunacami pucultan tisticu cjic̈ha. Jakziltat Yooz taku paljayñi z̈oñinacz̈quiz sufriskatz yanznac̈haja, jalla niiqui contaz̈ cjequic̈ha. Nii pucultan tisticunacz̈ atquiztan asñi uj ulnaquic̈ha ninacz̈ quintra z̈oñinaca liwj ujzjapa. Nekztan ninacz̈quiz sufriskatz pecñinacaqui contaz̈ cjequic̈ha.