Ляхнар 15
15
Ерусалимдиъ уч хьуб
1СабцӀиб вахтналан Антиохияйиз Ягьудияйиан гьапӀрудар-вуш гъафи адмийири гъардшариз кӀуйи: «Эгер учву Мусайин аьдатниинди суннат дарапӀиш, уьрхюз хьибдарчвухьан». 2Павелна Варнав дурарихъди рази гъахьундар, ва мидин кӀуллан дурарин арайиъ ярхи гьюжат абхъру. Гьадмуган Павелна Варнав ва сакьюдар жарадар му месэла бадали Ерусалимдиз вакиларихьна ва хъугънайидарин аьхюдарихьна гьаъру.
3Гьамци хъугънайидари дурар рякъюъ аънийи. Финикияйианна Самарияйиантина гъягъюрайиган, дурари, фици жугьуд дарудар хъугъувалихъна гъафнуш, ктитури гъахьну, ва мидʼин гъардшар шад шуйи. 4Ерусалимдиз хъуркьиган, дурар хъугънайидарин аьхюдари шадвалиинди кьабул апӀуру. Павелина Варнавди Аллагьди чпиинди гъапӀдарикан варибдикан ктибтуру. 5Фарисйирин тереф дибиснайи сакьюдар хъугънайидари гъудужвну кӀуру:
– Жугьуд дарударин суннат апӀуб лазим ву ва дурариз Мусайин Къанун уьбхюз табшурмиш дапӀну ккунду.
6Вакиларна хъугънайидарин аьхюдар му месэла гьял апӀбан бадали уч шулу. 7Гизаф улхбалан кьяляхъ Петр гъудужвну кӀуру:
– Гъардшар! Учвуз аьгъячвузки, Аллагьди сифте кӀулʼан ухькан узу ктагъну ва жугьуд дарудариз йиз мелзналантина Ужувлан хабар ебхьруси ва хъугъвалихъна гъюруси гъапӀну. 8Инсанарин юкӀвар аьгъю Аллагьди, дурариз ухьузси Гирами Рюгь багъиш дапӀну, дурар кьабул апӀувал улупну. 9Дугъу, хъугъувалиинди дурарин юкӀвар марцц дапӀну, ихьна дурарин арайиъ саб фаркьвалла гъибтундар. 10Гьаци вуйиган, Исайин ученикариин я ухьхьан, я ихь абйирихьан гъабхуз дарши гъагъ иливури, гьаз учву Аллагь ахтармиш апӀурачва? 11Хъа Агъа Исайин ужувлиинди гьадрарси ухьура уьрхрувалихъ хъугъурхьа.
12Уч духьнайидар вари ккебехъуру. Варнавдина Павели чпилантина Аллагьди жугьуд дарударин арайиъ улупу аьламатариканна аьжайиб лишнарикан ктитуру ва ккебехънайидар хъебехъури гъузру. 13Дурарин улхуб ккудубкӀиган, Якьуб улхуз хъюгъру:
– Гъардшар, узухъ хъебехъай!
14Сифтейиан жугьуд дарудар чан халкь вуди кьабул дапӀну, Аллагьди дурариз фици ужʼвал гъапӀнуш, Симонди ухьуз ктибтунхьуз.
15Гьамдихъди пайгъамбрарин гафарра, дидикӀнайиси, дюзди гъюра:
16-18«Агъайи, гьаму арайиз
Хурайири кӀура:
„Хъасин Узу хътакидиза,
ва ккадабхънайи Давудгъярин хал,
дидин харабйир за дапӀну, цӀийи алаъну,
жугьуд дарударра кади,
Йиз ччвурнахъ хъугърайидарси вари инсаният
Агъайихьна гъюз
гьялак хьпан бадали,
тазатӀан арайиз хибдиза“.
Дюнʼя ккебгъхъанмина
му аьгъюб вуйи».
19Гьаддиз узу Аллагьдихьинди илдицу жугьуд дарудариин ухьу читинвалар илилирчуб лазим вуди гьисаб апӀураза. 20Ухьу дурариз, идолариз гъурбан дапӀнайи хураг мипӀанай, кьяппавалар мапӀанай, бугъмиш дубхьну гъабчӀибдин йикк мипӀанай ва ифи мубхъанай кӀури, кагъаз дибикӀну ккунду. 21Фицики дегьзаманайин насларихъанмина гьарсаб шагьриъ Мусайин къанундикан улупрудар ва гьар султ йигъан мистариъ Къанун урхури шлу адмийир а.
Вакиларин кагъаз
22Хъасин вакиларина аьхюдари, вари хъугънайидарихъди мясляаьт дапӀну, чпин арайиан саршвнур гъардаш кадагъну, дурар Павелихъдина Варнавдихъди Антиохияйиз гьауб кьатӀъ апӀуру. Дурари гъардшарин арайиъ гьюрмат айи Сила ва Варсава кӀуру Ягьуда ктагъуру, 23ва дурарихьди гьамциб кагъаз хътапӀуру:
– Вакиларина хъугънайидарин аьхюдари, ичв гъардшари Антиохияйиъ, Сирияйиъ ва Киликияйиъ айи жугьуд дару гъардшариз саламар гьаъра. 24Ич арайиан гъушу бязидари, ич терефнаан чпиз гьич саб табшурмиш апӀувалра адарди, учвухьна дуфну, чпин гафариинди ичв арайиъ гъалабулугъ ипбакан хабрар деерхьначуз.
25Учу варидарин разивалиинди сакьюр кас кадагъну, ич юкӀв али Варнавдихъдина Павелихъди учвухьна гьауз кьатӀъ гъапӀунча. 26Му касари ихь Агъа Месигь Исайин ччвурнахъ чпин уьмур гьяйиф гъапӀундар. 27Гьацира учвухьна Ягьудана Сила гьаърача, дурари учвуз учу гъибикӀуб гафарииндира пиди. 28Фицики Гирами Рюгьназ ва учуз учву вартӀан метлеблу саб ляхнихъантӀан хътауз ккунди адарчуз: 29идолариз гъурбан дапӀнайи хураг мипӀанай, ифи мубхъанай, кьяппавалар мапӀанай, бугъмиш дапӀну гъабчӀибдин йикк мипӀанай. Гьамрар вари тамам апӀури гъашиш, ужу хьибдичвуз. Сарун сагъ-саламатди гъузай.
Гьаънайидар Антиохияйиъ
30Гьамци гьау вакилари, Антиохияйиз дуфну, хъугънайидар уч дапӀну, дурарихьна кагъаз тувру. 31Дурари му кагъаз урхуру ва кюмекнан хабриин шад шулу. 32Ягьудана Сила, чпи пайгъамбрарра вуди хьпаз дилигну, хъугъувалиин ижми хьуз дурариз кюмек апӀури, дурарин улихь кьаназ гъулхнийи. 33Душваъ сацӀиб гъузхъан, Ягьудайизна Силайиз ягъурлувал ккун дапӀну, дурар гьаъдарихьна кьяляхъ гъягъюз гъитру. [34]#15:34 Грекарин саспи БикӀбариъ дибикӀна: «Хъа Силайи гьадушваъ гъузуз кьаст апӀуру».
35Хъа Павелна Варнав Антиохияйиъ гъузру. Гизаф жарадарихъди дурари, душваъ аьгъювалар улупури, Агъайин гафнан Ужувлан хабар рабгъуру.
Павелна Варнав жара хьуб
36СацӀиб вахтналан Павели Варнавдиз кӀуру:
– Гъач хъана ухьу, Агъайин Гаф гъарабгъу гьарсаб шагьриъ айи ихь гъардшариин улуркьну, дурар фици яшамиш шулаш, лигухьа.
37Варнавдиз Марк кӀуру Югьанра чахъди гъадагъуз ккун шулу. 38Амма Павели, Памфилияйиъ чпихъан хътаку ва аьхиризкьан чпин ляхниъ иштирак дарши Марк кӀуру Югьан хъади дурушиш ужу шул, пну, фикир апӀуру.
39Гьамци дурарин арайиъ гьюжат абхъру ва гьаци Павелна Варнав чиб-чпихьан жара шулу. Варнавди, Маркра гъадагъну, Киприз сирнав апӀуру. 40Павели, кӀуруш, Сила ктагъуру. Гъардшари думу, Агъайиина аманат дапӀну, рякъюъ тӀаъру. 41Думу, гъардшарин хъугъувал мюгькам апӀури, Сирияйиъ ва Киликияйиъ лицури гъахьну.
Terpilih Sekarang Ini:
Ляхнар 15: ТабГК
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023
Ляхнар 15
15
Ерусалимдиъ уч хьуб
1СабцӀиб вахтналан Антиохияйиз Ягьудияйиан гьапӀрудар-вуш гъафи адмийири гъардшариз кӀуйи: «Эгер учву Мусайин аьдатниинди суннат дарапӀиш, уьрхюз хьибдарчвухьан». 2Павелна Варнав дурарихъди рази гъахьундар, ва мидин кӀуллан дурарин арайиъ ярхи гьюжат абхъру. Гьадмуган Павелна Варнав ва сакьюдар жарадар му месэла бадали Ерусалимдиз вакиларихьна ва хъугънайидарин аьхюдарихьна гьаъру.
3Гьамци хъугънайидари дурар рякъюъ аънийи. Финикияйианна Самарияйиантина гъягъюрайиган, дурари, фици жугьуд дарудар хъугъувалихъна гъафнуш, ктитури гъахьну, ва мидʼин гъардшар шад шуйи. 4Ерусалимдиз хъуркьиган, дурар хъугънайидарин аьхюдари шадвалиинди кьабул апӀуру. Павелина Варнавди Аллагьди чпиинди гъапӀдарикан варибдикан ктибтуру. 5Фарисйирин тереф дибиснайи сакьюдар хъугънайидари гъудужвну кӀуру:
– Жугьуд дарударин суннат апӀуб лазим ву ва дурариз Мусайин Къанун уьбхюз табшурмиш дапӀну ккунду.
6Вакиларна хъугънайидарин аьхюдар му месэла гьял апӀбан бадали уч шулу. 7Гизаф улхбалан кьяляхъ Петр гъудужвну кӀуру:
– Гъардшар! Учвуз аьгъячвузки, Аллагьди сифте кӀулʼан ухькан узу ктагъну ва жугьуд дарудариз йиз мелзналантина Ужувлан хабар ебхьруси ва хъугъвалихъна гъюруси гъапӀну. 8Инсанарин юкӀвар аьгъю Аллагьди, дурариз ухьузси Гирами Рюгь багъиш дапӀну, дурар кьабул апӀувал улупну. 9Дугъу, хъугъувалиинди дурарин юкӀвар марцц дапӀну, ихьна дурарин арайиъ саб фаркьвалла гъибтундар. 10Гьаци вуйиган, Исайин ученикариин я ухьхьан, я ихь абйирихьан гъабхуз дарши гъагъ иливури, гьаз учву Аллагь ахтармиш апӀурачва? 11Хъа Агъа Исайин ужувлиинди гьадрарси ухьура уьрхрувалихъ хъугъурхьа.
12Уч духьнайидар вари ккебехъуру. Варнавдина Павели чпилантина Аллагьди жугьуд дарударин арайиъ улупу аьламатариканна аьжайиб лишнарикан ктитуру ва ккебехънайидар хъебехъури гъузру. 13Дурарин улхуб ккудубкӀиган, Якьуб улхуз хъюгъру:
– Гъардшар, узухъ хъебехъай!
14Сифтейиан жугьуд дарудар чан халкь вуди кьабул дапӀну, Аллагьди дурариз фици ужʼвал гъапӀнуш, Симонди ухьуз ктибтунхьуз.
15Гьамдихъди пайгъамбрарин гафарра, дидикӀнайиси, дюзди гъюра:
16-18«Агъайи, гьаму арайиз
Хурайири кӀура:
„Хъасин Узу хътакидиза,
ва ккадабхънайи Давудгъярин хал,
дидин харабйир за дапӀну, цӀийи алаъну,
жугьуд дарударра кади,
Йиз ччвурнахъ хъугърайидарси вари инсаният
Агъайихьна гъюз
гьялак хьпан бадали,
тазатӀан арайиз хибдиза“.
Дюнʼя ккебгъхъанмина
му аьгъюб вуйи».
19Гьаддиз узу Аллагьдихьинди илдицу жугьуд дарудариин ухьу читинвалар илилирчуб лазим вуди гьисаб апӀураза. 20Ухьу дурариз, идолариз гъурбан дапӀнайи хураг мипӀанай, кьяппавалар мапӀанай, бугъмиш дубхьну гъабчӀибдин йикк мипӀанай ва ифи мубхъанай кӀури, кагъаз дибикӀну ккунду. 21Фицики дегьзаманайин насларихъанмина гьарсаб шагьриъ Мусайин къанундикан улупрудар ва гьар султ йигъан мистариъ Къанун урхури шлу адмийир а.
Вакиларин кагъаз
22Хъасин вакиларина аьхюдари, вари хъугънайидарихъди мясляаьт дапӀну, чпин арайиан саршвнур гъардаш кадагъну, дурар Павелихъдина Варнавдихъди Антиохияйиз гьауб кьатӀъ апӀуру. Дурари гъардшарин арайиъ гьюрмат айи Сила ва Варсава кӀуру Ягьуда ктагъуру, 23ва дурарихьди гьамциб кагъаз хътапӀуру:
– Вакиларина хъугънайидарин аьхюдари, ичв гъардшари Антиохияйиъ, Сирияйиъ ва Киликияйиъ айи жугьуд дару гъардшариз саламар гьаъра. 24Ич арайиан гъушу бязидари, ич терефнаан чпиз гьич саб табшурмиш апӀувалра адарди, учвухьна дуфну, чпин гафариинди ичв арайиъ гъалабулугъ ипбакан хабрар деерхьначуз.
25Учу варидарин разивалиинди сакьюр кас кадагъну, ич юкӀв али Варнавдихъдина Павелихъди учвухьна гьауз кьатӀъ гъапӀунча. 26Му касари ихь Агъа Месигь Исайин ччвурнахъ чпин уьмур гьяйиф гъапӀундар. 27Гьацира учвухьна Ягьудана Сила гьаърача, дурари учвуз учу гъибикӀуб гафарииндира пиди. 28Фицики Гирами Рюгьназ ва учуз учву вартӀан метлеблу саб ляхнихъантӀан хътауз ккунди адарчуз: 29идолариз гъурбан дапӀнайи хураг мипӀанай, ифи мубхъанай, кьяппавалар мапӀанай, бугъмиш дапӀну гъабчӀибдин йикк мипӀанай. Гьамрар вари тамам апӀури гъашиш, ужу хьибдичвуз. Сарун сагъ-саламатди гъузай.
Гьаънайидар Антиохияйиъ
30Гьамци гьау вакилари, Антиохияйиз дуфну, хъугънайидар уч дапӀну, дурарихьна кагъаз тувру. 31Дурари му кагъаз урхуру ва кюмекнан хабриин шад шулу. 32Ягьудана Сила, чпи пайгъамбрарра вуди хьпаз дилигну, хъугъувалиин ижми хьуз дурариз кюмек апӀури, дурарин улихь кьаназ гъулхнийи. 33Душваъ сацӀиб гъузхъан, Ягьудайизна Силайиз ягъурлувал ккун дапӀну, дурар гьаъдарихьна кьяляхъ гъягъюз гъитру. [34]#15:34 Грекарин саспи БикӀбариъ дибикӀна: «Хъа Силайи гьадушваъ гъузуз кьаст апӀуру».
35Хъа Павелна Варнав Антиохияйиъ гъузру. Гизаф жарадарихъди дурари, душваъ аьгъювалар улупури, Агъайин гафнан Ужувлан хабар рабгъуру.
Павелна Варнав жара хьуб
36СацӀиб вахтналан Павели Варнавдиз кӀуру:
– Гъач хъана ухьу, Агъайин Гаф гъарабгъу гьарсаб шагьриъ айи ихь гъардшариин улуркьну, дурар фици яшамиш шулаш, лигухьа.
37Варнавдиз Марк кӀуру Югьанра чахъди гъадагъуз ккун шулу. 38Амма Павели, Памфилияйиъ чпихъан хътаку ва аьхиризкьан чпин ляхниъ иштирак дарши Марк кӀуру Югьан хъади дурушиш ужу шул, пну, фикир апӀуру.
39Гьамци дурарин арайиъ гьюжат абхъру ва гьаци Павелна Варнав чиб-чпихьан жара шулу. Варнавди, Маркра гъадагъну, Киприз сирнав апӀуру. 40Павели, кӀуруш, Сила ктагъуру. Гъардшари думу, Агъайиина аманат дапӀну, рякъюъ тӀаъру. 41Думу, гъардшарин хъугъувал мюгькам апӀури, Сирияйиъ ва Киликияйиъ лицури гъахьну.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023