Паччагьлугъар-2 8
8
Давуддин гъалибвалар
1Саб кьадар вахтналан Давудди филистимар дагъитмиш гъапӀнийи, дурар мютӀюгъ гъапӀнийи ва филистимарихьан Метег-Гаама тадабгънийи.
2Гьацира Давудди муавар дагъитмиш гъапӀнийи. Дугъу дурар жилиин дахъуз гъитнийи ва тӀурнихъди гъеерцнийи. Гьарсаб кьюб тӀурниндар йивну гъакӀнийи, хъа шубубпи тӀурниндар чӀивиди гъитнийи. Муавитар Давуддиз гьаци мютӀюгъ гъахьнийи, ва дурари дугъаз харж тувуз хъюгънийи.
3Гьацира Давудди Ададезер, Рехувдин бай, Цувайин паччагь, думу Евфрат нирихъ чан гьюкум цӀийи алапӀуз гъягъюрайиган, дагъитмиш гъапнийи. 4Давудди агъзурна ургудварж атлу ва къад агъзур пияда эскер гъидиснийи. Дугъу дявдин аьрабйирикк ккайи вари гьяйвнарин ликарин къуру дамар хътатӀнийи, дурарикан анжагъ варж фургъникк ккитӀру гьяйван гъитнийи.
5Ададезериз, Цувайин паччагьдиз, кюмекназ Дамаскдин арамар гъафиган, Давудди дурарикан къанна кьюд агъзур кас талаф гъапӀнийи. 6Дугъу дамаскдин арамарин паччагьлугъдиъ чан терефнаан аьхюдар дерккнийи, ва арамар дугъаз табигъ гъахьнийи, ва арамари дугъаз харж тувуйи. РАББИЙИ Давуддиз, думу наана гъушишра, гъалибвал тувуйи. 7Давудди Ададезерин гъуллугънаъ айидарин гъизилин гъалхнар гъидиснийи ва дурар Ерусалимдиз гъахнийи. 8Хъа Ададезерин хликк кади гъахьи Тевах ва Беротай шагьрариан Давудди лапра гизаф кемшир гъибиснийи.
9Тойиз, Хаматдин паччагьдиз, Давудди Ададезерин вари кьушум дагъитмиш апӀбакан гъеебхьиган, 10дугъу Давуд паччагьдихьна чан бай Юрам дугъаз салам тувуз ва думу чав дяви гъабхури гъахьи Ададезериин гъалибвалихъди мубарак апӀуз гьаънийи. Юрамди чахьди арснан, гъизилин ва кемшрин шейʼар гъахнийи.
11Давуд паччагьди гьаму шейʼарра чав мютӀюгъ гъапӀу вари халкьарихьан – 12эдумарихьан ва муаварихьан, амалекарихьан, аммунарихьан, филистимарихьан – гъибису арснахъди ва гъизилихъди сатӀиди РАББИЙИЗ бахш гъапӀнийи. Гьацира дугъу Ададезерихьан, Цувайин паччагьдихьан, Рехувдин балхьан, гъибису хюрчра бахш гъапӀнийи.
13Давуд Кьилан дерейиъ йицӀимиржид агъзур эдумжви йивну йикӀбахъан адлу гъахьнийи. 14Дугъу вари Эдумдиъ чан терефнаан аьхюдар дерккнийи, ва вари эдумитар дугъаз табигъ гъахьнийи. РАББИЙИ Давуддиз, думу наана гъушишра, гъалибвал тувуйи.
Давуддин гъуллугънаъ айидар
15Давудди, чан вари халкьдин диван апӀури, вари Израилин дугъривалиинди паччагьвал гъапӀну. 16Юав, Церуяйин бай, кьушмин аьхюр вуйи; Югьушафат, Ахилуддин бай, тарих бикӀрур вуйи; 17Цадук, Ахитувдин бай, ва Ахимелех, Авиатарин бай, Заанурин гъуллугъчйир вуйи; Серая бикӀрур вуйи; 18Беная, Югьудайин бай, керетарин ва пелетарин#8:18 Керетар ва пелетар: му халкьарикан вуйидари паччагь уьрхюйи. Керетар Крит къураматдилан хьуз мумкин ву. кӀулʼин алийи; хъа Давуддин баяр Заанурин гъуллугъчйир вуйи.
Terpilih Sekarang Ini:
Паччагьлугъар-2 8: ТабГК
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023
Паччагьлугъар-2 8
8
Давуддин гъалибвалар
1Саб кьадар вахтналан Давудди филистимар дагъитмиш гъапӀнийи, дурар мютӀюгъ гъапӀнийи ва филистимарихьан Метег-Гаама тадабгънийи.
2Гьацира Давудди муавар дагъитмиш гъапӀнийи. Дугъу дурар жилиин дахъуз гъитнийи ва тӀурнихъди гъеерцнийи. Гьарсаб кьюб тӀурниндар йивну гъакӀнийи, хъа шубубпи тӀурниндар чӀивиди гъитнийи. Муавитар Давуддиз гьаци мютӀюгъ гъахьнийи, ва дурари дугъаз харж тувуз хъюгънийи.
3Гьацира Давудди Ададезер, Рехувдин бай, Цувайин паччагь, думу Евфрат нирихъ чан гьюкум цӀийи алапӀуз гъягъюрайиган, дагъитмиш гъапнийи. 4Давудди агъзурна ургудварж атлу ва къад агъзур пияда эскер гъидиснийи. Дугъу дявдин аьрабйирикк ккайи вари гьяйвнарин ликарин къуру дамар хътатӀнийи, дурарикан анжагъ варж фургъникк ккитӀру гьяйван гъитнийи.
5Ададезериз, Цувайин паччагьдиз, кюмекназ Дамаскдин арамар гъафиган, Давудди дурарикан къанна кьюд агъзур кас талаф гъапӀнийи. 6Дугъу дамаскдин арамарин паччагьлугъдиъ чан терефнаан аьхюдар дерккнийи, ва арамар дугъаз табигъ гъахьнийи, ва арамари дугъаз харж тувуйи. РАББИЙИ Давуддиз, думу наана гъушишра, гъалибвал тувуйи. 7Давудди Ададезерин гъуллугънаъ айидарин гъизилин гъалхнар гъидиснийи ва дурар Ерусалимдиз гъахнийи. 8Хъа Ададезерин хликк кади гъахьи Тевах ва Беротай шагьрариан Давудди лапра гизаф кемшир гъибиснийи.
9Тойиз, Хаматдин паччагьдиз, Давудди Ададезерин вари кьушум дагъитмиш апӀбакан гъеебхьиган, 10дугъу Давуд паччагьдихьна чан бай Юрам дугъаз салам тувуз ва думу чав дяви гъабхури гъахьи Ададезериин гъалибвалихъди мубарак апӀуз гьаънийи. Юрамди чахьди арснан, гъизилин ва кемшрин шейʼар гъахнийи.
11Давуд паччагьди гьаму шейʼарра чав мютӀюгъ гъапӀу вари халкьарихьан – 12эдумарихьан ва муаварихьан, амалекарихьан, аммунарихьан, филистимарихьан – гъибису арснахъди ва гъизилихъди сатӀиди РАББИЙИЗ бахш гъапӀнийи. Гьацира дугъу Ададезерихьан, Цувайин паччагьдихьан, Рехувдин балхьан, гъибису хюрчра бахш гъапӀнийи.
13Давуд Кьилан дерейиъ йицӀимиржид агъзур эдумжви йивну йикӀбахъан адлу гъахьнийи. 14Дугъу вари Эдумдиъ чан терефнаан аьхюдар дерккнийи, ва вари эдумитар дугъаз табигъ гъахьнийи. РАББИЙИ Давуддиз, думу наана гъушишра, гъалибвал тувуйи.
Давуддин гъуллугънаъ айидар
15Давудди, чан вари халкьдин диван апӀури, вари Израилин дугъривалиинди паччагьвал гъапӀну. 16Юав, Церуяйин бай, кьушмин аьхюр вуйи; Югьушафат, Ахилуддин бай, тарих бикӀрур вуйи; 17Цадук, Ахитувдин бай, ва Ахимелех, Авиатарин бай, Заанурин гъуллугъчйир вуйи; Серая бикӀрур вуйи; 18Беная, Югьудайин бай, керетарин ва пелетарин#8:18 Керетар ва пелетар: му халкьарикан вуйидари паччагь уьрхюйи. Керетар Крит къураматдилан хьуз мумкин ву. кӀулʼин алийи; хъа Давуддин баяр Заанурин гъуллугъчйир вуйи.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023