Югьандин-1 3
3
1Ихь Адашди ухьуз Чан – Аллагьдин веледар пубʼинди фукьан зурба вуйи масанвал улупнуш, учву фикир апӀинай. Ухьу гьаци хьузра вухьа! Му дюнʼяйиндари ухьу кьабул апӀурадар, гьаз гъапиш дурари Думу кьабул гъапӀундар. 2Йиз ккунидар, гьаму ражари ухьу Аллагьдин веледар вухьа, хъа гъюру вахтари ухькан фужар шулуш, сабан мялум дар. Саб аьгъяхьуз, Иса Месигь хъана жилариина гъафиган, ухьу Гьадгъаз ухшар хьидихьа, фицики Думу Учв фицир вуш, гьацирди рякъидихьуз! 3Ва шли чан миж Гьадгъак кивраш, дугъу, марцци Месигьдиз ухшар вуди, чан уьмурра марцц апӀура.
4Шли гунагь апӀураш, дугъу законсузвал апӀура, фицики гунагь – законсузвал ву. 5Учвуз аьгъюганси, Месигь инсанарин гунгьар Чаина гъадагъуз Гъафир ву. Дугъак гунагь ктар. 6Дугъахъди яшамиш шлу гьич сарира гунагь апӀидар. Хъа гунагь апӀуб давам апӀурайириз Думу я гъяркъюндар, я аьгъю гъахьундар.
7Багьалу вуйи веледар, лигайки, учву гьякь рякъхъан хътаърударин кучӀларихъ мехъебехъанай. Гьякьʼвали тӀалаб апӀурайиси апӀрур Месигьси гьякь кас ву. 8Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз. 9Аллагьдин веледар гъахьидарикан гьич сарира гунгьар давам апӀдар, гьаз гъапиш дицир касдиъ Аллагьдин тум а. Гьаддиз дицирихьан гунагь тӀулар апӀури гъузуз шулдар, гьаз гъапиш думура Аллагьдин веледарикан сар духьна. 10Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.
Сари-сар ккун апӀинай
11Магьа учвуз сифте бинайиан деебхьнайи гаф: сар-сарихьна масанди йихьай. 12Ухьу иблисдин тереф дибисну, чан чве йивну гъакӀи Каиндиз ухшар духьну ккундар. Дугъу думу гьаз гъакӀну? Гьаз гъапиш дугъан ляхнар писдар вуйи, хъа чан чвуччвун – ужудар.
13Чвйир, мюгьтал махьанай, эгер учву му дюнʼяйиз ккундарш. 14Ухьуз аьгъяхьуз ухьу аьжалнахьан гьаргандин уьмрихьна дуфнайиб, фицики ухьуз ихь гъардшар ккундухьуз. Хъа шлиз ккундарш, думу, чан дукӀнайир, дукӀну гъузди. 15Гьарсар, чан гъардаш даккнир, адми йивну гъачӀир гьисаб ву, хъа учвуз аьгъячвуз, адми йивну гъакӀириз гьаргандин уьмур даршлуб.
16Масанвал фу вуш, ухьуз, магьа, наънан аьгъяш: Месигьди ухьхъанди Чан уьмур тувну. Ухьура гьаци ихь гъардшарихъанди ихь уьмрар тувну ккунду.
17Эгер шли, девлет ади, хъа чан гъардаш аьжузди яшамиш шулайиб рябкъюри, кюмек апӀдарш, дицириъ Аллагьдин масанвал фици шул? 18Йиз веледар, ихь ккунивал садар гафарииндина улхбариинди дубхьну ккундар, хъа – ляхниинди, ва якьин вуйиб дубхьну ккунду.
19-20Ухьу гьякьвалин рякъюъ айиб гьамци аьгъю шулу: гьеле ихь намус сикинди даршра, ухьхьан Аллагьдин улихь архаинди хьуз шулухьхьан, фицики Аллагь ихь намустӀан артухъ ву ва Дугъаз вари аьгъя. 21Йиз ккунидар, эгер ихь намус сикинди вуш, ухьхьан гучӀ адарди Аллагьдиз багахь хьуз шулухьхьан. 22Гьаддиз Аллагьди, Чаз ккарагну Чакан фу тӀалаб гъапӀиш, гьадму тамам апӀурухьуз, фицики Дугъан табшуругъарихъди гъярахьа, ва Дугъаз ккуни ляхнар апӀурахьа. 23Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду. 24Шли Аллагьдин табшуругъар тамам апӀураш, гьадму кас Аллагьдиъ яшамиш шула ва гьадму касдиъ Аллагь яшамиш шула. Наънан аьгъяхъа ухьуз, ухьуъ Аллагь яшамиш шулайиб? – Дугъу ухьуз багъиш гъапӀу Рюгьналанмина аьгъяхьуз.
Terpilih Sekarang Ini:
Югьандин-1 3: ТабГК
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023
Югьандин-1 3
3
1Ихь Адашди ухьуз Чан – Аллагьдин веледар пубʼинди фукьан зурба вуйи масанвал улупнуш, учву фикир апӀинай. Ухьу гьаци хьузра вухьа! Му дюнʼяйиндари ухьу кьабул апӀурадар, гьаз гъапиш дурари Думу кьабул гъапӀундар. 2Йиз ккунидар, гьаму ражари ухьу Аллагьдин веледар вухьа, хъа гъюру вахтари ухькан фужар шулуш, сабан мялум дар. Саб аьгъяхьуз, Иса Месигь хъана жилариина гъафиган, ухьу Гьадгъаз ухшар хьидихьа, фицики Думу Учв фицир вуш, гьацирди рякъидихьуз! 3Ва шли чан миж Гьадгъак кивраш, дугъу, марцци Месигьдиз ухшар вуди, чан уьмурра марцц апӀура.
4Шли гунагь апӀураш, дугъу законсузвал апӀура, фицики гунагь – законсузвал ву. 5Учвуз аьгъюганси, Месигь инсанарин гунгьар Чаина гъадагъуз Гъафир ву. Дугъак гунагь ктар. 6Дугъахъди яшамиш шлу гьич сарира гунагь апӀидар. Хъа гунагь апӀуб давам апӀурайириз Думу я гъяркъюндар, я аьгъю гъахьундар.
7Багьалу вуйи веледар, лигайки, учву гьякь рякъхъан хътаърударин кучӀларихъ мехъебехъанай. Гьякьʼвали тӀалаб апӀурайиси апӀрур Месигьси гьякь кас ву. 8Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз. 9Аллагьдин веледар гъахьидарикан гьич сарира гунгьар давам апӀдар, гьаз гъапиш дицир касдиъ Аллагьдин тум а. Гьаддиз дицирихьан гунагь тӀулар апӀури гъузуз шулдар, гьаз гъапиш думура Аллагьдин веледарикан сар духьна. 10Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.
Сари-сар ккун апӀинай
11Магьа учвуз сифте бинайиан деебхьнайи гаф: сар-сарихьна масанди йихьай. 12Ухьу иблисдин тереф дибисну, чан чве йивну гъакӀи Каиндиз ухшар духьну ккундар. Дугъу думу гьаз гъакӀну? Гьаз гъапиш дугъан ляхнар писдар вуйи, хъа чан чвуччвун – ужудар.
13Чвйир, мюгьтал махьанай, эгер учву му дюнʼяйиз ккундарш. 14Ухьуз аьгъяхьуз ухьу аьжалнахьан гьаргандин уьмрихьна дуфнайиб, фицики ухьуз ихь гъардшар ккундухьуз. Хъа шлиз ккундарш, думу, чан дукӀнайир, дукӀну гъузди. 15Гьарсар, чан гъардаш даккнир, адми йивну гъачӀир гьисаб ву, хъа учвуз аьгъячвуз, адми йивну гъакӀириз гьаргандин уьмур даршлуб.
16Масанвал фу вуш, ухьуз, магьа, наънан аьгъяш: Месигьди ухьхъанди Чан уьмур тувну. Ухьура гьаци ихь гъардшарихъанди ихь уьмрар тувну ккунду.
17Эгер шли, девлет ади, хъа чан гъардаш аьжузди яшамиш шулайиб рябкъюри, кюмек апӀдарш, дицириъ Аллагьдин масанвал фици шул? 18Йиз веледар, ихь ккунивал садар гафарииндина улхбариинди дубхьну ккундар, хъа – ляхниинди, ва якьин вуйиб дубхьну ккунду.
19-20Ухьу гьякьвалин рякъюъ айиб гьамци аьгъю шулу: гьеле ихь намус сикинди даршра, ухьхьан Аллагьдин улихь архаинди хьуз шулухьхьан, фицики Аллагь ихь намустӀан артухъ ву ва Дугъаз вари аьгъя. 21Йиз ккунидар, эгер ихь намус сикинди вуш, ухьхьан гучӀ адарди Аллагьдиз багахь хьуз шулухьхьан. 22Гьаддиз Аллагьди, Чаз ккарагну Чакан фу тӀалаб гъапӀиш, гьадму тамам апӀурухьуз, фицики Дугъан табшуругъарихъди гъярахьа, ва Дугъаз ккуни ляхнар апӀурахьа. 23Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду. 24Шли Аллагьдин табшуругъар тамам апӀураш, гьадму кас Аллагьдиъ яшамиш шула ва гьадму касдиъ Аллагь яшамиш шула. Наънан аьгъяхъа ухьуз, ухьуъ Аллагь яшамиш шулайиб? – Дугъу ухьуз багъиш гъапӀу Рюгьналанмина аьгъяхьуз.
Terpilih Sekarang Ini:
:
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
© Институт перевода Библии, 2010, 2013, 2016, 2018, 2023