Ayat Alkitab yang Popular daripada Luka' 6

Kongsi

Ido' O'moso ne'mo inite' mata' lengemelingisi lingine nene evene' inite' mata' ngimilo. A'mine O'moso'mo lengemeline' inite' nene vauve goloso elosa lengi' di miniliza votigile nesi ivile' ogosa lengemeleseive. A'mine inite' lengemeline' nene lingine evene' ngimiliza votigilelokovo' lengemeleseinako nemu' lingine a'mine'mine igi inite' vauve ili ngimi minilo.

Ido' evene' a'mine'mine igi nizave. Evene' lu'ningu' go'zikani' inite' nene ve'ninguti' li hulaa' nanako evene' lamine' ne'mi lulou' nene gamazi lamineli'mo vai' lo neinako ne'mo nene monovo lamine' do soto' oga' neive. Ido' evene' goloso ne'mi lulou' nene gamazi goloso ne'mo nene vai' lo neinako ne'mo nene monovo goloso do soto' oga' neive.

Ne neiha lingine lengi' biluvatine nene lutine ngimilo. Ido' ngele'mize lamine' i-ngidilo. Ido' evene' inite' ngimilizani' nene alinge' gohi dalone lami haza gidini ngimilo. Ne'mine igi haza ngimilizani' nene O'moso'mo menitine naba molo-lengedeleseive. Atoli'mine ogo dize minive O'moso aza evene' goloso nene nasahili' o-ngedaa' neine' nemu' gilavo haza nite' lolo' ogavo ezemu' opo'ni lisa'mave nesi haza gopo nasahili' o-ngedaa' neine' nenako lingine nene evene' inite' ma haza gidini ngimilizani' nene a'mine atoli'mine ogo dizo minive ne'mine gili vani' mini ei' izipahala gehepeve minilisave.

Nemu' nene lingine metibo ne'mo evene' muki' mulumotine ningo hize ele' o-lengedaa' neine' ne'mine igi linginesi evene' mulumo'ine ningi hize ele' i-ngidi minilo.

Ido' ne'mine igi O'moso'mo lengi' monovotinemu' dovo' ledevo' ogo ize' molo lamilingisi lingine evene' maliti monovomu' divi' ledivi' igi ize' mili lamilo. Ido' O'moso'mo lingine monovo goloso dikeve lo lengemenga lamilingisi lingine evene' mamu' monovo goloso dikeve li ngemenga li'mi monamilo. Ido' O'moso'mo lengi' lihimetine nene hulo-lengedelingisi lingine evene' lihime di-lingidaveti lihime'ine nene huli-ngidilo.

Ne'mino neine'za neze gamazi'ne nigilave nene naza ti' lo nolo-lingimuve: Biluvatine nene lutine ngimi lengikumu' gosele' ngebelaa' neive nene nasahili' i-ngidi di lamine' i-ngidilo. Ido' initeli'mo ma lingibilivoo li usi' izi-lingidaa' nani' aleve nene O'moso'mo no'noho' ize-lingidivoo li-lingimilo. Ido' goboni mili-lingidilizavemu' nene do lamine' o-ngedelive li O'mosola li minilo.

Ido' lingine evenelite lelita ne'mine mana'mine i-lidilizave li gili ma nene engitasi a'mine'mine i-ngidilo.

Ido' ve mali'mo gatido' noizivo ma nene helalasi izelize mine velepe' izilo. Ido' ve mali'mo saketika nene dalove nolivo ma nene siotika ngomo lulou' nesi nene do a'manapa amozo. Ido' lengitati' inite' ma dalone li longo' navo ma nene ha ngimilo. Ido' lengitati' inite' ma ipe' igi di vikevo ma nene gohi di ti'ni limilo li lamilo.

Gohuno gihile nene uhoni zaloti' ngelo ma elamolosane. Ido' vaini gihile nene gasavasi nala' golosoloti' nene ngelo ma elamolosune. Nemu' za mukiliti monovo nene gihile'ine izeline' ne'mo do soto' ogavo ningelonido' o neine' nenako nemu' nene za ma lamine' noline' ne'mo nene gihile've goloso ma izamoloseive. Ido' za ma goloso noline' ne'mo nene gihile've lamine' ma izamoloseive.

Gohuno gihile nene uhoni zaloti' ngelo ma elamolosane. Ido' vaini gihile nene gasavasi nala' golosoloti' nene ngelo ma elamolosune. Nemu' za mukiliti monovo nene gihile'ine izeline' ne'mo do soto' ogavo ningelonido' o neine' nenako nemu' nene za ma lamine' noline' ne'mo nene gihile've goloso ma izamoloseive. Ido' za ma goloso noline' ne'mo nene gihile've lamine' ma izamoloseive.