1
Luka' 11:13
Monoꞌ Godolo Gosohoꞌ
aso
Lingine nevo ha evene' golososi nilizaha izipahatine zuho nene ha gizebo lamine' i-ngidi inite' lamine' nene ha ngimaa' nave. Nemu' nene linginesi lingivile' ogo lamine' minive Okulumoku' metibo ne'mo nene evene' ingine voku' li ezela laa' nave nene Sikalahu've lehize-lengedamilihe. O'ove. Mo atoli'mine ogo lehize-lengedeleseive.
Bandingkan
Selidiki Luka' 11:13
2
Luka' 11:9-10
Ne'mine oloseinako naza ti' lo nolo-lingimuve: Inite' ma dalone li O'mosola lilizave muki' nene inite' ha dalisave. Ido' O'mosolati' nene inite' ma vise' ilizave nene ha ningilisave. Ido' akahelo' okoho' izilizave nene O'moso'mo ha si'ze-ngedeleseive. Nemu' linginesi O'mosola inite' mamu' longo' ilizani' nene ha lengemeleseive. Ido' vise' ilizani' nene O'moso'mo ha lengelebizeleseive. Ido' akahelo' okoho' izilizani' nene O'moso'mo ha si'ze-lengedeleseive.
Selidiki Luka' 11:9-10
3
4
Luka' 11:2
Ne'mine lavo Izesu' aza ti' lo lo-ngimine': O'mosola nili ma ne'minisa lilo: Meteho ve, Gei' guliveka nene evene' vai' gelekunivo dizosa miniliho. Ido' eveneka gizebo o-ledeline' nene lelita mudise soto' iliho.
Selidiki Luka' 11:2
5
Luka' 11:4
Ido' lihime di-lidave mukiliti lihime'ine nene mo hulo-ngedaa' noune' nenaze. A'mine'mine ogo leze lihimete nene hulo-ledezo. Ido' lemengu' molaa' akalo' nene lele'mizo vamozo.
Selidiki Luka' 11:4
6
Luka' 11:3
Ido' nalone' noso' nitete nene gamene gamene lemezo.
Selidiki Luka' 11:3
7
Luka' 11:34
Evene' volone' akate nene vete ne'mo olo' livi' ne'mino mino do soto' o-ledaa' neive. Ido' lukali'mi vele lamine' ha mineline' nene O'moso'mo okonga luka muki' nene hize labana' ele-gedeleseive. Ido' lukali'mi vele've goloso o noline' ne'mo nene okonga lukau' liti'musovo' ize vai' lo mineleseive.
Selidiki Luka' 11:34
8
Luka' 11:33
Ve ma lamu vite' igisa galese lulou' nehe ido' somo lulou' nehe nene ma haleki milamilisave. Asi evene' numungu' dizilizave hize labana' ele-ngedelingumu' nene soto' lamu molaa' holomolo' milalisave.
Selidiki Luka' 11:33