Ayat Alkitab yang Popular daripada Zohane' 14

Kongsi

Ido' mo hulo-lengedeloni' o neine' nenako haza hulo-lengedamo hongu monovo nesi nene nohulo-lingiduve. A'mine hongu monovo nene me misubou' alevete hongu monovo di soto' iga' nani' ne'mine minamo nenitati' atoli'mine ogo minine' hongu nene nolingimuze. Lingine lengemeni balala livo mini goliselo' ve minamilo.

Ne'mine lavo Izesu' a'mido' ti' lo line': Me'neho O'mosola vaa' aka nene na'nise'ne nouve. Aka nouvonako naza nene a'mida vilizangumu' gamazi gihile ne'mi meleho mino minevo' minevo' lengemeni dameni lengemaa' meleho nesi nene na'nise'ne nouve. Nemu' nene a'mine aka nenita vamilizave hamolitesi nene me'nehida ngeli ma vi hetelamilisave.

Ne'mine lo Izesu' imine' molo ti' lo line': Lingine lutingu' nanite' soto' o-ledelivo li gili lengemeni balala loka' loka' ivo nizani' nene mo alamilo. Asi O'mosomu' gili ele'vole' igi nenikumukisi nene gili ele'vole' igi minilo.

Ne'mine nouha naza vokuvo me'neho nene neni' ve'nemu' ogo lengita imiselelive lengi' hize ele' o-lengedelive O'moso'mi Sikalahu' ne'mo nene inite' mata' mukikumu' nene apize lengemo lo-lingimuvo nite' mukikumu' nene gohi lo gatine oloseive.

Evene' ma ingine neni' gamazi'ne di mini a'mido' gili di minaa' nave nene mo lu'ine laminetoti' nimaa' nave nene nizave. Ido' a'mine lu'ine laminetoti' nimaa' nave nene me'neho lulo ngemeleseive. Ne'mine neivo nazasi nene lu'ne ngemo neni' nemeni dameni ngelebizelesuve.

Ne'mine ikevo naza me'nehine lokuvo lengita minevo' minevo' ilingumu' nene hize ele' o-lengedelive gohi ma imiseleleseive. A'mine imiselelive nene gamazi gihile do soto' ive O'moso'mi Sikalahu' nene neive. Me misubou' initekumukovo' gilaa' ave ingine a'minemu' nene ma ningi gilisa'mani' nenako eze nene ngeli ma di ti' amilisave. Nene neiha aza nene lengita mino lutingu' omo minaa' neine' nenako lingine nene ezemu' mo ningi gili nizave.

Neni' gulive'ne di ti' igi mini neni' evene'ne lolo' igi minilizanguti' inite' mamu' lilizani' nene gipele nenitoti' nene me'nehi gulive've di hozi lilizangumu' ve losa nene ha gele lengemelesuve. Ee, neni' evene'ne lili' igi minilizanguti' inite' mamu' nenita lilizani' nene ha gele lengemelesuve.

Lingine lutine nimi nizani' noline' nene naza lo-lingimuvoni' gamazi nene gili di minilisave.

Me'nehi numuno ebe'vela minevo' alevo' igi minilizani' numuno nene vai' goloso neive. Ido' ne'mino ma minamidiniko naza vo numuno do va'va' o-lengedelove lo lo-lingimuvoni' nene ma lamuvodine.

Ido' naza vo numuno do va'va' o-lengedeloni' nene a'mine vo mineloda nene linginesi vi minilizangumu' ve lo lengi' nene do nenita ogo lengele'mizo volosa gohi alosuve.

Ido' izipahala zuhouti' Tomasi' ne'mo ti' lo lo-dine' ve: Guvekasi ve, gaza viline' ebekumu' nene ma gelamune' nenako a'mida vaa' akasi nene laza nado ningo gelelone.