Ayat Alkitab yang Popular daripada Zohane' 10

Kongsi

Ido' gumine gizengizelo' ve ingine hazamu' ami asi gumine damine igi ngibili di goloso ilisavo' iga' nave. Ne'mine iga' naha neni' uvoni' nene ne'mine olosa amo asi neni' sipisipi ize'ne nene minevo' minevo' ngemeni dameni nene ingine dalizani' votigile ivile' ivosa lehize-ngedekuvo di ti' igi lamini gehepevevo' minilizave losa uvoni' ve.

Neni' nene sipisipi izelo' gizebo ve lamine' gehepeve ma ne nouve. Sipisipi izelo' gizebo ve lamine' nete nene sipisipi ize'ine di ngu' izilisa nene golise ami oko'ine huli hililizado' o neive.

Neni' sipisipi ize'ne nete no'nelo' nene lubamu gili nimaa' navo naza engi' nene ningo gele nouvo ingine nene neni' ne'metaa' nave.

Naza minevo' minevo' ngemeni dameni ngemekuvo ingine mo keke' vi tolovo igi hahasi mo amavo evene' malitesi ipe' igi a'neuti' ma di vamilisave.

Ee, neni' nene a'mine gesi'mi gateni nouvonako a'mingu' neniku' imi hili gesi minguko dizilizave muki' nene inite' mali'mosi do goloso o-ngedamivo laminekovo' minilisave. Ne'mine igi mini dizi limi igi noso' nite' ningi ni lamini minilisave.

Ido' naza me'nehinemu' ningo gele nouvo aza neni' ningo gele neine' ne'mino naza nene sipisipi izelo' gizebo ve lamine' gehepeve nouvonako nemu' nene naza sipisipi ize'ne engikumu' nene mo ningo gele nouvo ingine nenikumu' nene ningi gili nizave. Ido' naza engikumu' nene neni' oko'ne hulolosuve.

A'mine sipisipi ize'ne do neni' nimive me'neho nene inite' muki' ngivile' ogo naba goloso neinako evene' malitesi nene ipe' igi anauti' ma di vamilisave. Ido' me'nehosi nazasi nene do bizo mo hamo' gehepeve nosive.

Ido' naza me'nehinemu' ningo gele nouvo aza neni' ningo gele neine' ne'mino naza nene sipisipi izelo' gizebo ve lamine' gehepeve nouvonako nemu' nene naza sipisipi ize'ne engikumu' nene mo ningo gele nouvo ingine nenikumu' nene ningi gili nizave. Ido' naza engikumu' nene neni' oko'ne hulolosuve.

Ido' evene' nibili hilikevo minevo' alevo'ne hulo heleloni' nene ingine nivile' igi amuzo milalizadi'mo nomive. Asi neni' lu'nelo' do molo gele ngemekuvosa nene ne'mine i-nidilisave. Ido' me'neho ne'mo nene ne'mine iline lo-nede neine' nenako nemu' nene oko'ne nene haza hulolosuve. A'mine ne'mine oloni' amuzo'ne nene do nouve. Ido' a'mine'mine ogo minevo' alevo'ne gohi do tine' molo daloni' amuzo'ne nesi nene do nouve line' ve.

Nemu' nene imine' molo Izesu' ti' lo line': Naza nene mo lamineto' gehepeve nolo-lingimuve. Sipisipi ize dizi ingaa' ani' gesi'mi gateni nene neni' nouve.

Ido' monimu' sipisipi izelo' gizebo gono daa' ave sipisipi me'ninge minamani' nete nene loposo gulo navo ningilizani' nene sipisipi ize huli-ngidi golise vilisave. Ne'mine ikevo a'mine loposo gulo nene ogo sipisipi ize ma belo gelelehe' o-do novivo sipisipi ize linge nene hutile' igi vilisave.

Izesu' imine' molo ti' lo line': Naza lamineto' ti' lo nolo-lingimuve: Ve ma ingine sipisipi izeliti gesi minguko dizilisa nene gatenguko dizami aka atota gesi goholou' dizaa' nave nene mo a'mine sipisipi gizebo ve'ine minami gizengize ve goloso nizave.