Ayat Alkitab yang Popular daripada Maki 14

Kongsi

Nenafagae kagaya mukiꞌa yana kanale hateꞌasine. Nagaya falisua kava nehugi ani havi kanamoꞌa satuꞌage hia ti kana tima hanea keꞌayola nahafaletalo. Afaꞌa nagai nagu nagesa akave ohuka kahaisia yana afaꞌa huo.” huno havige.

Sataniꞌa ayelamavataga hisigeno tamakuꞌamoꞌa ‘Ohugahue.’ huno tokiyaꞌage humaineanagi afaꞌa amega tamaugafamoꞌa tokiyaꞌa omaleneanagino ‘Hugahue.’ huno hisia yana hugahigi Satani kema ohavisaya yafena kava yagaitama mainetama Anumayamotega ke hutama havigeho.” huno hamapaiye.

Tamage huꞌna tamahanepauve mukiꞌa ma mopafi veapima Yisasifena kanale mono kema hamapaisayana ani aꞌmoꞌma hia kavafeꞌenena hamapaisageꞌya mukiꞌa veaꞌmoꞌya agaife amakesa havi havi huꞌya maigahae.” huno hie.

Huteno mage huno hamapaiye “Nahau nayamopamoꞌa tusiꞌa kanaꞌage nehigeꞌna ago falisua kava nehugi male mainetama kava yagaitama maineho.” huno hie.

Ani kavela nenageno Yisasiꞌa kaihame kana maya alino nunamu huteno muse huno havigeno kolite kolite huno neꞌamamino mage huno hie “Aliho. Mamona nagaiꞌni naugafae.” huno hie.

Nagola vaini nofi alagamo ti* hanea keꞌayola aliteno nunamu huno muse huno havigeno alino amamite amamite higeꞌya nemainae. Nenageno Yisasiꞌa mage huno hie “Mamona nagaiꞌni kolane. Vayaꞌmoꞌya nahaesageꞌna falisugeno kolaniꞌamoꞌa takilavino mukiꞌa veafene huno takilavisia yafe Anumaya Kotiꞌa hulokiya vaino alino halegafilamatenea kemo* aepamoꞌa alino fatago hugahie.

Yisasiꞌa mage huno hamapaiye “Tamakaya mukiꞌamogatama nagaife havitama tamakupi maletama tamametiti nehaya yana ataletama asaga hulavisagi nayona ani yafe kaemaleneane ‘Nagaya sipi sipi kava kanoa haesugeꞌya sipi sipiyaga atagufeꞌya falegahae.’ huno kaemaleneane.

Mukiꞌamogatama hetitama vigetao. Ageho nagesi huno nahaesia kanoa ago neꞌegi vigeta mogamano.” huno humaine.

Higeno Yisasiꞌa mage huno hie “Tamage huꞌna kahanepauve meni kegela kokolemoꞌa tole kanale agea oꞌainesigeka kagaya tagufa (3) kanale mage hugane ‘Nagaya oꞌagenoa kanoe.’ huka avane hunategane.” huno hie.