Ayat Alkitab yang Popular daripada Lwa-Jakobo 1

Kongsi

Bakwesu, amuyeeye kuti ncoolwe cipati na mwasikilwa masukusyo aamisyobo misyobo, nkaambo mulizi kuti kusukusigwa kwalusyomo lwanu nkokuleta lukakatilo.

Pele na nkwali akati kanu uubula busongo, akumbile kuli-Leza, uubaabila boonse cabuuya acakutatongauka, nkabela ulabupegwa.

Muleezi kale makani aya, nobakwesu bayandwa. Pele muntu woonse abe amutwe muuba, amuke kwaamba, amuke kunyema

Eno lukakatilo alukalondole mulimo walo woonse, kuti mube balondosi akuba aciimo cizulide cakutabula cintu.

Pele amube basikucita makani, mutabi basikuswiilila buyo balyeena.

Ngusicoolwe oyo muntu uukakatila mumasukusyo, nkaambo na wabonwa kuti muyumu, ulapegwa musini wabuumi, ngwaakasyomezya Mwami kulibaabo bamuyanda.

Zipego zibotu zyoonse azyoolwe zyoonse zilondokede zilazwa kujulu, zilaseluka kuzwa kuli-Wisi wamimuni, uutasanduki, uutajisi acenzule cakusanduka

Ikuti na muntu ngusikuswiilila buyo, pele tali sikucita makani, ulikozyene amuntu uulilanga mucimboni kubusyu mbwaakalengwa abo, nkaambo amana kulilanga, ulainka, elyo ulafwambaana kuluba mbwabede.

Busyomi busalala butakwe kampenda mumeso aa-Leza Taateesu mbombuboobu, bwakuti muntu aswaye bamusyaala abamukabafu mumapenzi aabo, akuliyobola cakutaba akabala nikaba komwe kaansi.

Na muntu watepaulwa, ataambi kuti, Ndatepaulwa kuli-Leza, nkaambo Leza tatepauliki kucibi, alimwi walo mwini tatepauli muntu pe. Muntu ulatepaulwa na alengawidwa akoongwa kuzisusi zyakwe mwini.

Lino mukwesu mucete abotelwe asumpulwa