Ayat Alkitab yang Popular daripada Yohan 15

Kongsi

Ngò gi, tsibyiq nuî nghut lhê; núngmòq gi, akoq pé nghut akô. Byù rayùq yùq, Ngò má nyi nyi é nghut luî, Ngò gi, yhang má nyi nyi é nghut jáng, haú yùq gi, ashi myo myo zui râ nghut lhê; hkâsu mù gâ le, Ngò mai gang jáng, núngmòq gi, haî le a wó kut kô é nghut lhê.

Ngò má nyi nyì keq; Ngò le, núngmòq má nyi nyì râ nghut lhê. Akoq hkangmó gi, tsibyiq nuî má nui nyi é za a nghut jáng, yhang baú ashi wó zuî é a nghut. Haû eq rajung za, núngmòq le, Ngò má nyi nyi é za a nghut jáng, ashi wó zui kôrâ a nghut.

Núngmòq gi, Ngò má nyi nyì luî, Ngá é dang pé gi, núngmòq má bo nyi é nghut le gi, núngmòq ô nau é haî nghut kôlhang, dung keq; haú hkûn, núngmòq lé byi râ nghut lhê.

Núngmòq, Ngo lé hkyin yu é a nghut, Ngò shèq, núngmòq lé, htoq e ló mù, gîng nyi é ashi zui râ matú hkyin masàt tô é ru nghut lhê. Haú hkûn shèq, Ngá é myìng lé lang mù, haû Îwâ chyáng núngmòq haí jung dung kôle, Yhang byi râ nghut lhê.

Haû yhûmsing é luzúm wui é matú, yhûmsing é chyungxe àp byî pyâm é chyitdàp myìt htoq kô é, chyitdàp myìt gi, ó yùq chyáng le a bò nghut ri.

Yhang gi, ashi a zuî é akoq hkangmó lé, Ngá chyáng mai kyik pyám luî, ashi zuî é akoq hkangmó lé kúm gi, ashi je myo zui sháng gàq ga, shang pyám byî ri.

Ngò, núngmòq lé chyitdàp é su, núngmòq yhangchang chyitdàp lhum keq; haû gi, Ngá é hkunmó nghut lhê.

Núngmòq gi, haû ashi ga-myhó zuî é dông, Ngá wâ é hpungwup shingkang lé lhoqhtoq shit é nghut luî, Ngá é chángzô pé nghut é hkyô lé tûn shit nyî bekô nghut ri.

Ngò gi, haû tsibyiq nuî a-kyîng nghut lhê; Ngá wa gi, tsibyiq hkyâm yhûmsîng nghut lhê.

Ngò má a nyi nyi é sû gi, haû dú pyâm é hui luî, kyuq shi byùq é akoq eq wuí ri; haû sû é akoq pé gi, byu pê èq gùq yù mù, myihkyóm má dú kat pyâm é hui luî, nyé gyó byùq râ nghut lhê.

Núngmòq má Ngá é gabú hkyô jòq nyì râ eq, núngmòq é gabú hkyô wó byíng jùp râ matú, Ngò, núngmòq lé, dang shí pé taî é nghut lhê.

Ngò gi, Ngá wâ é hkunmó lé châng é nghut luî, Yhâng é chyitdàp myìt má gîng nyi é su, Ngá é hkunmó lé, núngmòq châng nyì kô é nghut jáng, núngmòq gi, Ngá é chyitdàp myìt má gîng nyì kôrâ nghut lhê.

Núngmòq yhangchang chyitdàp lhum keq; haû gi, Ngá é hkunmó nghut lhê.

Núngmòq gi, haû mingkan eq sêng é bang nghut é nghut jáng, haû mingkan gi, yhang eq sêng é bang núngmòq lé chyitdàp râ nghut lhê. Nghut kôlhang, núngmòq lé gi, Ngò, haû mingkan mai hkyin htoq yû bê nghut luî, núngmòq gi, haû mingkan eq a séng lo kô é yánmai, mingkan gi, núngmòq lé a naù a wom nghut ri.