Ayat Alkitab yang Popular daripada Dani-elaq 2

Kongsi

“Garai Gasâng é myìng gi, ahtum abyùq hkya-on kúngton é huî nyì sháng gàq; hpàqchyî byéng-yá eq hpungwup a-tsam gi, Yhâng é nghut nyi ri. Yhang gi, ahkyíng eq yàm-yòq lé htaî nyi ri; Yhang gi, hkóhkâm rayùq lé lhoqhkyô pyám mù, góyùq lé lhoqtoq yu ri. Yhang gi, hpàqchyî bò sû lé hpàqchyî byéng-yá byi mù, sê gyô é u-nuq bò sû lé sê hkyang é hpàqchyî byî ri. Yhang gi, nìk dik é hkyô eq nghop tô é hkyô pé lé hpông shit ri; Yhang gi, mauchut má jòq é bànshoq lé sê é nghut mù, maubó gi, Yhang eq rahá nghut nyi ri.

Haû jáng, Dani-elaq gi, “Hkóhkâm myî é nghop tô é hkyô lé, hpàqchyî bo é bang, lòng kat bang, myòqnghop hpàqchyî kut bang eq bùt hpyit é bang, ó yùq le wó ge taî sân kyo râ a nghut; nghut kôlhang, nghop tô é hkyô pé lé hpông shit é Garai Gasang gi, mauhkûng htoq má nyi lhê. Yhang gi, Hkóhkâm Nebuhkatneza lé, htâng má dùt lò râ hkyô tûn shit bê nghut ri. Nang myang é yhupmòq eq nàng hpyang má lèq tô é hkûn myang é shing-rán gi, shî sû nghut ri.

Hkóhkâm haú bâng é i-pyàt pé má, maúhkung é Garai Gasang gi, hkâ-nhám le wó lhoqhten râ a nghut é mîngdán xuq to râ nghut mù, hau é ahkáng ayá gi, gótû byu pê é lòq má wàng râ a nghut. Mîngdán haû gi, gótû mîngdán bànshoq lé lhoqhkyop pyám râ nghut mù, haú pé lé lhoqhtûm pyám râ nghut lhê; mîngdán haû gi, yhâng é yhang ahtum abyùq jòq gîng nyì râ nghut lhê.