Ayat Alkitab yang Popular daripada 1 Korinhtuq 6

Kongsi

Núngmòq é gùngdu gi, Garai Gasâng chyáng mai núngmòq wó yû bê nghut é, núngmòq má lúng nyi é Chyoiyúng So é noqkuq yhûm nghut é lé, núngmòq a sé kô lhú? Núngmòq gi, yhûmsing gùng lé sing é bang a nghut. Hkâsu mù gâ le, núngmòq gi, ahpau ralhum byi mù wui hpyit tô é hui bê bang nghut akô. Haû mù luî, núngmòq é gùngdû èq, Garai Gasang lé, hkúnggâ é hkyô shit nyî keq.

Agè agaú é bang gi, Garai Gasâng é mîngdán mâ é shimân jeju a myang hkam yù kôrâ nghut é hkyô lé, núngmòq a sé kó lhú? Hkâ‑nâ nyì kó. Ashop é dông gùngsho zùm yàp é bang le, hparà noq é bang le, su-myi sulàng lú é bang le, shiwa hpó kut é bang le, yùqgè yhangchang nyì zô lhûm é mara kut shut é bang le, hkau bang le, myòqnòq bang le, î shuq wùt bang le, lùmù gànsang é bang le, mhaú zô é bang le, Garai Gasâng é mîngdán mâ é shimân jeju lé myang hkam yù kôrâ a nghut.

Ashop é dông gùngsho zùm yàp é hkyô lé koi pyám keq. Byù rayùq kut shut é gótû mara pé bànshoq gi, yhâng é gùngdu shinggan má nghut lhê; nghut kôlhang, ashop é dông gùngsho zùm yàp é hkyô kut shut é sû gi, yhûmsing gùng lé mara shut é sû nghut ri.

“Jung hkangmó kut râ ahkáng ngò wó lhê.” Nghut kôlhang, jung hkangmó gi, a-kyû byî é a nghut. “Jung hkangmó kut râ ahkáng ngò wó lhê.” Nghut kôlhang, haí jûng èq le ngo lé wó sing pyám râ a nghut.

Garai Gasang gi, Yhâng é a-tsâm èq, haû Yhûmsîng lé, shi é mai lhoqdui toq yû bê nghut mù, ngá-nhúng lé le lhoqdui toq yû râ nghut lhê.