Ayat Alkitab yang Popular daripada 1 Korinhtuq 12

Kongsi

So é hpông shit hkyô gi, byu pê é gè hkyô matú, yùq hkangmó lé byi bê nghut ri.

Ahkuî, núngmòq gi, Hkrisidùq é gùngdu nghut kôluî, núngmòq yùq hkangmó gi, hau é gùngsho showui showang pé nghut akô.

Haû gùngsho showui showang ralhum jamjau huî é nghut jáng, lhum hkangmó bo jamjau râ nghut lhê. Ralhum hpautap huî é nghut jáng, lhum hkangmó bo gabú é nghut lhê.

Rayùq lé gi, Sô haû mai, hpàqchyî byéng-yá byíng é danglù byî é nghut ri; góyùq lé gi, Sô hau èq za, sumsé hpàqchyî byíng é danglù byî é nghut ri; góyùq lé gi, Sô hau èq, lùmjíng myìt byî é nghut ri; dum góyùq lé gi, Sô hau èq, nò lhoqge é chyûnghuq byî é nghut ri; dum, góyùq lé gi, hpungwup a-tsam pé; dum, góyùq lé gi, myìqhtoi htoî é ahkáng; dum, góyùq le gi, sô pé lé sê gam hkoq é ahkáng; dum, góyùq lé gi, làklaí dang ahú hú ge taî é ahkáng; dum, góyùq lé gi, dang haú pê é lichyúm taî sân kyô é ahkáng, byî é nghut ri.

Chyûnghuq haú pé bànshoq gi, Sô hau èq za kut é lòqmú chyat nghut mù, Yhang myìt hpyit é dông yùq hkangmó lé haú pé tsing gàm byî é nghut ri.

Haû mù, gùngdu má gamhkuî lhûm é hkyô a bo é za, gùngsho showui showang pé ralhum eq ralhum, rajung za kut wó myìt tê byî lhum kôrâ nghut lhê.

So é hkyô eq sêng é chyûnghuq ajung jung jòq lhê; nghut kôlhang, Chyoiyúng Sô mai chyat nghut lhê. Dójaú é hkyô ajung jung jòq lhê; nghut kôlhang, Yhûmsîng rayùq lé za dójaú é nghut lhê. Zui saî é hkyô ajung jung jòq lhê, nghut kôlhang, Garai Gasang yhang za, byù lhúnglhâng bang má, haú pé bànshoq lé kut é nghut lhê.

Garai Gasang gi, noqkuq hpúng má, sânghi lé, lagyô pé, í lhum nghû râ má, myìqhtoî pé, sûm lhum nghû râ má, mhoqshit bang, hau htâng má, làklaí alhô agàn pé kut râ bang, nò wó lhoqgê râ chyûnghuq wó é bang lé le, góbang lé wó garúm é bang, shuî-u râ chyûnghuq wó é bang, làklaí dang ahú hú ge taî é bang lé, masàt to bê nghut ri.

Haû gùngdu gi, gùngsho showui showang rabun lé za kut tô é a nghut é za, myo myo lé pong tô é nghut lhê.

Haû za a nghut, gùngdu mâ é gùngsho showui showang pé má wum je nyhôm é su dùt é pé le, a bò a ge é chyat nghut lhê.

Ragùng dû é gi, myòqjí za nghut é nghut jáng, gyô é hkyô gi, hká má nghut râ lhú? Ragùng dû é gi, nohkyap za nghut é nghut jáng, shôm nam é hkyô gi, hká má nghut râ lhú? Nghut kôlhang, Garai Gasang gi, gùngsho showui showang hkangmó lé, Yhang dùt nhâng nau é eq rajung za, gùngdu má kut to bê nghut ri. Gùngsho showui showang gi, rabun za nghut é nghut jáng, gùngdu gi, hká má nghut râ lhú?