Ayat Alkitab yang Popular daripada Otnga Mugaeai 49

Kongsi

Iuda ga ikikisi toto togid mamaron kapeipei somisomi. Ele gergeu muriai ga timadid ga timugamuga. Ieda kapei ga ienono toa bedaoa ga irangrang ngan eaba tutui ede ibada imul muriai. Gid alu toa ngada ne tanoeai ga tilongolongo eaba toa oa ilinge.

“Iosep ei mambe oaroaro oain ede tiarum boloma ngan eaumata, ta itautau iuot busa. Ibogaboga iuot mamarae ta ilugaluga dadanga aea ala. Gid panua toa tipaparau ngan pandenga tiuangga tirau ei ta tikado paraunga matua pan.

Be ei ikikisi matua ele pandenga, ga ibage isamimi mao. Ngansa Iakop aea Deo toa iura kapei tau idol ibage ga idae ngan ei ngan pamatuanga ei. Deo toa ne somisomi imariala ngan gid Israel, be ei mambe led pat matua. Iosep, tamam aea Deo, ei eao am luanga. Deo Matua Soke Tau ga ikado kemi ngan eao ta ibabada danga kemikemi ga ila pago. Ele pamatuanga ngan eao ga itaptap mariambai ga isulug ga iuotot tanoeai ga idae pade. Lem taine ga masilau mud ga tipopo kemi ga tipadudud led gergeu.

“Iuda, am kapeipei ga am kakakau ga tisoasoa edam. Eao ga gigiran am miri itamatama gagalid. Be tamam ele gergeu padengada ga tikor aed ga tilolon ngan eao. Iuda, eao mambe laion daenga pau ede, ta eao raurau am masilau ta eanean, ga kus ta dae ga la. Iuda ei mambe laion ede imata inono masilau, ta tem ga tem ngan aea raunga. Eaba eta irangrang ngan ikado ele pespes ta ipamasmasi ilolo mao.

“Ruben, eao leg gergeu lautabe. Gau tinig gargar maitne be napopo eao, ta eao man kilala ngan gau urag. Eao edam ga uram kapei tau, ta madid ga mugamuga. Be eao parpar ngan nasinga lem kimnga mambe eau imasesel. Tota eao rangrang ngan madid ga muga pade mao, ngansa eao eno toman ngan adaoag, ta pamaeamaea gau kapei tau.