Ayat Alkitab yang Popular daripada Otnga Mugaeai 27

Kongsi

Deo ga ikado namul buburiai aea ga isulug ga inam ngan am dadanga, ta am annga ga iuot busa. Eine ga ikado ga am tano imona kapei ta am wit ga oain iuot busa pade. Gid alu toa ngada ne ga timan lem paeaeanga, ta panua ngan tuanga toa ngada ne ga tikor aed ga tilolon ngan eao. Eao ga man maron ngan am kakakau, ta tnam ele gergeu ga tikor aed ga tilolon ngan eao pade. Be sapadua tikado posanga paeamao ngan eao, eine Deo ga ipaeabu ngan gid. Be sapadua tikado posanga kemi ngan eao, eine Deo ga ikado kemi ngan gid.”

Ta Iso ikeo bedane, “Ega, ei ipakaka gau parua na. Mugaeai ilub mulig gergeu lautabe aea, ta labone ilub ag pamatuanga pade. Tota ele kadonga pakakanga toa ne inasi ieda ipu.” Ta Iso ibeta itama pade bedane, “Be lem pamatuanga eta pade ngan gau mao?”

Be itama Aisak ikeo, “Ega, eao ga mado aluai ngan tano imona. Be namul buburiai aea ga isulug ga ipatub am dadanga mao. Eao ga parau ngan didi ngan badanga am annga ga lem madonga kemi. Be eao ga man tadim kakau ele paeaeanga. Be muriai eao ga tolatola ngan ei, ta boko paeaeanga pan pade mao.”

Ta Iso ikeo pade pan itama, “Be lem pamatuanga kelede mon? Apa, kado posanga kemi ngan pamatuanga gau pade!” Ta itang kapei.