Ayat Alkitab yang Popular daripada SAN LUCAS 2

Kongsi

Chavaycha la ixputaulan David va tsukuchal qayntaun yu katamalaqtaxtuyan ni uxiknankꞌan. Yucha ni Cristo yu laksakta ni Dios para kamil lhachimoꞌon ni lakamunukpaꞌ.

Pero lakjunil ni ixmayul Dios: —Jantu katꞌalhanantꞌik. Kitꞌin klajunputunau taun chivinti yu va ayaj ox yu kalakmaꞌachajuyaꞌ tachun ni lapanakni.

Ay kamakakal ni Dios laktꞌiyan. Aniy lakamunukpaꞌ oxamaktaun katataulal ni lapanakni yu tamakay yu lhinajun ni Dios.

Ex ni Jesús va ixꞌajin y vachu ixꞌayꞌan ixjatapastakꞌati. Vachu ni Dios kun ni lapanakni ixtalhiꞌachantajuy ni Jesús.

Katꞌemayapitik ni jasꞌatꞌa pamilkanta, mamakanta taꞌan tavajin jukin. Tejkan chuncha katꞌemayapitik ex chuncha kꞌapꞌukꞌatsꞌayapitik ni laqsaval yu klajunau.

Ni anchanu putsꞌista ixtavilanal lapanakni yu ixtalhistakꞌa ixborregoskꞌan la ixlhimaqspaꞌ ni putaulan Belén. Ex va laktasunil ixmayul ni Dios, va tus tꞌoqx jamaputunkunil ixmaklku ni Dios, va la pꞌaysni ixjunita. Ex chuncha yuꞌuncha va la tatalhanal.