Ayat Alkitab yang Popular daripada SAN LUCAS 17

Kongsi

Ex ni Jesús va junil ni jachꞌiniꞌ: —Kaꞌostꞌaꞌulcha, kapꞌinchꞌoꞌocha. Va kꞌilhakꞌapꞌupꞌicha, xlhiyucha oxicha xaꞌunchꞌoꞌoy.

Incha makaniyan yu jantu ox mas va aqtujun laka julchan y aqtujun mapaxachoqoy ixjatapastakꞌati ex kꞌamalaqmixinin.

Ex chuncha qayntaun xataꞌayuꞌ makal kuenta ni oxicha ixjunchoqota, va taspꞌikchoqol, va la pꞌas aqtayl ay makay ni Dios. Va talakaputal taꞌan ixyal ni Jesús, aqtayl skꞌiniy lhimalaqpuchuncha. Ni yucha va machaqaꞌ Samaria.

La ox kꞌalhistꞌajkꞌantꞌik. Incha milaqaj makaniyan yu jantu ox, ex kꞌaxaꞌalatꞌi. Incha mapaxay ixjatapastakꞌati, ex kꞌamalaqmixinin.

Ex naul ni Jesús: —Va pumakau yu palay tajunchoqol. ¿Toꞌoxtaycha ixtaꞌan yu pumanajatsi?

Ex chuncha ni Jesús va lakjunil: —Mas va tsꞌuniy milhakapuꞌatikꞌan tacha yu lakatꞌuniy xataltsꞌi mostasa, ex lay unatꞌik ni aniy kꞌiu katakuklhi, kachꞌankal ixꞌaman lakamar y va chuncha kunaꞌ yu unatꞌik.

Ni lapanaki yu ixꞌaman malaqtaxtuputun ixjatsukunti, yucha kamaqatsꞌanqayaꞌ. Pero yu maqxtaꞌa ixjatsukunti, yucha kalhitsukuchoqoyaꞌ.

Ex ni Jesús lakjunil ixtꞌaltanan: —Si kaꞌalinaꞌ yu maqtaqalhinin pero paynicha yu jamalaniy lapanakni para katamakal yu jantu lajꞌoxi. Apalay ox kaval kapixtuchꞌimukꞌakal xachiyux pachꞌikni y kamajꞌankalcha lakamar. Apalay lhitaꞌay kunaꞌ incha kamamaqtaqalhinil qayntaun lakatꞌuniy tacha yu aniy jasꞌatꞌa.

Tejkan kakminchoqoyaꞌ ni kitꞌin yu Sasꞌatꞌa Lapanaki vachu va chun kajunchoqoyaꞌ tacha ixjunita tejkan ixtꞌajun Noé. Ni anchanuꞌ lapanakni ixtavajin, ixtaꞌoqnun, ixtalakxtuklay, ixtamalakxtuklhanan, y vamun yuꞌ ixtapastakta tus tejkan tanul Noé laka barco. Ex alil ay akskajꞌuti y tamuxtuꞌol tachun ni lapanakni.