Ayat Alkitab yang Popular daripada PREDIKER 1

Kongsi

Baie wysheid stel hoë eise, wie kennis versamel, versamel smart.

Wat was, sal weer wees; wat gebeur het, sal weer gebeur. Daar is niks nuuts in hierdie wêreld nie.

Woorde vervaag mettertyd, en 'n mens kry nie klaar met praat nie. Die oog kyk, maar kry nie klaar met kyk nie; die oor hoor, maar kry nie klaar met hoor nie.

Alles kom tot niks, sê die Prediker, tot niks. Wat kry die mens vir sy geswoeg, sy geswoeg in hierdie wêreld?

Ek het alles wat in hierdie wêreld gebeur, bekyk: alles kom tot niks, dit is 'n gejaag na wind.

Geslagte kom en geslagte gaan, maar die wêreld bly altyd dieselfde.

Wat verby is, word vergeet, en ook wat later kom, sal vergeet word deur dié wat daarna kom.

Ek het my daarop toegelê om te verstaan wat wysheid en kennis is, en wat dit is om 'n gebrek aan wysheid en kennis te hê. Ek het vasgestel: ook dit is 'n gejaag na wind.