Ayat Alkitab yang Popular daripada Jue 6

Kongsi

Ata' ix sch'ox sb'a Yángel Jehová d'a vin̈, ix yalan d'a vin̈ icha tic: —Ach vinac tec'an. A Jehová ayoch ed'oc, xchi d'a vin̈.

Ix och q'uelan Jehová chi' d'a vin̈, ix yalani: —A in tzach in checb'ati, ol vac'n̈ej ip yic tza colanel eb' etchon̈ab' d'a yol sc'ab' eb' madianita chi', xchi d'a vin̈.

Ix yalanxi Jehová d'a vin̈ icha tic: —Ayinoch ed'oc, yuj chi' ol ac' ganar eb' madianita chi'. Icha val tz'aj yac'ji ganar junoc anima sch'ocoj, icha chi' ol aj ac'an ganar eb', xchi d'a vin̈.

Ix tac'vi vin̈aj Gedeón chi': —Mamin, ac' in nivanc'olal yuj tas ol vala'. Tato ayoch Jehová qued'oc, ¿tas yuj sjavi juntzan̈ tic d'a quib'an̈? ¿B'ajtil ay juntzan̈ tas satub'tac yilji yalnaccan eb' co mam quicham d'ayon̈, ayic yalannac eb' to a Jehová ic'annaquelta eb' d'a Egipto? Palta axo ticnaic, on̈ yactejcan co ch'ocoj, on̈ yac'ancanoch d'a yol sc'ab' eb' madianita, xchi vin̈ d'ay.

Ix tac'vi vin̈ icha tic: —Ay Mamin, ac' val nivanc'olal d'ayin junelxo. ¿Tas val ol aj in colan eb' vetchon̈ab' tic? Yujto a in tic yed' eb' ayto vuj in b'a yed'oc te meb'a' on̈ d'a scal eb' yin̈tilal Manasés. Slajvub' unin in d'a scal eb' vuc'tac, xchi vin̈.

D'a jun tiempoal chi' ix emul Yángel Jehová, ix em c'ojan d'a yich jun te' mach' d'a Ofra, d'a yol yic vin̈aj Joás yin̈tilal Abiezer. Ay jun vin̈ yuninal vin̈aj Joás chi' scuchan Gedeón. A vin̈aj Gedeón chi', van stec'anel ixim strigo vin̈ d'a yol jun b'aj stec'chajel yal te' uva, yic sc'ub'ejel ixim vin̈ d'a eb' madianita chi'.

Ix lajvi chi', ix sb'oanq'ue jun altar vin̈ ta' yic syic'anchaan̈ Jehová vin̈. Ix yac'ancan vin̈ sb'iej: A Jehová ac'um junc'olal. A jun altar chi' ix cann̈ej d'a Ofra d'a yol smacb'en eb' yin̈tilal Abiezer.

Ix yalanxi vin̈ d'ay: —Mamin, tato vach' in d'a yol a sat, ch'ox junoc yechel vila' yic vach' snachajel vuuj to schecab' ach Dios.

Ix yalan Jehová d'a vin̈ icha tic: —Man̈ ach xivoc, man̈ ol ach chamlaj, xchi d'a vin̈.

Ix lajvi chi', ix scha c'ulanxi chucal eb' israel chi' d'a yichan̈ Jehová. Yuj chi' uque' ab'il ix ac'jioch eb' d'a yol sc'ab' eb' madianita yuuj.