Ayat Alkitab yang Popular daripada Oknayene Ibo 37

Kongsi

Te, aglke ta Josep ugl kubu ta kandre, ye agiglema di togwa. Di togo, ye prisre, deno podo kubro teigwa.

Ana Jekop, kagie ta Israel we digwa i, ye wama mudu wakai kanugwa ba ye kidagl yei kodugwa igne Josep kuglkwa pre Josep swara ye wakai kaima kanugwa. Wakai kaima kanugwa pre ye ere mogl, ir gagl olto ta wakai kaima si bogl, Josep togwa.

Ana Jekop ye Josep swara wakai kaima kandre, wam tau wakai kaima kankrukwa i, Josep agiglema kanigwa. Kandre, ye deno kubro Josep tedre, ka wakai ta di tekrikwa.

Te, okuo Josep aglke kor ugl kubu ta kandre, agiglema boglo si te, yegl dugwa, Na agrama wagle, ene prio! Na aglke kor ugl kubu ta kaniga. Na ugl kubu kaniga i, ade ya ba ya kugl kuri 11-pela ere mogl, bitno magide nariko, kaniwe di, yegl dugwa.

Yegl dugo, Josep agiglema deno muduno u kide ogwa ba Josep nem ere mogl, Josep ka dugwa i pre moglsre, kina gudu prukwa.

Josep ugl kubu kandre, agiglema boglo si te, yegl dugwa, Na agrama wagle, na ugl kubu ta kaniga di tenariwa. Prio! Na ugl kubu kaniga i, nono yoba kugl mogo ere yaiglmara mogl, kugl si kodigwa nono makai sidre, koglo sumga. Koglo sumgo, na kugl koglo siga i, suna adigl paugo, ene kugl koglo sigwa i bina adigl winabo di, na kugl koglo siga i bitno magide teigo, kaniwe di, yegl dugwa.

Nono ye si goglsre, ogo gagie maugl nigl magigl i perimara pia si atne edinamniwa. Yegl ersre, nono yoba di te, Taragl are ta ye si nomiwe dinamga. Yegl oromun, ye ugl kubu kanugwa ikra pai inabo? di, yegl digwa.

Yegl digo, Ismael yoba dumo Midian nem meglkwa i wigo, Josep agiglema ye ake gudu i meda edigo, Ismael yoba i ye mige silva 20-pela tedre, Josep idre, ede dumo Isip eigwa.

Ye yegl digwa, Ugl kubu kanugwa yagle ikra umiwa.

Ana Josep ye agiglema kandre, meglmara enagledi pi moglko, ye eglke mogl ugwa i, kanigwa. Ye Josep kandre, eglke u moglkwa igne ye si goramnedi di kogl yeigwa.

Josep agiglema yegl digwa ba ye agigle komono Ruben ka digwa i prisre, ye agiglema Josep si goglkraiglmedi ka yegl dugwa, Nono ye ta si goglkramniwa. Dumo wau yomara magigl i, maugl nigl perimara ikra pia si atne edinamga ba ye ta si goglkramniwe dugwa. Ruben yegl dugwa i, ye okuo Josep i meda edidre, agre i ede pi neno moglmara tenagledi prisre, yegl dugwa.