Ayat Alkitab yang Popular daripada Málákuse 16

Kongsi

Uganyɛ gɔ́b ká: «Ánɔbaán kɔɔ́m gidigid gá gus núdúmbenyi band Ndág ya Nsɔ́m.

Bisey ebie bíganuánɛ́gaan aga band báganuádáb Ndág ya Nsɔ́m: Bégeémenyi biád bá bíliíndié na bugaga nganúfá bɔ́, bagagála bɛŋɔ́lɔŋɔ́siɔ bá gugál ɛbɛ́ bámáal bádɛ́fɔ́nɔfɔ́n, bagadɛgaan inyɔ́k na ɛmbɔ́g sɔ́b, ta buánɛ́g ká bámábúwá ɛlɔ́g, ta buanda dɛgaal bɔ́, bágadálaan ɛmbɔ́g gá band bánɔ́maná, band abaány éŋúgeen.»

Ewe uganuádáb Ndág ya Nsɔ́m, wond ubídu, ugabá agá gusɔ́d gá medug mem. Ewe ugenuén udiondí ɔdɛm wág agamia, unyɛ na gɛgua, ugabá agá guɔ́bɛ́g gá medug mem.

Bafɔ́nɔfɔ́n abaáb gá guúl bédúmbényí Ndág ya Nsɔ́m kɔɔ́m gidigid. Ɔgúnɔ́ mabá udúgúne bɔ́ gá buol ubuány, udíyenyi agá bisey ɛbɛ́ bámáabá bála agá bugaga umáadánɛ́n bɔ́, ká gudúmbenyi gɔ́b gá Ndág ya Nsɔ́m nyɛ meliŋítas.

Uganyɛ gɔ́b gɔg ká: «Nudɛbiá buwa, saá Yésu wa Násalɛd ɔwɔ́ bámáasanda agá kolós nuanbaná e? Usanyɔg, udɛbá and aya; ánuán, aya bámáabɛ́dɛ́gɛ́n wɔ́.

Bédugi eŋísi, abaán ká gɛnɔ́m gá nɛdany gɛ́máabá agá nibíŋínín ná gɛbɛl ganyɛ nidíŋílídényi agá buáy. Ebébíŋín, abaán gɛndɔmbuɔ́ gá mɔnd gilukúménén buáy bɔ́b bá ɔmbɔ́g wa ɔnɛ́m na kaba fúuum agá nuɔ́l, gianta gá buwa igiádɛgɛn bɔ́.