Ayat Alkitab yang Popular daripada Matáyoso 5

Kongsi

Anaány sɔ́n bádiábáná báguág lámba yoóg ká bábɔgɛn wɔ́, bágɔ́dɔ́ŋa wɔ́ ká údegenyi gians gidigid. Nɛnama nímoom, nsɛ́ gise gaán ségéde agá eŋís yá band nɛnama nɛ́nyá ká bámánan bɛnɔg baán bá bielínyélínyé, bégúmenyi sié wanɔ unyá ugumuana.

«Nunyɛ gise gá gus. Bɔ́diguɔ́sɛgɔɔn tísɔn gigúl unyá afuágán agá nɔgɔnd.

Bese giod na ebe bányá na ɛdɛm begubegu, bánuán Gɔdányá.

Bese giod na ebe bánɔ́mana nsana na nɛɛ́da na manda manyá busi Gɔdányá gaal ká bódúgoon.

Yaŋuá nŋúnuɔ́yɔɔn ká ánɔ́lɛgá bambɛ́lɛmbɛ́l bán nuondo, nubísógólónyi góbusió bá ebe bénúgényígenyé

«Bese giod na ebe bálɛ́nsaná ká bádɛ́bá ta buanda agá eŋís yá Gɔdányá, Bufuŋ bá muana guɔ́bɔnɛn bɔ́.

Bese giod na ebe báganá bumbén gadágadá wɔbɔ, bágabɛ́laan bɔ́ ká baan bá Gɔdányá.

Bese giod na ebe bábáŋaná, Gɔdányá gobómbidonyi ɛdɛm sɔɔ́b.

Bese giod na ebe ɔbɔ́ band bóndodi genúsésenyi bɔ́ góbusió bá busi, Bufuŋ bá muaná guɔ́bɔnɛn bɔ́.

Bese giod na band bányá na mahan, Gɔdányá gáan bɔ́ sɔ́n mahan.

Bese giod nanɔ gigúl bánúsɛ́ganá, bénúnusenyi bónd, bánúsɔ́mban biád bá móony gidigid gámɛ góbusió. Ánɔbá bese agá bɛdɔdɛn, gágual ká, bɛnama baán nyɛ duúmé ugumuana; anaány béméesésényí mubús má Gɔdányá múmáakɛ́n gaán.

Bese giod na ebe bányá na ɛdɛm yédududu, bánúdáŋáb gus gá ndán.

«Bánuá nunyɛ nigɔb ná gus. Nigɔb mén nidiánd gusima nanyá nínyá ná guand gubá nigɔb e? Nídɛguánd gudúgúne ta gá buanda. Bóguódo nɛ́ agá ɔɔnd, band bínde nɛ́.

Banuá gɔg, ánubá mbanda, anyɛ́ Sié wanɔ unyá ugumuaná nyá agúnínan.

Númágála ɔ́nuɔyɔ́ ká: “nŋɛɛ́ɛ” gúmén “ágó”, moóló mónd gúlenin aga ebéndibénd.

«Numɔ́ɔbɔɔ́n bɔ́yɔ ká: mɔnd máguád niís, ád wɔ́ sɔ́n nág, mɔnd mágubál niíny, bál wɔ́ sɔ́n nág. Yaŋuá ngúnuɔ́yɔɔn ká, mɔnd mágual giád gá buanda, odibíondí wɔ́. Mɔnd mágusáb ɔmbɛl agá nuás ná ɔmbɔ́g ɔnɛ́m, diyé wɔ́ sɔ́n nuás núndodió.

«Niís nɔ́w ná ɔmbɔ́g ɔnɛ́m mágudɔ́man gáguala bɛfal, bál nɛ́, ómb nɛ́ ayáyá nɔw: gágual ká búnyɛ bese nɔ́w ká buláŋ bɔ́w búmoom nyím, gɔdɔ́mb ká nuɔ́l nɔ́w gidigid biéti agá gɛgɔ́lɔ́gɔ́dɔ gá yoóg yá kand nɛmanɛ́ná. Ɔmbɔ́g wɔ́w ɔnɛ́m mágɔdɔ́maan gáguala bɛfal, sɔ́mbɔ́ wɔ́ ómb wɔ́ ayáyá nɔw: gágual ká búnyɛ́ bese ká áyɛ́n buláŋ bɔ́w búmóm, gɔdɔ́mb ká nuɔ́l gidigid áb agá gɛgɔ́lɔ́gɔ́dɔ gá yoóg yá kand nɛmanɛ́ná.