Ayat Alkitab yang Popular daripada Matáyoso 28

Kongsi

Ánɔbaán gɔg agá egúl yá gus gidigid, nuál ká bóndoon bafɔ́nɔfɔ́n bám, núduenen bɔ́ agá ɔfɛ́n wa sié, na wá mɔɔn, na wá Ɛsámb yá Mefúny, nuónd núfúnyifunyi bɔ́ ká bófuógonyi manda gidigid mmáal gán ká nuála. Yaŋuá, inyɛ nanɔ medug mem guám agá nɛmanɛn.»

Yésu gubɛ́nyɛkɛnɛn bɔ́, uganyɛ gɔ́b ká: «Bányɛ bámfaán bugaga gidigid bá muana ta bá gus.

Ta anaány, ɛngɛlɛs ya Gɔdányá ganyɛ gá bagánd ká: «Banuá, nudibiá buwa, ngúlɛnsaan ká Yésu bámáasánda agá kolós nuambaná. Udɛgábá andɔ aya, usaman guanyɔg agá ebeguén gɔɔ́gɔ anyɛ́ umɔ́ɔyɛ́d. Ánusián, aya béméebídígínyí wɔ́.

Yésu uwad guɔyɛd gɔ́b ká: «Nudibiá buwa. Ánɔ́b guɔyɛ́dɛ́n belimen bám ká báb agá giéns gá gus gá Galilé, ány báganúŋán.»

Bɔgɔ́gɔ na bagɔn bá gɛdɔŋ abál gɛgɔ́s, ɔbɔ́bɔɔ́n ká béŋin musia muonyi giod, bágányɛ gá mú ká: «Nugɔguɔ́yɛd ká: “Bafɔ́nɔfɔ́n bá mɔnd ewe soól na budug bémésiéb gɛlɔŋ gág gɛsɛgɛl diságubá dɛbɛ́dɛ́man.” Búmánɛ́g ká buóny ubuány mánaám agá idú sá ngɔ́mɔnɔ, digagúlɛns nanyá buófonó ká dígálɛ́d gág, ká únɛɛn buóny nudɛbiá bɛsan.» Musia umuány umuɔ́gɔ́l muonyi, umuál anyɛ́ bɔ́mɔ́ɔyɔɔ́n mú. Buóny ubú musia umuány mɔ́ɔyɛ́d, ubuásálámand aga Beyúdɛn, búmabása gubiɔ́yɔ gutɔ gusiám ínen.