Ayat Alkitab yang Popular daripada Xa̱bo̱ Filípo̱s 4

Kongsi

Ma̱xáxná-gamiéjwanlaꞌ mbá jayu gáꞌne rí ma̱ri̱gá, a̱ꞌkhue̱n gakon, i̱ndo̱ó máꞌ Ana̱ꞌlóꞌ gútha̱n-jáñíílaꞌ numuu mbá xúgíí rí ndaꞌyálaꞌ, jamí gu̱rígu̱ulaꞌ gamaku ná inuu Ana̱ꞌlóꞌ mangaa.

Jamí Ana̱ꞌlóꞌ gáꞌne rí ma̱ꞌne tsímáá a̱kia̱nꞌlaꞌ. Ikhaa tsímáá rí nanújngoo-rámuu rí nafroꞌo̱o̱ xa̱bo̱ numbaa, ikhaa rúꞌkhue̱n gáña̱wu̱u̱n nímia̱ꞌlaꞌ jamí ju̱ma̱ꞌlaꞌ numuu rí mbóó juwalaꞌ gajmiálaꞌ Krísto̱ Jesús.

I̱mbo̱ó máꞌ rí phú na̱tha̱nꞌlaꞌ rá, a̱ngui̱nꞌ, ikhaa ríge̱ꞌ phú jaꞌyoo rí mu̱ndxa̱ꞌwa̱-mijnálaꞌ numuu: mbá xúgíí rí gakon, mbá xúgíí rí nitiamakuíí, mbá xúgíí rí jmbu, mbá xúgíí rí jaꞌwu, mbá xúgíí rí mitsaan, mbá xúgíí rí máján kri̱ga̱ ajngóo. Gu̱ndxa̱ꞌwa̱-mijnálaꞌ máꞌ xúꞌkhue̱n ga̱jma̱á numuu rí máján jamí mangaa máꞌ rí jaꞌyoo rí mi̱ꞌthán rí máján numuu.

Mbá xúgíí máꞌ na̱ꞌngo̱ꞌ numuu rí Krísto̱ naxníꞌ tsiakhe̱.

Ga̱ꞌdxalaꞌ jámba̱ miꞌtsú rí mbóó juwalaꞌ gajmiálaꞌ Táta̱ Jesús. Na̱tha̱nꞌlaꞌ mbu̱júꞌ: ¡Ga̱ꞌdxalaꞌ!

Ikhaa jngó mbá xúgíí rí ndaꞌyálaꞌ, Anu̱ꞌ Mikhuíí maxnálaꞌ ne̱ ga̱jma̱á majñu̱u̱ rí phú mitsaan rí gíꞌdoo guéño Krísto̱ Jesús.

Mbá xúgíí rí ni̱sngálaꞌ, jamí rí ni̱ma̱ñalaꞌ, xúꞌkhue̱n máꞌ rí ni̱dxawíínlaꞌ jamí rí ndi̱ya̱álaꞌ rí na̱ne̱ ikhúúnꞌ, ikhaa rúꞌkhue̱n gúne̱laꞌ. Jamí Ana̱ꞌlóꞌ, tsí naꞌne rí ma̱juwalóꞌ tsímáá, ma̱xtáa ga̱jma̱á nindxa̱ꞌlaꞌ.

Májáanꞌlaꞌ jamí gamakuáanꞌlaꞌ gáꞌne ná inúú mbá xúgíin xa̱bo̱, numuu rí inu máꞌ ma̱ꞌkha̱a Táta̱ Jesús.

Nda̱yo̱o̱ máꞌ naxtáá awúun rí tsingíná, jamí nda̱yo̱o̱ máꞌ naxtáá awúun rí ríga̱ guéño. Awúun mbá xúgíí rúꞌkhue̱n nika-ra̱ma̱ñuꞌ, rí ma̱kuéꞌtsó asndo ma̱gi̱ꞌmuꞌ jamí rí ma̱xki̱dxu̱ꞌ mangaa. Xúꞌkhue̱n máꞌ ni̱ma̱ñuꞌ rí ma̱gúꞌdo̱ꞌ guéño, jamí mangaa máꞌ rí mba̱ꞌyóꞌ.

Tsítha̱nlo̱ꞌ xí ndaꞌyóꞌ guéño, numuu rí ikhúúnꞌ na̱ma̱ñuꞌ máꞌ naxtáá gagi ga̱jma̱á rí gúꞌdo̱ꞌ, asndo náá máꞌ rí ríga̱.