Ayat Alkitab yang Popular daripada Juáán 5

Kongsi

»Na̱tha̱nꞌ-jmbalaꞌ ríge̱ꞌ: tsí nadxawuun rí na̱tha̱nlo̱ꞌ jamí nanimbo̱o̱ꞌ jaꞌyoo̱ tsí nixúngu̱únꞌlo̱ꞌ, ndaꞌyee̱ jámuu jamí mi̱xáxnáxi̱i̱ rí mamínu̱u̱ꞌ jámuu. Numuu rí nijríya̱a̱ꞌ máꞌ inuu rí ma̱ja̱ñúu̱, jamí ndaꞌyee̱ rí xúge̱ꞌ rá.

Ído̱ ndiꞌyoo Jesús rí jabóo̱ mbayíí, jamí ni̱ma̱ñuu̱ rí maphú wajyúú máꞌ najáñuu̱ xkuaꞌnii, a̱ꞌkhue̱n niraxu̱u̱ xa̱bo̱ tsíge̱ꞌ: ―Á nandaaꞌ ma̱ꞌni̱i a̱kia̱anꞌ dxe̱ꞌ.

Ikháanꞌlaꞌ nu̱ne̱-gajma̱a̱ guéñalaꞌ i̱yi̱i̱ꞌ ajngóo Ana̱ꞌlóꞌ numuu na̱ju̱ma̱ꞌlaꞌ rí ikhín mu̱xkamaalaꞌ rí naꞌne rí ma̱juwalaꞌ jámuu. Ikhaa máꞌ ne̱ naꞌthán rí máján ga̱jma̱á numuꞌ mangaa. Xómáꞌ ikháanꞌlaꞌ tsíyalaꞌ gáguwalaꞌ inuꞌ kajngó ma̱juwalaꞌ jámuu.

Jamí Jesús niꞌthúun xa̱bo̱: ―Araxu̱unꞌ, atiáxi̱i aguáaꞌ, jamí a̱ngriga̱a̱ꞌ. A̱ꞌkhue̱n mbégo xúge̱ꞌ niꞌni̱i a̱kui̱in xa̱bo̱ tsúꞌkhue̱n, nimbúxii̱ agúu̱, jamí nigíꞌdu̱u̱n ningrigo̱o̱ꞌ. Mbiꞌi rí nduya̱a xu̱únꞌ xa̱bo̱ judío̱ ñajuun mbiꞌi rúꞌkhue̱n.

A̱ꞌkhue̱n rí Jesús niꞌthúu̱n: «Na̱tha̱nꞌ-jmbalaꞌ rí asndo nimbá rí ma̱xáxóo ma̱ꞌne A̱dée Ana̱ꞌlóꞌ rí mbáwíi ikhaa, rí i̱ndo̱ó máꞌ rí ndaꞌyoo̱ naꞌne Anu̱u̱, ikhaa máꞌ iꞌnii̱ mangaa̱. Mbá xúgíí rí naꞌne Anu̱u̱, mbá xúgíí máꞌ naꞌne A̱dée̱ mangaa.