Ayat Alkitab yang Popular daripada 2 Timotéo̱ 2

Kongsi

Athane̱-tsiakhe̱-mina̱ꞌ rí maꞌthán Ana̱ꞌlóꞌ rí máján nithane̱ ído̱ gáta̱xna̱xí-mina̱ꞌ ná inuu̱, xómá mbáa yumbáá tsí nda̱a̱ numuu rí ma̱ti̱yu̱u̱ꞌ, numuu rí najmuu mújúun ajngáa rí gakon.

Atagáyaaꞌ inuu mbá xúgíí rí xkawe̱ꞌ na̱wa̱ꞌwa̱ a̱kui̱ín mu̱ne̱ jñáma jamí i̱jín-go̱ꞌo̱. Araxná-mina̱ꞌ tsiakhe̱ rí ma̱tha̱ne̱ rí máján, rí ma̱we̱je̱ a̱kia̱anꞌ ná inuu Ana̱ꞌlóꞌ, rí ma̱gaaꞌ xtañúú xa̱bo̱ jamí rí ma̱ra̱xtaa tsímáá. Athane̱ rúꞌkhue̱n mbá ꞌnduꞌ gajmiáaꞌ mbá xúgíin tsí jaꞌwu a̱kui̱ín nu̱xríga̱á mbiꞌyuu Táta̱.

Mbáa tsí ñajuun yumbée Táta̱ ra̱gíꞌmaa rí ma̱tsa̱ñu̱u̱ꞌ gajmíi̱ xa̱bo̱, rí gíꞌmaa rí ma̱ꞌne gamakuii̱ inúú mbá xúgíin xa̱bo̱, ma̱ma̱ñuu̱ maꞌsngáa̱ jamí ma̱ꞌngo̱o̱ a̱kuii̱n jaꞌñúu̱ mbá xúgíin xa̱bo̱.

Xí ikháánꞌlóꞌ tsíꞌne̱-mbáníílóꞌ ajngálóꞌ, ikhaa̱ tsíniñuu̱ rí naꞌne-mbánuu̱ ajngóo̱, numuu rí ikhaa̱ tsíyoo ma̱ꞌne-nduwee̱ rí ñajuu̱n.

Xkuaꞌnii kajngó maxrígú-mine̱e̱ꞌ rí maꞌsngúu̱n rí gakon tsí tsíñúú gúdxawíín rí naꞌthée̱n. Á gáꞌne xí Ana̱ꞌlóꞌ ma̱ꞌne rí ma̱thanga̱a a̱kuíi̱n jamí mune̱-nuwii̱n rí gakon

Athane̱-tsíngua̱ꞌ-mina̱ꞌ inuu ajngáa rí nda̱a̱ gamakuu jamí ajngáa tsíjmaa rí nune̱ xa̱bo̱, numuu rí ajngáa rúꞌkhue̱n naꞌne rí mune̱-tsíngua̱ꞌ-mijná mbá jayu xa̱bo̱ ná inuu Ana̱ꞌlóꞌ.