Ayat Alkitab yang Popular daripada Markos 16

Kongsi

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos. Maski ni mangkáppot man hide ti ulag oni make-inom ti lason ay awan hide maaánya; sakay magpiyya u te saket hide a tupuwan de tu kamát de.”

U sumampalataya sakay magpabawtismo ay maligtas, pero u umád a sumampalataya ay maparusaan.

U disepulus na hide ay immangay ngani tu iba-iba a lugar sakay nagtoldu. Tinulungan hide nu Panginoon ti itod a gawain. Pinatunayan nu Panginoon tu tolay hide a tahod u impáppangaral de tu pamamag-itan nu pággimet ti makataka-taka a bagay a inpagkaluub na nide. [ 9 Ummangay u bábbey hide tu kán Pedro sakay tu kaguman na hide, sakay insaysay de u atanan a nakagi nide. 10 Káttapos ay inutusan ni Jesus u disepulus na hide a ipangaral tu atanan a suluk ni munduwáy u banal sakay a awan maglilipas a baheta nu kaligtasan a awan ti kahád.]

Pero kinagi na nide, “Dyan kam manteng! Tukoy ko a ehyukán moy ti Jesus a taga-Nazaret a nepako tu kudus. Awan dán he siya. Biniyag dán siya a huway nu Diyos! Ilingán moy u pinángdáttonan tu bangkay na.”

Nakagi de itod dipo tunay ti kadakál u bito. Pero tu káddemát di hod ay netan de a negulung dán u bito a takáp nu pintuwan. Sakay simmáddáp hide tu páglábbángngan, tehhod hide a netan a essa a lállake a nakabadu ti malayon sakay mapudew a damit, sakay mággetnod siya tu danág ti kawanan. Kanya tunay u ánteng de.