Ayat Alkitab yang Popular daripada روما 14

Kongsi

اشكو تاگلديت ن‑ربّي ءور‑تگي امشّو نغد تيسّي، والاينّي افولكي د‑سّلامت د‑لفرح ا‑تگا، س‑تحكيمت ن‑رّوح لقودوس. وانّا ءيتخدامن ءي‑لماسيح غمكاد، را‑فلّاس‑يرضو ربّي ار‑تي‑تالغن مدّن.

ءيغ‑ندّر را‑نرضو سيديتنّغ، ءيغ‑نمّوت را‑نرضو سيديتنّغ. اشكو ءيغ‑ندّر ءولا ءيغ‑نمّوت، وين سيديتنّغ ا‑نگا.

ءيمّا غيلاد ءيلّا فلّانّغ ا‑بدّا‑نتّيري ما‑د‑يتاوين سّلامت ءولا ماد‑اغ‑يسّدوسن ءي‑نگراتنّغ.

ماياد ا‑ف‑د‑يقّان ا‑ور‑سول‑نتحكام ف‑ينگراتنّغ، والاينّي ا‑نتنباض غ‑يخف‑نّغ ا‑ور‑سار‑نسرس كرا ن‑تبايضّرت غ‑لگدّام ن‑گماتنّغ ءولا كرا را‑ت‑يسّضر.

غمكلّي ءيتياران: «ءينّا سيدي ربّي ‹ءيزگا‑واوال‑اد زوند تودرت‑ينو. غ‑لگدّام‑ينو ا‑غ‑را‑د‑يكنو كرايگاتّ افود، ءيقرّا كرايگاتّ ءيلس ءي‑ربّي.› » كرايگاتّ يان گينّغ را‑يرار لحساب ف‑يخف‑نس ءي‑ربّي.

قبلات غ‑ينگراتون وانّا ءور‑يدوسن غ‑ليمان، والاينّي ا‑ور‑ديدس‑تّمجاحادم ف‑يسوينگيمن‑نس.

ما‑تگيت كيّي ايلّيغ تريت ا‑تحكامت ف‑وخدّام ن‑وايّاض؟ سيديس ا‑را‑فلّاس‑يرضو نغد نتّان ا‑را‑ت‑يرگم. س‑صّاحت را‑فلّاس‑يرضو، اشكو سيديس ءيژضار ا‑ت‑يگ د‑واد‑ف‑يرضا.