Ayat Alkitab yang Popular daripada Якъубил кагъат 1

Kongsi

ЗахӀмалъи хӀехьезе кӀолищали батӀи-батӀияб къагӀидаялъ нужер хӀалбихьулеб бугони, гьеб нужеца кӀудияб рохеллъун рикӀкӀе, диналъул вацал. Божи-иман щулияб бугищали хӀалбихьиялъ сабру бижизабулеблъи лъала нужеда.

Нужеда гьоркьоса лъилниги гӀакъиллъи гӀолеб гьечӀони, бадибчӀвай гьабичӀого, киназего гьеб гьарзаго кьолев Аллагьасда гьаре, Аллагьас кьела гьесие гьеб.

Нужеда лъай, дир хириял вацал, щивав чи гӀенеккизе хехавлъун, бицине хӀинцавлъун, ццин бахъинеги хӀинцавлъун вукӀине кколевлъи.

Биччанте сабруялъ нужее кумек гьабизе нужго камиллъизеги, щибго гӀунгутӀи гьечӀеллъун, тӀубанго камилаллъун лъугьинеги.

Гьеб рагӀухъ гӀенеккарал гӀоларо, гьеб тӀубазабизеги ккола, гурони – нужго нужецаго гуккулел чагӀилъун лъугьуна нуж.

Гьардарав гуревдай, сундалъун жиндир хӀалбихьаниги, сабруялда гьеб хӀехьолев чи. Гьеб хӀехьон хадуб гьесие щвела жиндиего рокьулезе Аллагьас къачӀан бугеб шапакъат – абадияб гӀумру.

Зодихъ бакъ-моцӀги цӀвабиги рижарав, амма живго хисуларев ва жинда бецӀлъи хъатӀуларев Аллагьасдасан лъикӀаб гурони рещтӀунаро, гӀадамазе щолебщинаб камилаб сайигъатги гьесдасан рещтӀараб буго.

РагӀухъ гӀенеккулев, амма гьеб тӀубазабуларев чи релълъуна живго кинав вугевали матӀуялъусан вихьарав чиясда. МатӀуялда цевеса нахъе аравго кӀочон тола гьесда живго кинав вугевали.

Нилъер Эмен Аллагьасда цебе хъублъиялъул тӀанкӀго гьечӀеб, тӀубанго бацӀцӀадаб иман ккола къваридго ругел бесдалазе ва къоролзабазе кумек гьабиги дуниялалда бугеб квешлъиялдаса рикӀкӀалъиги.

Сундалъунниги гьесул хӀалбихьулеб бугони, инсанас абизе бегьиларо Аллагьас жиндир хӀалбихьулеб бугилан. Лъилниги квешлъиялъ Аллагьасул хӀалбихьулареб гӀадин, гьесги щивниги къосинавизе хӀалбихьуларо. Амма инсан къосуна, жиндирго квешал къасдаз хадув цӀан, къориниве ккезавидал.

Я вацал, гӀодовегӀан вугев чӀухӀизе виччанте, Аллагьасда цеве гьев тӀадегӀанав вугелъул.