Ayat Alkitab yang Popular daripada 2 Петр 2

Kongsi

Цилӓ тидӹм Господь ӹштен гӹнь, Йымым жеплӹшӹвлӓм тергӹмӓш гӹц кыце ытараш дӓ законде ӹштӹшӹвлӓм суд кечӹ якте оролымашты кыце орландарен кычаш, Тӹдӹ пӓлӓ.

Тӧр ӹштӹмӓш корным пӓлен нӓлмӹ гӹц дӓ нӹнӹлӓн пумы святой шӱдӹмӓш гӹц молнамшы ӹлӹмӓш докы сӓрнӓлмӹ вӓреш тӧр ӹштӹмӓш корным ак пӓлеп ылгецӹ, нӹнӹлӓн яжорак лиэш ыльы. Нӹнӹ доно халыкын тӧр шаяштыжы попымы семӹнь лин: «Пи ӹшке уксынзышыжы докы пӧртӹлеш», дӓ «Мышмы сасна лявӹрӓштӹ пӓрдӓлеш».

Ӹшкежӹ локтылалтмашын цоражы ылыт гӹнят, ытлаш тӹнгӓлшӹвлӓлӓн ирӹкӹм сӧрӓт. Вет кӱ тӹньӹм сӹнген, тӹдӹн цоражы ылат.

Мӓмнӓн Господьна дӓ Ытарышына Иисус Христосым пӓлӹмӹ гач ти сӓндӓлӹкӹн сулык лявӹрӓжӹ гӹц ытлымыкы, тӹшӓкен угӹц ӓргӓлтӹт дӓ сӹнгӓлтӹт гӹнь, тенгежӹ мычашты нӹнӹлӓн тӹнгӓлтӹш годшы гӹц хударак лиэш.

Израиль халык лошты алтанзык пророквлӓӓт ылыныт, тенгеок тӓ лоштыдаат алталышы тымдышывлӓ лӓктӹт. Нӹнӹ пӹтен яммашыш нӓнгешӹ алталышы тымдымашым кандат дӓ ӹшкӹмӹштӹм тӱлен нӓлшӹ Господь гӹц карангыт, тидӹн доно ӹшке вӹкӹштӹ пӹсӹн пӹтен яммашым кандат.