Ayat Alkitab yang Popular daripada फिलिप्पियां 4

Kongsi

कुई बाता ची चिन्ता ना करा, बल्ति हर हेक बाते मां नरीकारा कनु प्राथना ते बिनती चे लारे धन्यवाद ङिती रिहा।

तब नरीकारा ची शान्ति, जको सारी समझ कनु परुं छै, तम्चे दिला नु ते तम्चे विचारा नु मसीह ईशु मां सम्भालती राखी।

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

मसीह, जको मनु ताकत ङिये ओचे मां मैं सारीया दशा चा सामना कर सग़े।

मैं किहे पला प्रभु मां सदा खौश रिहा, ते मैं दुबारा किहे पला कि प्रभु मां खौश रिहा।

ते माया नरीकार आपणे अपार धन चे अनुसार जको घणी महिमा लारे मसीह ईशु मां छै तम्ची हर हेक घटी पुरी करी

जको बाता तम्ही माये कनु सिखलीया, ङेखलीया, सुणलीया, मनलीया वांचा तम्ही पालन करा। शान्ति ङेणे आला नरीकारा तम्चे लारे रिही। मैं प्रभु मां खौश छै।

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

मैं घटी कमी मां रेहणे चा भेद वी जाणे, ते हा वी जाणे जिसे बेले सारे कोच्छ हो ते किवें रेहले जाये वे, किसड़ा वी समय हो किसड़ी वी दशा हो चाहे ढेड्ड भरीले आले हो चाहे भुक्‍के हो, चाहे ब़ोहत हो जा ते बल्ति कहीं वी ना हो, मैं वा सारा मां खौश हुवणे चा भेद सिखती गेला।

हा कोनी कि मैं आपणी कमी चे अनुसार किहे। कांकि जिसी दशा मां मैं रिहे मैं सब्र करने सिखती गेले।