Ayat Alkitab yang Popular daripada प्रेरितां चे काम 2

Kongsi

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

हेकदम आसमाना महु अन्धारी जिसड़ी सनसनाहट ची अवाज आली, जिसे घरा मां वे ब़ेहले हुते ओठे सारे घर गूंजती गेले। वानु जाखते जिसड़ीया लपटा ङिसलीया, ते वांचे महु हर हेक चे उपर आती कर रुकती गेलीया। वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते, ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

“ ‘नरीकारा ने केहले कि आखरी ङिहां मां इसड़े हुवी कि मैं आपणी आत्मा सारे इन्साना उपर उतारती ङिही। बल्ति तम्चे पूत ते तम्चीया छुवेरीया भविष्यवाणी करे, ते तम्चे जवान दर्शन ङेखे ते तम्चे बुजर्ग खाब ङेखे।

ते वे सारे विश्‍वास करने आले भेले रेहते, ते वांचीया सारीया चीजा उपर सारा चा हेक ही जिसड़ा अधिकार हुता। वे आपणी-आपणी सम्पत्ति ते समान बेचती-बेचती कर जिसड़ी जाई जरुरत हुती बांटती ङिते।

जको कुई प्रभु चे नाम गिही, ओ उद्धार पावी।’

प्रभु चे महान ते महिमामय ङिओ आणे कनु पेहले सूरज अन्धा ते चाँद लुहींया जिसड़ा लाल हुती जई।