Ayat Alkitab yang Popular daripada Yihokora 9

Kongsi

No hanu awa ha thigharire ko payinyandekitha yi, mbadi ha kuthighurire kuyitenda yawo yokukanderera hashatani, ngambi hanyambi homangondo no hoyikuvo no homawe no hoyitjwandjo yo kudhira kumona no kuyuva no kuyenda temba. Karo mbadi ha kuthighurire kughupaghi wawo no kughurodhi wawo no kuruhonda rwawo no kuwidhi wawo.

Momo mumwithi mo dya shwaghire dimba no dya dyadyaverire pamuve. Dimba ha di pire ngcamu thika di ha pire ngcamu nge pamuve. Hadi tongwera dimba eshi: Dya petha muhonyi, no mwengerere no kehe thitondo temba. Shimwengwa pithawo hanu wa ha pira thitareka thaNyambi, patuhungupara twawo.

Apa gha fudhire muengeli ghoghukwoko torombita wendi, kokumona kwange ditungwedhi dina kuturuka kuwiru, di were pamuve. Adyo ha di pire tjapi dhoditunga dyomwishi.

Ene dimba mbadi ha di fundhwerire kupagha hanu, kuwatjitjupitha rure rotughonda kwoko. Tjitju dhawo ne yira munu yu ghana humu nge.

Fumu wadyo ne muengeli ghomwishi. Dina dyendi mu Thiheburayi ne Abadoni mu Thihirika ne Apoliyoni.