Ayat Alkitab yang Popular daripada 2 Timoteghusi 4

Kongsi

Ame ne na rwa yita yoyiwa. Ho na kumu kughuhura. No na kara nomatawero thiwana kate kukuma mo.

Yuvithe n̂ando dhi, no dhikon̂wetwedhe roruhe no kehe pano: Neghedhe ghumbango wawo. Wa shinge no wa tjokedhe, pakuwahonga noghudhughutjima.

Yoyishi mbo dhi neya nako, edhi mba dhira kuthotera hanu kuyihonga yoghushemwa. Awo mbana kuthu yirumbera yawo no mbo hana kukongwedhera hahongi awa mba ghamba yi ha hima wo. Awo mbadi mbo ha tegherera kughushemwa, shimengwa kuyinu yonyara‐nyara ndani.

Ene we, turumuke muyoyihe. Nyande kenge yo. Tende thirughana thoye yira muyuvithi ghombudhi. No kumithe mo yirughana yoye yoyihe yomuyikarera.

Apa no me, thikoroni thoghuwithi tha ni taterera. Thikoroni thoghuhunga. Mudiyuwa dyomwiyero wendi karo, po mbo gha thi nipa Fumu, ghoMupanguri ghomuhunga. Ene kadi pithange mbo gha thitapera no kwawamweya karo, awa ha kara nodirura dyomwiyero wendi.